នៅក្នុងពាក្យសម្ដីរបស់លោកប្រធានាធិបតីអាមេរិក Donald Trump ទំនាក់ទំនងរវាងសហរដ្ឋអាមេរិកនិងអាល្លឺម៉ង់គឺជា “ផ្លូវអយុត្តិធម៌មួយ” បន្ទាប់ពីការគំរាមកំហែងពន្ធលើសហភាពអឺរ៉ុប។
លោកក៏បាននិយាយផងដែរថា “អាល្លឺម៉ង់អាក្រក់ ហើយអាក្រក់ណាស់” ហើយបានអះអាងថា “សម្លឹងមើលរថយន្តរាប់លានដែលពួកគេកំពុងលក់នៅសហរដ្ឋអាមេរិក។ យើងនឹងបញ្ឈប់រឿងនេះ។”
សម្តីរបស់ប្រធានធិបតី Trump មិនខុសទេ ព្រោះ នៅឆ្នាំ២០១៨នេះ រថយន្តអាល្លឺម៉ង់ Mercedes-Benz គឺជារថយន្តលេខមួយ ដែលលក់បានច្រើនជាងគេក្នុងចំនួន ៣១៥ ៩៥៩គ្រឿង ខណៈដែល BMW ជាប់លេខពីរ ដែលលក់បាន ៣១១ ០១៤គ្រឿង។
ប៉ុន្តែប្រសិនបើយើងក្រឡេកមើលកន្លែងដែលរថយន្តទាំងនោះចេញមក គឺយើងឃើញថាសម្តីរបស់លោក Trump គឺមិនត្រូវនោះទេ។ នេះមកពីរថយន្តទាំងនោះ គឺមិនមែនផលិតនៅអាល្លឺម៉ង់ទេ។ វាសុទ្ធតែផលិតនៅអាមេរិក បើទោះបីជាវាជារថយន្តអាល្លឺម៉ង់ក៏ដោយ។ Toyota ក៏មានរោងចក្រនៅ Kentucky និង Texas។ Volvo ទើបតែសង់រោងចក្រនៅ South Carolina និង នៅកន្លែងផ្សេងៗទៀតក្នុងអាមេរិក។ BMW ក៏នៅអាមេរិកដែរ (Spartanburg)។
សម្រាប់៥ឆ្នាំជាប់ៗគ្នា ក្រុមហ៊ុនផលិតរថយន្ត BWM នាំមកគេក្នុងការនាំចេញរថយន្តពីអាមេរិក។ នេះបើតាមទិន្នន័យបានមកពីក្រសួងពាណិជ្ជកម្មសហរដ្ឋអាមេរិក។ រោងចក្ររបស់ក្រុមហ៊ុន BMW នៅទីក្រុង Spartanburg រដ្ឋ South Carolina បាននាំចេញនូវរថយន្តម៉ូដែល X ចំនួន ២៣៤ ៦៨៩គ្រឿងនៅឆ្នាំ ២០១៨ ដែលក្នុងនោះមានរថយន្តម៉ូដែល X3, X4 និង X5 ហើយបានចាប់ផ្តើមផលិតរថយន្ត X7 ថ្មី។
ប្រហែល ៨១%នៃរថយន្ត SUV ដែលបាននាំចេញពីសហរដ្ឋអាមេរិក បានឆ្លងកាត់កំពង់ផែក្រុង Charleston ដោយបន្ថែមតម្លៃរហូតដល់ ៨.៤ពាន់លានដុល្លារ។ នោះហើយជាលុយច្រើនណាស់ ដែលត្រូវចំណាយក្នុងការជួលពលករអាមេរិក មកពីច្រកតែមួយតែប៉ុណ្ណោះ។ ជាសរុប Spartanburg បាននាំចេញ ៦៦%នៃផលិតកម្មសរុបរបស់ខ្លួនចំនួន ៣៥៦ ៧៤៩គ្រឿង៕
ចែករំលែកព័តមាននេះ