រាជធានីភ្នំពេញ ៖ នេះជាលើកទីមួយហើយសម្រាប់ប្រទេសកម្ពុជា ដែលមានកម្មវិធីសប្បុរសធម៌បែបទំនើបមួយ អនុញ្ញាតឲ្យសាធារណជន អាចក្លាយជាវីរបុរស ក្នុងនាមជាអ្នកជួយកុមារមានជំងឺ និងក្រីក្រកម្ពុជា ដោយលោកអ្នកគ្រាន់តែជាវទឹកវីតាល់ តាមបណ្តាទូរម៉ាស៊ីនស្វ័យប្រវត្តិ…
រាជធានីភ្នំពេញ ៖ នេះជាលើកទីមួយហើយសម្រាប់ប្រទេសកម្ពុជា ដែលមានកម្មវិធីសប្បុរសធម៌បែបទំនើបមួយ អនុញ្ញាតឲ្យសាធារណជន អាចក្លាយជាវីរបុរស ក្នុងនាមជាអ្នកជួយកុមារមានជំងឺ និងក្រីក្រកម្ពុជា ដោយលោកអ្នកគ្រាន់តែជាវទឹកវីតាល់ តាមបណ្តាទូរម៉ាស៊ីនស្វ័យប្រវត្តិ នៅតាមផ្សារទំនើបនានា ក្នុងរាជធានីភ្នំពេញ ។
កម្មវិធីសប្បុរសធម៌បែបទំនើបមួយឈ្មោះថា «អ្នកជាវីរបុរស» ឬ “Be a HERO” ត្រូវបានបងដាក់
សម្ពោធជាផ្លូវការនៅព្រឹកថ្ងៃទី១៣ ខែមីនា ឆ្នាំ២០១៩ ដោយក្រុមហ៊ុន អ៊ិនវីស៊ី ផលិតទឹកពិសាវីតាល់ សហការជាមួយក្រុមហ៊ុនម៉ាស៊ីន លក់ទឹកស្វ័យប្រវត្តិ និងមន្ទីពេទ្យកុមារអង្គរខេត្តសៀមរាប ។ កម្មវិធី «អ្នកជាវីរបុរស» ឬ “Be a HERO” នឹងបរិច្ចាគចំនួន ១០០% នៃការលក់ទឹកវីតាល់ពីទូរស្វ័យប្រវត្តិជូនដល់មន្ទីរពេទ្យកុមារអង្គរ ។
លោកស្រី ជឹង សុគន្ធាវី អគ្គនាយិកាក្រុមហ៊ុន អិនវីស៊ី ខបភើរេសិនវីតាល់ បានឲ្យដឹងថា គម្រោងកម្មវិធី «អ្នកជាវីរបុរស» ឬ “Be a HERO” នេះរៀបចំឡើង ក្នុងគោលបំណងធំៗចំនួន៣ ដែលក្នុងនោះ ទី១ – ដើម្បីពង្រឹងវប្បធម៍ចែករំលែក, ទី២-គឺដើម្បីផ្សារភ្ជាប់កម្មវិធីសប្បុរសធម៌ ជាមួយនឹងម៉ាស៊ីនបែបទំនើប និងទី៣-ចូលរួមចំណែកក្នុងការជួយព្យាបាលកុមារក្រីក្រកម្ពុជា ជាមួយមន្ទីពេទ្យកុមារអង្គរ ។
លោកស្រីអគ្គនាយិកាក្រុមហ៊ុន អិនវីស៊ី ខបភើរេសិនវីតាល់ មានប្រសាសន៍បន្តទៀតថា «ផ្អែកលើការគាំទ្រខ្លាំងពីអតិថិជននេះ បានធ្វើឲ្យមូលនិធិ២៥៛ របស់វីតាល់ មានកញ្ចប់កាន់តែធំ និងធ្វើឲ្យក្រុមការងារវីតាល់ មានកំលាំងចិត្តយ៉ាងមុតមាំ ក្នុងការពាំនាំមកនូវកម្មវិធី សប្បុរសធម៌ល្អៗ យ៉ាងសកម្មជាច្រើនរូបភាពទៀត ក្នុងសង្គមដើម្បីចូលរួមក្នុងការអភិវឌ្ឍប្រទេសកម្ពុជាជាមួយរដ្ឋាភិបាល»។
តំណាងមន្ទីរពេទ្យកុមារអង្គរ លោក ឈុំ ឆេងហេង ប្រធានផ្នែករៃអង្គាសមូលនិធិសម្រាប់មន្ទីរពេទ្យ កុមារអង្គរ បានសម្តែងក្តីសប្បាយរីករាយ ដោយមោទភាព ចំពោះការសហការជាមួយវីតាល់ សម្រាប់កម្រោងកម្មវិធី «ក្លាយជាវីរបុរស» ព្រោះកម្មវិធីនេះប្លែក ដែលមិនធ្លាប់មានទេនៅកម្ពុជា ។ លោកក៏រំពឹងថា ប្រជាពលរដ្ឋកម្ពុជាទូទៅ ជាពិសេសយុវជនកម្ពុជា នឹងគាំទ្រជាវទឹកពីម៉ាស៊ីនស្វ័យប្រវត្តិ ឲ្យបានច្រើនដើម្បីបង្កើនចំណូលដល់មូលនិធិ ។
សូមបញ្ជាក់ថា កម្មវិធី «អ្នកជាវីរបុរស» នឹងធ្វើឡើងរយៈពេលពីរខែ ចំពោះម៉ាស៊ីនលក់សម្ភារៈទាំង១៨ ទូទាំងរាជធានី ដែលក្នុងនោះ ១៦ទូរ មានទីតាំងនៅផ្សារទំនើបអ៊ីអនទី១ និង២ ទូរ មាននៅផ្សារទំនើប Eden Garden។ វីតាល់រំពឹងថា នឹងទទួលបានមូលនិធិប្រមាណជាង ៤ពាន់ដុល្លារអាមេរិក ដើម្បីគាំទ្រដល់មន្ទីពេទ្យកុមារអង្គរ ហើយអ្នកណាៗ ក៏អាចចូលរួមបាន ដោយគ្រាន់ តែជាវទឹកវីតាល់តាម ទូរស្វ័យប្រវត្តិដែលនៅជិតលោកអ្នក ៕
ចែករំលែកព័តមាននេះ