ប្រទេសអង់គ្លេស ះ បណ្ដាសមាជិកសភាអង់គ្លេសកាលពីថ្ងៃទី១៤មីនា បានបោះឆ្នោតដោយសំឡេងភាគច្រើនបំផុត បដិសេធការធ្វើវិសោធនកម្មមួយដែលស្នើពន្យារពេលការចាកចេញពីសហភាពអឺរ៉ុបហៅBREXIT ដើម្បីអាចឲ្យមានការបោះប្រជាមតិជាលើកទី២លើBREXIT។ សមាជិកសភា៣៣៤រូបបានបោះឆ្នោតប្រឆាំងការធ្វើវិសោធនកម្មនោះ ហើយ៨៥រូបបោះឆ្នោះគាំទ្រ ជិិត៣ឆ្នាំក្រោយការបោះប្រជាមតិខែមិថុនាឆ្នាំ២០១៦ ដែលសម្រេចជ្រើសរើសយកBREXIT…
ប្រទេសអង់គ្លេស ះ បណ្ដាសមាជិកសភាអង់គ្លេសកាលពីថ្ងៃទី១៤មីនា បានបោះឆ្នោតដោយសំឡេងភាគច្រើនបំផុត បដិសេធការធ្វើវិសោធនកម្មមួយដែលស្នើពន្យារពេលការចាកចេញពីសហភាពអឺរ៉ុបហៅBREXIT ដើម្បីអាចឲ្យមានការបោះប្រជាមតិជាលើកទី២លើBREXIT។
សមាជិកសភា៣៣៤រូបបានបោះឆ្នោតប្រឆាំងការធ្វើវិសោធនកម្មនោះ ហើយ៨៥រូបបោះឆ្នោះគាំទ្រ ជិិត៣ឆ្នាំក្រោយការបោះប្រជាមតិខែមិថុនាឆ្នាំ២០១៦ ដែលសម្រេចជ្រើសរើសយកBREXIT និងខណៈសល់ពេលតែ១៥ថ្ងៃទៀតដល់ថ្ងៃកំណត់នៃការចាកចេញរបស់អង់គ្លេសពីសហភាពអឺរ៉ុប ថ្ងៃទី២៩មីនា។ ប៉ុន្តែសភាប្រទេសនេះមានការខ្វែងទំនាស់គ្នាយ៉ាងខ្លាំង លើបែបបទនៃការអនុវត្តការចាកចេញនោះ។ សំណើធ្វើវិសោធនកម្មនេះ ត្រូវបានដាក់ដោយក្រុមឯករាជ្យមួយ ដែលមានបណ្ដាសមាជិកសភាចាកចេញពីគណបក្សការងារ និងគណបក្សអភិរក្សនិយមហើយស្នើឲ្យពន្យារពេលអំឡុងពេល២ឆ្នាំ ដែលគ្រោងដោយមាត្រាទី៥០នៃសន្ធិសញ្ញាអឺរ៉ុបក្រុងលីស្បោន សម្រាប់ការចាកចេញពីសហភាពអឺរ៉ុប ដើម្បីអាចរៀបចំការបោះប្រជាមតិថ្មី។ គណបក្សការងារជាគណបក្សប្រឆាំង និយាយថា វាយឺតពេលហើយដើម្បីរុញទៅរកការបោះប្រជាមតិជាលើកទី២។ ការបដិសេធរបស់សភានោះចូលរួមទាំងដោយពួកអភិរក្សនិយមច្រើនរូប ហើយសមាជិកសភាគណបក្សការងារច្រើននាក់បោះអនុប្បវាទ។
នាថ្ងៃទី១៤មីនានោះដែរសភាអង់គ្លេស បានបោះឆ្នោតគាំទ្រការពន្យារពេលកាលបរិច្ឆេទ អនុវត្តBREXITព្រមទាំងឲ្យមានការបោះឆ្នោតថ្មី លើកិច្ចព្រមព្រៀងស្ដីពីBREXIT ដែលនាយករដ្ឋមន្ត្រីលោកស្រីTHERESA MAYធ្វើជាមួយសហភាពអឹរ៉ុប។ បែបនេះនាំឲ្យលោកស្រីមានដង្ហើមដក។ ញត្តិមួយដែលដាក់ដោយរដ្ឋាភិបាល ត្រូវបានអនុម័តដោយ៤០២សំឡេង និង២០២សំឡេងប្រឆាំង។ សភាទុកពេលឲ្យរដ្ឋាភិបាល ស្វែងរកកិច្ចព្រមព្រៀងមួយ ជាមួយសហភាពអឺរ៉ុប ពេលពន្យារកាលបរិច្ឆេទBREXITដែលមានរយៈពេលខ្លីត្រឹមថ្ងៃទី៣០មិថុនា៕
ចែករំលែកព័តមាននេះ