សហរដ្ឋអាមេរិក ៖ ប្រធានាធិបតីអាមេរិកលោកដូណាល់ត្រាំ កាលពីថ្ងៃទី១៤មីនាទទួលរងការអាម៉ាស់ដ៏ពិតប្រាកដមួយ ក្នុងសភាជាមួយការបដិសេធរបស់ព្រឹទ្ធសភា មកពីការចូលរួមរបស់ព្រឹទ្ធសមាជិកនៃគណបក្សលោកដល់ទៅ១២រូប ថវិកាបន្ទាន់សម្រាប់ការកសាងជញ្ជាំង នៅតាមព្រំដែនជាមួយមិុកសិុក ដើម្បីតស៊ូប្រឆាំងអន្តោប្រវេសន៍លួចលាក់។
ដោយការពារគម្រោងធំនៃការកសាងជញ្ជាំំងព្រំដែននោះ ដែលជាបំណងយ៉ាងមុះមុតរបស់លោក ប្រធានាធិបតីអាមេរិកសច្ចារាំងខ្ទប់ការសម្រេចនោះរបស់សភា តាមរយៈសិទ្ធិវេតូ ដោយលោកប្រកាសថា ការកសាងជញ្ជាំងព្រំដែននឹងត្រូវបន្ត។ ក្រោយការអនុម័តភ្លាមៗលើគម្រោងច្បាប់នោះ លោកត្រាំបានសរសេរតាមTWITTER ថាលោកប្រើវេតូ។ លោកថាខ្ញុំដាក់ភ្លាមៗវេតូរបស់ខ្ញុំប្រឆាំងការសម្រេចនេះដែលជាបំណងរបស់ពួកអ្នកប្រជាធិបតេយ្យ។
ទោះបីយ៉ាងណាក៏នោះជាការអាម៉ាស់មួយរបស់លោក ព្រោះតែប្រើវេតូប្រធានាធិបតីដំបូង ប្រឆាំងសេចក្ដីសម្រេចរបស់ព្រឹទ្ធសភា ដែលគណបក្សសាធារណរដ្ឋរបស់លោក ជាអ្នកត្រួតត្រា ដើម្បីសង្គ្រោះកិច្ចសន្យាដ៏ធំមួយ ក្នុងពេលឃោសនាបោះឆ្នោតរបស់លោក ។ រយៈពេលប៉ុន្មានថ្ងៃចុងក្រោយនេះសមាជិកសភានៃគណបក្សសាធារណរដ្ឋ ក្នុងចំនួនកាន់តែច្រើន បានប្រឆាំងការប្រកាសសភាពការណ៍អាសន្នជាតិរបស់ប្រធានាធិបតី ដើម្បីបានថវិកាមកកសាងជញ្ជាំងព្រំដែន ដោយមិនចាំបាច់ឆ្លងកាត់សភា ដែលថវិកានោះមានចំនួនកាន់តែកើន។
សរុបព្រឹទ្ធសមាជិក៥៩រូបបានគាំទ្រសេចក្ដីសម្រេចដាក់ ដោយពួកប្រជាធិបតេយ្យដែលប្រកាសថា ការប្រកាសអាសន្នជាតិ របស់ប្រធានាធិបតី កាលពីថ្ងៃទី១៥កុម្ភៈ ពេលនេះត្រូវសភាទាំង២បដិសេធ។ ចាប់តាំងពីច្រើនថ្ងៃមកហើយ លោកត្រាំបានធ្វើការគាបសង្កត់លើបណ្ដាព្រឹទ្ធសមាជិកនៃគណបក្សលោក កុំឲ្យបោះឆ្នោតគាំទ្រការបដិសេធនោះ៕
ចែករំលែកព័តមាននេះ