ជាមុខមាត់មួយ…ភាពយន្តខ្មែរលេចឡើងក្នុងបណ្តា៣៧ប្រទេស !
រាជធានីភ្នំពេញ៖ មហោស្រពភាពយន្តអន្តរជាតិ បានប្រកាសបើកជាផ្លូវការ ដោយមានថ្នាក់ដឹកនាំ និងអ្នកសិល្បៈច្រើនកុះករចូលរួម កាលពីថ្ងៃទី៩ មីនា ២០១៩ ។ ភាពយន្តរហូតជាង១៣០រឿងពី៣៧…
រាជធានីភ្នំពេញ៖ មហោស្រពភាពយន្តអន្តរជាតិ បានប្រកាសបើកជាផ្លូវការ ដោយមានថ្នាក់ដឹកនាំ និងអ្នកសិល្បៈច្រើនកុះករចូលរួម កាលពីថ្ងៃទី៩ មីនា ២០១៩ ។ ភាពយន្តរហូតជាង១៣០រឿងពី៣៧…
រាជធានីភ្នំពេញ៖ មហោស្រពភាពយន្តអន្តរជាតិ បានប្រកាសបើកជាផ្លូវការ ដោយមានថ្នាក់ដឹកនាំ និងអ្នកសិល្បៈច្រើនកុះករចូលរួម កាលពីថ្ងៃទី៩ មីនា ២០១៩ ។ ភាពយន្តរហូតជាង១៣០រឿងពី៣៧ ប្រទេសបានចូលរួម ដោយចាក់បញ្ចាំង ។
លោក ស៊ុន ខេមរ៉ា ជាអ្នកសម្របសម្រួលកម្មវិធីមហោស្រពភាពយន្តអន្តរជាតិកម្ពុជា បានថ្លែងថា មហោស្រពភាពយន្តអន្តរជាតិឆ្នាំនេះមានរឿងល្អៗជាច្រើនចាក់បង្ហាញ ដូចជារឿង «ហ្វូ៊ណន» ដែលជាប់ពានរង្វាន់ក្នុងមហោស្រពភាពយន្តគំនូរជីវចលនៅទីក្រុងអានស៊ី កាលពីឆ្នាំ២០១៨ រឿង«ផ្នូរគ្មានឈ្មោះ»ដែលឈ្នះរង្វាន់មហោស្រពភាពយន្តនៅទីក្រុងវេនីស និងជាបេក្ខភាពក្នុងពានរង្វាន់អូស្ការ កាលពីឆ្នាំ២០១៩តំណាងឲ្យកម្ពុជា ។ រឿង «តន្ត្រីជីវិត»របស់មហោស្រពភាពយន្តអន្តរជាតិទីក្រុងតូក្យូ និងរឿង «The Prey» របស់មហោ ស្រពភាពយន្តអន្តរជាតិទីក្រុងប៊ូសាន កាលពីឆ្នាំ ២០១៨ ។
ដោយសារតែមហោស្រពភាពយន្តឆ្នាំនេះ ធ្វើឡើងស្របគ្នានឹងខួប៤០ឆ្នាំនៃការដួលរលំរបបខ្មែរក្រហម ទើបក្នុងពិធីបើកសម្ពោធគណៈកម្មការបានដាក់បញ្ចាំងភាពយន្តល្អឥតខ្ចោះមួយ ដែលនិយាយពីរបបប៉ុល ពត ។ កម្មវិធីដ៏ពិសេសនេះក៏រួមបញ្ចូលផងដែរនូវការតាំងពិព័រណ៍ស្នាដៃសិល្បៈ ព្រមទាំងកិច្ចពិភាក្សា ដែលនឹងប្រព្រឹត្តទៅនៅឯមជ្ឈមណ្ឌលបុប្ផាណា ។
ព្រឹត្តិការណ៍នេះប្រកាសធ្វើឡើងពីថ្ងៃទី៩ដល់ថ្ងៃ១៤ មីនា ដោយភាពយន្តកម្ពុជាចំនួន២៦ក៏មានវត្តមានផងដែរ ។ មហោស្រពភាពយន្តនេះនឹងចាក់បញ្ចាំងខ្សែភាពយន្តចំនួន ១៥០លើក នៅតាមរោងភាពយន្ត ធំៗមួយចំនួនក្នុងរាជធានីភ្នំពេញ ក្នុងនោះរួមមាន រោងភាពយន្តលេជេន, រោងភាពយន្តម៉េជ័រស៊ីណេផ្លិច, រោងភាពយន្តប្រែមស៊ីណេផ្លិច, មជ្ឈមណ្ឌលបុប្ផាណា, សាលមហោស្រពចតុម្មុខ, និងសណ្ឋាគាររ៉ូសវូដ ៕
ចែករំលែកព័តមាននេះ