រាជធានីភ្នំពេញ ៖ បងប្រុសតារាសម្តែងកញ្ញាបេនីយ៉ាំង បានចោទប្រកាន់តារាសម្តែងស្រីម្នាក់ កញ្ញាលី
ឡាវីន ថា បានហៅបក្សពួកប្រេីប្រាស់អំពេីហិង្សាមកលេីខ្លួន បណ្តាលឱ្យរបួសក្បាល រួចនាំគ្នាឡេីងរថយន្ត Range Rover បេីកគេចចេញពីកន្លែងកេីតហេតុ បង្កការភ្ញាក់ផ្អើលកាលពីវេលាម៉ោង០៨ និង៣០នាទីយប់ថ្ងៃទី១៥ មីនា នៅក្នុងហាងមួយកន្លែងយីហោ «សាច់អាំងបែបចិន» ដែលមានទីតាំងនៅជាប់រោងចក្របារី នៅលេីផ្លូវជាតិលេខ២ ភូមិព្រែកតានូ សង្កាត់ចាក់អង្រែលើ ខណ្ឌមានជ័យ ។
តាមប្រភពពីកន្លែងកើតេហតុបានឲ្យដឹងថា មុនពេលកើតហេតុនោះ គេឃេីញបុរស២នាក់ជិះម៉ូតូមួយគ្រឿងឌុបគ្នាចូលផឹកស៊ី នៅក្នុងហាងកើតហេតុខាងលើ ដោយបានអង្គុយនៅតុខាងក្នុង បន្ទាប់មកគេ
ឃេីញមានបុរស២នាក់ និងនារីរូបស្រស់ម្នាក់ទៀត ដែលគេស្គាល់ច្បាស់ថា ជាតារាសម្តែងកញ្ញា លី ឡាវិនបានបេីករថយន្តស៊េរីទំនេីបមួយគ្រឿងម៉ាក Range Rover នាំគ្នាចូលមកញាំអាហារ នៅក្នុងហាងកេីតហេតុនោះដែរ ដោយបានអង្គុយនៅតុខាងមុខហាង ។
ប្រភពដដែលបន្តទៀតថា មួយសន្ទុះក្រោយមក ស្រាប់តែឃើញមានបុរសមិនស្គាល់អត្តសញ្ញាណម្នាក់ទៀត ពាក់ម៉ាសបិទមុខ បានជិះម៉ូតូមិនចាំម៉ាកមួយគ្រឿង រួចហើយមកនិយាយជាមួយកញ្ញា លី ឡាវីន បន្ទាប់មកទៀត ស្រាប់តែបុរសដែលពាក់ម៉ាសនោះ បានកាន់មួកសុវតិ្ថភាពមួយដេីរសំដៅទៅតុជនរងគ្រោះ រួចធ្វេីសកម្មភាពវាយក្បាលបុរសរងគ្រោះ ដែលកំពុងអង្គុយចុចទូរស័ព្ទពីក្រោយបែកមួកការពារសុវត្ថិភាពខ្ទេច និងបណ្ដាលឲ្យបែកក្បាលចេញឈាម ហេីយបុរសរងគ្រោះក៏ស្ទុះមកប្រតាយប្រតប់ជាមួយបុរសដែលពាក់ម៉ាសនោះ ហេីយធ្លាក់ទូរស័ព្ទទៅលេីតុ ។
ភ្លាមៗនោះ គេឃេីញ កញ្ញា លី ឡាវីន បានទាញកៅអីដែកមកវាយចំក្បាលបុរសរងគ្រោះថែមមួយកៅអីទៀតបណ្ដាលឲ្យបែកក្បាលហូរឈាមតែម្ដង ទើបបុរសរងគ្រោះស្ទុះរត់ចូលក្នុងបន្ទប់ទឹកបង្កឲ្យមានការភ្ញាក់ផ្អើលពេញក្នុងហាង រួចហើយភាគីកញ្ញា លី ឡាវីន និងបុរសពីរបីនាក់ទៀត បាននាំគ្នាឡេីងលេីរថយន្ត Ranger Rover បេីកគេចចេញពីកន្លែងកេីតហេតុបាត់ស្រមោល ។
សមត្ថកិច្ចបានឲ្យដឹងថា ជនរងគ្រោះឈ្មោះ ប្រាក់ ហាវ អាយុ៣០ឆ្នាំ ស្នាក់នៅខណ្ឌច្បារអំពៅ បានដាក់ពាក្យបណ្ដឹងនៅស្នាក់ការប៉ុស្តិ៍នគរបាលចាក់អង្រែលេីដេីម្បឲ្យសមត្ថកិច្ចស្វែងរកក្រុមជនបង្កមិនផ្តន្ទា
ទោសតាមច្បាប់ ៕
ចែករំលែកព័តមាននេះ