ឥណ្ឌូនេស៊ី ៖ យោងតាមសារព័ត៌មាន Bangkok Post កាលពីថ្ងៃចន្ទ កន្លងមកបានឲ្យដឹងថា ប្រទេសឥណ្ឌូនេស៊ីមានគោលបំណងបង្កើតតំបន់សេដ្ឋកិច្ចរួមដ៏ធំមួយក្រោមកិច្ចព្រមព្រៀងពាណិជ្ជកម្មដែលត្រូវបានចុះហត្ថលេខាដោយភាគីទាំងអស់បន្ទាប់ពីមានការចរចាអស់៩ឆ្នាំមក ។ កិច្ចព្រមព្រៀងដៃគូសេដ្ឋកិច្ចស៊ីជម្រៅរវាងឥណ្ឌូនេស៊ី…
ឥណ្ឌូនេស៊ី ៖ យោងតាមសារព័ត៌មាន Bangkok Post កាលពីថ្ងៃចន្ទ កន្លងមកបានឲ្យដឹងថា ប្រទេសឥណ្ឌូនេស៊ីមានគោលបំណងបង្កើតតំបន់សេដ្ឋកិច្ចរួមដ៏ធំមួយក្រោមកិច្ចព្រមព្រៀងពាណិជ្ជកម្មដែលត្រូវបានចុះហត្ថលេខាដោយភាគីទាំងអស់បន្ទាប់ពីមានការចរចាអស់៩ឆ្នាំមក ។
កិច្ចព្រមព្រៀងដៃគូសេដ្ឋកិច្ចស៊ីជម្រៅរវាងឥណ្ឌូនេស៊ី និងអូស្ត្រាលី (IACETA) ត្រូវបានចុះហត្ថលេខាកាលពីថ្ងៃច័ន្ទនៅទីក្រុងហ្សាការតាដោយរដ្ឋមន្ត្រីពាណិជ្ជកម្មតំណាងប្រទេសទាំងពីរគឺ Enggartiasto Kukita និង Simon Brimingham ដោយមានលោកអនុប្រធានាធិបតី Jasuf Kalla ជាសាក្សី ។
កិច្ចព្រមព្រៀងខាងលើនឹងលុបបំបាត់បន្តិចម្តងៗរហូតដល់១០០%នូវពន្ធអូស្ត្រាលី និង ៩៤%នូវពន្ធឥណ្ឌូនេស៊ី និងផ្តល់អត្ថប្រយោជន៍ដល់វិស័យធំៗដូចជាយានយន្ត វាយនភ័ណ្ឌ ស្បែកជើង កសិអាជីវកម្ម អាហារ និងភេសជ្ជៈ និងគ្រឿងសង្ហារឹមជាដើម ។
កិច្ចព្រមព្រៀងនេះក៏នឹងរួមមានការសម្របសម្រួលពាណិជ្ជកម្ម និងដំណើរការពន្ធដើម្បីលើកតម្កើងបរិស្ថានសេដ្ឋកិច្ចដែលមានភាពលូតលាស់ទៅមុខ និងមានតម្លាភាពផងដែរសម្រាប់ប្រទេសទាំងពីរ ។ អត្ថប្រយោជន៍សេដ្ឋកិច្ចនឹងកើតមានឡើងប្រសិនបើប្រទេសទាំងពីរអាចសហការផលិតផលិតផលដែលអាចនាំចេញទៅកាន់ប្រទេសទីបី ឬទៅប្រទេសជុំវិញពិភពលោក ៕
ចែករំលែកព័តមាននេះ