រាជធានីភ្នំពេញ ៖ ត្រៀមទទួលអំណរឆ្នាំថ្មីប្រពៃណីជាតិនាពេលខាងមុខ ស្ថានីយទូរទស្សន៍សុីធីអិនបានរៀបចំថតកម្មវិធីសិល្បៈច្រៀងរាំទាំងបុរាណ និងសម័យ យ៉ាងអធិកអធម សប្បាយរីករាយ ។ មានតារាជាច្រើនបានចូលរួមក្នុងកម្មវិធីនេះ ។ បើតាមការឲ្យដឹងពីជំនួយការកម្មវិធីដែលរៀបចំនាព្រឹកថ្ងៃ១២ មីនា ឆ្នាំ២០១៩នោះឲ្យដឹងថា បានជ្រើសរើសសិល្បករប្រមាណជាង២០០នាក់ប្រជុំគ្នាច្រៀងរាំយ៉ាងសប្បាយរីករាយត្រៀមទទួលអំណរសិរីសួស្តីឆ្នាំថ្មីដោយមិនចាញ់បណ្តាឆ្នាំកន្លងទៅឡើយ ។ លើសពីនេះកម្មវិធីតម្រូវឲ្យសិល្បកររំលេចសម្លៀកបំពាក់ឲ្យសមតាមបរិយាកាសចូលឆ្នាំ ដូចជាហូលផាមួងអាវប៉ាក់ ព្រោះនេះជាបុណ្យប្រពៃណីជាតិធំមួយក្នុងចំណោមបុណ្យជាតិ ធំៗនៃសង្គមកម្ពុជា។
ក្រៅពីមានសិល្បករជាច្រើន ក៏មានបទចម្រៀងប្រមាណជិត៤០បទត្រូវរាំច្រៀងតាមកម្មវិធីដែលកំណត់ផ្សាយ៣ថ្ងៃនាខែមេសា។ បន្ថែមពីនេះក៏មានរបាំមួយចំនួនដូចជាត្រុដិ របាំកណ្តែរ៉ែ របាំគែន និងរបាំគោះត្រឡោកដើម្បីផ្សាយឲ្យអ្នករលកក្រោយបានដឹងស្គាល់ពីអត្តសញ្ញាណជាតិ ។
អ្នកនាងយុគ ចិន្តា និយាយថា «បើទោះបីជានាងខ្ញុំរវល់បែបណាក៏តម្រូវឲ្យជំនួយការរៀបចំថតទុករាំច្រៀងឲ្យបានជារាងរាល់ឆ្នាំ ព្រោះនេះដើម្បីចូលរួមលើកស្ទួយបុណ្យជាតិខ្មែរដ៏ធំ ។ មានរំលេចពីរបាំ ចម្រៀងប្រពៃណីគ្រប់ចង្វាក់ព្រមទាំងការរាំសប្បាយដើម្បីទទួលទេវតាឆ្នាំថ្មី និងអបអរស្រុកទេសយើងរីកចម្រើនបោះជំហានទៅមុខរហូត »។
វត្តមានតារាចូលរួមរាំកម្សាន្តមានអ្នកនាងយុគ ចិន្តា ,ឡាយ លក្ខិណា ,អឿន ស្រីមុំ ,គីង សូរិយា ,អោក សុមាលីតា ,អោក សុម៉ាវត្តី ,រ៉ូលីន ,បេប៊ី ,ហុិន ច័ន្ទធីតា ,តន់ ច័ន្ទសីម៉ា ,ទូច ស្រីលក្ខណ៍ ,សម ម៉ាណា ,ឌី សូនីតា ,ឯក សុវណ្ណារ័ត្ន ,សុឹម សុវណ្ណាដុល្លារ ,បូ តាំងហៀង ,អុិន ច័ន្ទរតនា ,សាល បាទី ,ហេង ស្រីពេជ្រ ,គន់ រៀមតនៈ ,ភី សម័យ ,រុន ណាកូ ,ម៉ាដូណា លោកជន ,ខៀវ សានសាណា ,កាតុ ,សាយ សៀរ៉ា ,អ៊ែនឌី ,ម៉ៅ សុីណាត ,សុភក្រ័ កុសុម៉ា ,វុទ្ធ សុគន្ធា ,សុវត្ថិឌី ធារិកា ,អេឡិច ចិន្ត្រា ,ពេជ្រ អាវីហ្សា ,រត្ន័ រចនា ,យ៉ា យ៉ា ,អេឡិច ដាហ្វី ,ខេវីន ,ស៊ូ រតនៈ ,នាយព្រែក ,អ៊ុង លីនិច ,សុធា ពិសិដ្ឋ និងហង្ស សុជាតា ជាដើម ៕
ចែករំលែកព័តមាននេះ