រាជធានីភ្នំពេញ ៖ តម្រូវការលំនៅឋានកម្រិតធម្យមនៅកម្ពុជាកំពុងមានកំណើនគួរឲ្យកត់សម្គាល់ ហេតុដូច្នេះហើយទើបអ្នកវិនិយោគក្នុងស្រុកបានសម្លឹងឃើញថា ទីផ្សារលំនៅឋានកម្រិតមធ្យមជាគោលដៅទាក់ទាញបំផុតនិងងាយស្រួលក្នុងការលក់ ទើបអ្នកវិនិយោគវិស័យអចលនទ្រព្យ ជាពិសេសអ្នកអភិវឌ្ឍតែម្ដង បានបោះទុនទៅលើវិស័យលំនៅឋានកម្រិតមធ្យម ។ លោក…
រាជធានីភ្នំពេញ ៖ តម្រូវការលំនៅឋានកម្រិតធម្យមនៅកម្ពុជាកំពុងមានកំណើនគួរឲ្យកត់សម្គាល់ ហេតុដូច្នេះហើយទើបអ្នកវិនិយោគក្នុងស្រុកបានសម្លឹងឃើញថា ទីផ្សារលំនៅឋានកម្រិតមធ្យមជាគោលដៅទាក់ទាញបំផុតនិងងាយស្រួលក្នុងការលក់ ទើបអ្នកវិនិយោគវិស័យអចលនទ្រព្យ ជាពិសេសអ្នកអភិវឌ្ឍតែម្ដង បានបោះទុនទៅលើវិស័យលំនៅឋានកម្រិតមធ្យម ។
លោក ច្រឹក សុខនីម ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា បានមានប្រសាសន៍ឲ្យថា កន្លងមកថាអ្នកវិនិយោគ តែងតែសម្លឹងមើលពីឱកាសដែលទទួលបានចំណេញ ដូច្នេះនៅពេលតម្រូវការលំនៅឋានកម្រិតមធ្យមមានការកើនឡើងខ្លាំង គេត្រូវតែពង្រីកនូវការផ្គត់ផ្គង់ ដើម្បីឆ្លើយតបទៅនឹងតម្រូវការទីផ្សារ។ ជាក់ស្តែង កម្រិតជីវភាពរបស់ប្រជាជនកម្ពុជាភាគច្រើន មិនទាន់មានលទ្ធភាពអាចទិញលំនៅឋានប្រណីត ដែលមានតម្លៃខ្ពស់នៅឡើយនោះទេ ដូច្នេះតម្រូវការទីផ្សារលំនៅឋានកម្រិតមធ្យម ឬក្រោមមធ្យមនេះគឺនៅតែមានហើយយូរអង្វែងទៅមុខទៀត ដូច្នេះវាមិនបង្កហានិភ័យដល់អ្នកវិនិយោគសំណង់លំនៅឋានកម្រិតធម្យមនោះទេ ។
ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា មានប្រសាសន៍បញ្ជាក់ថា «អ្នកវិនិយោគគេធ្វើឡើងតម្រូវទៅតាមទីផ្សារ និងអតិថិជនគោលដៅ។ ចំពោះទីផ្សារលំនៅឋានកម្រិតមធ្យម ឬក្រោមមធ្យមគឺមានភាពទូលាយ ដោយសារតែពាក់ព័ន្ធទៅនឹងកម្រិតជីវភាពរបស់អតិថិជន ។ បច្ចុប្បន្នសន្ទុះ នៃការវិនិយោគលើវិស័យលំនៅ ដ្ឋានមួយនេះ ភាគច្រើនតាមតំបន់ជាយក្រុងនៅឡើយ ព្រោះតំបន់ទាំងនោះទើបតែចាប់ ផ្តើមរីកចម្រើន និងផ្ដើមអភិវឌ្ឍបន្តចេញពីក្រុង ដូច្នេះតម្លៃដីនៅមានកម្រិត ដែលអាចផ្តល់ឱកាសចំណេញដល់អ្នកវិនិយោគក្នុងពេលដ៏ខ្លី។ វិស័យលំនៅឋានកម្រិតមធ្យម និងក្រោមមធ្យម ផ្តល់ភាពល្អប្រសើរទាំងសងខាង អ្នកវិនិយោគមានឱកាសច្រើនក្នុងការទទួលបានចំណេញ ហើយអ្នកទិញអាចមានលទ្ធភាពទទួលបានលំនៅឋានស្នាក់នៅសមរម្យ៕
ចែករំលែកព័តមាននេះ