ខេត្តបន្ទាយមានជ័យ ៖ សេចក្តីរាយការណ៍ឱ្យដឹងថា សពបុរសម្នាក់ត្រូវគេប្រទះឃើញស្លាប់អណ្តែតទឹកស្រះដ៏ធំមួយរបស់កាស៊ីណូ ស្ថិតក្នុងភូមិសាមគ្គីមានជ័យ សង្កាត់ប៉ោយប៉ែត ក្រុងប៉ោយប៉ែត បានបង្កភ្ញាក់ផ្អើលយ៉ាងខ្លាំង នៅព្រឹកថ្ងៃទី១២ មីនា…
ខេត្តបន្ទាយមានជ័យ ៖ សេចក្តីរាយការណ៍ឱ្យដឹងថា សពបុរសម្នាក់ត្រូវគេប្រទះឃើញស្លាប់អណ្តែតទឹកស្រះដ៏ធំមួយរបស់កាស៊ីណូ ស្ថិតក្នុងភូមិសាមគ្គីមានជ័យ សង្កាត់ប៉ោយប៉ែត ក្រុងប៉ោយប៉ែត បានបង្កភ្ញាក់ផ្អើលយ៉ាងខ្លាំង នៅព្រឹកថ្ងៃទី១២ មីនា នេះ ក្រោយពេលសាកសពបានអណ្តែតឡើងមក ។
សេចក្តីរាយការណ៍បន្តថា បើតាមការពិនិត្យរបស់សមត្ថកិច្ចក្បែរទីតាំងប្រទះសព គេឃើញមានកាបូបខ្មៅមួយផងដែរ ។ កាលពីថ្ងៃទី១១ មីនា នោះ គ្រប់គ្នាបានឃើញដូចមានអ្វីនៅកណ្តាលស្រះនេះដែរ តែក៏មិនចាប់អារម្មណ៍ថា ជាសាកសពមនុស្សដែរ ។
យ៉ាងណាក៏ដោយ នៅមិនទាន់ស្គាល់អត្តសញ្ញាណជនរងគ្រោះនៅឡើយ ហើយក៏មិនទាន់ដឹងជាករណីអ្វីទៀត ។ បច្ចុប្បន្ន សមត្ថកិច្ចកំពុងធ្វើកោសល្យវិច័យ និងស៊ើបអង្កេតបន្តទៀត និងកំពុងស្វែងរកសាច់ញាតិដែរ
ចែករំលែកព័តមាននេះ