រាជធានីភ្នំពេញ ៖ ជនសង្ស័យម្នាក់ក្នុងចំណោម២នាក់ ត្រូវបានប្រជាពលរដ្ឋសហការជាមួយសមត្ថកិច្ចធ្វើការឃាត់ខ្លួន ក្រោយពីធ្វើសកម្មភាពឆក់កាបូបស្ពាយចំហៀងពីនារីម្នាក់មិនបានសម្រេច តែធ្វើឱ្យម្ចាស់កាបូបដួលអូសដងផ្លូវរងរបួសយ៉ាងដំណំ បង្កឱ្យមានការភ្ញាក់ផ្អើលកាលពីម៉ោង១១និង៣០នាទីយប់ ថ្ងៃទី១៦ ខែមីនា ឆ្នាំ២០១៩…
រាជធានីភ្នំពេញ ៖ ជនសង្ស័យម្នាក់ក្នុងចំណោម២នាក់ ត្រូវបានប្រជាពលរដ្ឋសហការជាមួយសមត្ថកិច្ចធ្វើការឃាត់ខ្លួន ក្រោយពីធ្វើសកម្មភាពឆក់កាបូបស្ពាយចំហៀងពីនារីម្នាក់មិនបានសម្រេច តែធ្វើឱ្យម្ចាស់កាបូបដួលអូសដងផ្លូវរងរបួសយ៉ាងដំណំ បង្កឱ្យមានការភ្ញាក់ផ្អើលកាលពីម៉ោង១១និង៣០នាទីយប់ ថ្ងៃទី១៦ ខែមីនា ឆ្នាំ២០១៩ តាមផ្លូវសហព័ន្ធរុស្សី មុខព្រលានយន្តហោះ ស្ថិតក្នុងភូមិក្បាលដំរី១ សង្កាត់កាកាប១ ខណ្ឌពោធិ៍សែនជ័យ ។
ជនសង្ស័យខាងលើឈ្មោះ មី រ៉ាវុធ ហៅវុធ អាយុ៣០ឆ្នាំ មុខរបរមិនពិតប្រាកដ ស្នាក់នៅភូមិបឹងសាឡាងសង្កាត់ឬស្សីកែវ ខណ្ឌឬស្សីកែវ ត្រូវឃាត់ខ្លួន និងម្នាក់ទៀតជាបក្សពួកគេចខ្លួនបាត់ឈ្មោះ អាចារ្យ អាយុប្រហែល២៥ឆ្នាំ ។ ចំណែកនារីរងគ្រោះឈ្មោះស៊ាង ហ៊ី អាយុ២៦ឆ្នាំមុខរបរកម្មការិនីរោងចក្រ ស្នាក់នៅភូមិជ្រៃកោង សង្កាត់ចោមចៅ២ ខណ្ឌពោធិ៍សែនជ័យ។
ប្រភពពីនារីរងគ្រោះបានឲ្យដឹងថា មុនកើតហេតុ នាងដើរឆ្លងផ្លូវចូលទៅព្រលានយន្តហោះអន្តរជាតិភ្នំពេញគោលបំណងទៅទទួលបងប្អូនមកពីកូរ៉េ ខណៈឆ្លងជិតផុតផ្លូវស្រាប់តែមានជនសង្ស័យ២នាក់ជិះមួយគ្រឿងម៉ាក YAMAHA GT ពណ៌ក្រហមលាយខ្មៅ ពាក់ស្លាកលេខភ្នំពេញ 1FW-7394 មកពីក្រោយធ្វើសកម្មភាពឆក់កាបូបស្ពាយចំហៀង ពណ៌លឿងលាយខ្មៅ ដែលនាងស្ពាយ បណ្តាលឱ្យអូសដួលលើដងផ្លូវរងរបួសពកថ្ងាស ឈាមចង្កា និងរលាត់ដៃរលាត់ជើងរងរបួសយ៉ាងដំណំ។
ប្រភពដដែលឱ្យដឹងទៀតថា ពេលឆក់នោះនាងបានប្រទាញប្រតប់គ្នាបណ្តាលឱ្យម៉ូតូជនសង្ស័យដួល ហើយជនសង្ស័យទាំង២នាក់ព្យាយាមរត់គេចខ្លួន ប៉ុន្តែត្រូវបានប្រជាពលរដ្ឋសហការជាមួយសមត្ថកិច្ចមូលដ្ឋានដេញចាប់បានម្នាក់ ចំណែកបក្សពួកម្នាក់ទៀតរត់គេចខ្លួនបាត់។
បច្ចុប្បន្នជនសង្ស័យត្រូវបានឃាត់ខ្លួនសាកសួបណ្តោះអាសន្ននៅផ្នែកជំនាញនៃអធិការដ្ឋាននគរបាលខណ្ឌពោធិ៍សែនជ័យ៕
ចែករំលែកព័តមាននេះ