ខេត្តបន្ទាយមានជ័យ៖ សេចក្តីរាយការណ៍បន្តឱ្យដឹងថា ដោយសារតែសាកសពបុរសម្នាក់ដែលត្រូវគេប្រទះឃើញអណ្តែតស្រះទឹកដ៏ធំក្នុងកាស៊ីណូ ត្រូវអាជ្ញាធរសម្រេចបូជាហើយនៅក្នុងវត្តប៉ាលេលេយ្យ ភូមិក្បាលស្ពាន២ សង្កាត់ប៉ោយប៉ែត ក្រុងប៉ោយប៉ែត នារសៀលថ្ងៃទី១៣ មីនា នេះ ព្រោះតែមានសភាពធុំក្លិនស្អុយអសោចិ៍ខ្លាំងពេក ។
គួររំលឹកថា ហេតុការណ៍ភ្ញាក់ផ្អើលប្រទះឃើញសាកសពខាងលើ កើតឡើងកាលពីព្រឹកថ្ងៃទី១២ មីនា ស្ថិតនៅស្រះរបស់ក្រុមហ៊ុនកាស៊ីណូមួយ ក្នុងភូមិសាមគ្គីមានជ័យ សង្កាត់ប៉ោយប៉ែត ក្រុងប៉ោយប៉ែត ។ ការដែលសមត្ថកិច្ចបង្ខំចិត្តបូជា ក៏មានការអនុលោមតាមបទបញ្ជាលោកព្រះរាជអាជ្ញាអមសាលាដំបូងខេត្តផង
ដែរ ។
សមត្ថកិច្ចជំនាញនៃអធិការដ្ឋាននគរបាលក្រុងប៉ោយប៉ែតប្រាប់កោះសន្តិភាពថា សាកសពខាងលើបើត្រូវទុកតទៅទៀតមិនបានទេ ព្រោះចោលក្លិនស្អុយអសោចិ៍ខ្លាំងណាស់ ។ សមត្ថកិច្ចបញ្ជាក់ថា មកទល់រសៀលថ្ងៃទី១៣ មីនា ដដែលនេះ ក៏នៅមិនទាន់មានសាច់ញាតិ ឬគ្រួសារសពមកទំនាក់ទំនងមានបាត់សមាជិកគ្រួសារនៅឡើយដែរ ។ គួររំលឹកថា មានបាត់សមាជិកគ្រួសារទេបងប្អូន?
ចែករំលែកព័តមាននេះ