យោងតាមគេហទំព័រ Business Times បានឲ្យដឹងមកថា វិស័យអចលនទ្រព្យហុងកុងកំពុងតែងើបឡើងវិញហើយបន្ទាប់ពីតម្លៃផ្ទះធ្លាក់ចុះអស់ប្រមាណ១០%តាំងពីខែសីហា ឆ្នាំ២០១៨ កន្លងមកនេះ។ និន្នាការថ្មីៗរួមមានកំណើននៃការចូលមើលការលក់គម្រោង និងកំណើនចំណាប់អារម្មណ៍ក្នុងការលក់ដេញថ្លៃដីរដ្ឋាភិបាល ដោយមានដីមួយកន្លែងនៅប៉ែកខាងត្បូងនៃ…
យោងតាមគេហទំព័រ Business Times បានឲ្យដឹងមកថា វិស័យអចលនទ្រព្យហុងកុងកំពុងតែងើបឡើងវិញហើយបន្ទាប់ពីតម្លៃផ្ទះធ្លាក់ចុះអស់ប្រមាណ១០%តាំងពីខែសីហា ឆ្នាំ២០១៨ កន្លងមកនេះ។
និន្នាការថ្មីៗរួមមានកំណើននៃការចូលមើលការលក់គម្រោង និងកំណើនចំណាប់អារម្មណ៍ក្នុងការលក់ដេញថ្លៃដីរដ្ឋាភិបាល ដោយមានដីមួយកន្លែងនៅប៉ែកខាងត្បូងនៃ New Territories ត្រូវបានលក់ចេញក្នុងតម្លៃខ្ពស់ជាងការគិតទុករបស់អ្នកវិភាគ។
សន្ទស្សន៍នាំមុខ Canta-City បានបង្ហាញថាតម្លៃផ្ទះលក់បន្តបានកើនឡើងច្រើនជាង១%ទៅទៀត។ ជាមួយគ្នានេះផងដែរ អ្នកវិភាគនៅ Citigroup និង CLSA ព្យាករណ៍ថាតម្លៃនឹងងើបឡើងវិញរវាងពី៥%ទៅ១៥%ក្នុងឆ្នាំនេះផងដែរ ។ កត្តាដែលបង្កឲ្យមានការផ្លាស់ប្តូរនេះរួមមានធនគារជាតិអាមេរិក ការលូតលាស់ទីផ្សារភាគហ៊ុន និងកំណើនតម្លៃរូបិយវត្ថុចិនជាដើម។
លើសពីនេះទៅទៀត រដ្ឋាភិបាលនឹងមានគម្រោងសាងសង់លើផ្នែក Hong Kong Goft Club ហើយកំពុងតែពិចារណាថាបង្កើតដីសម្រាប់កសិកម្មឯកជនផងដែរ ។ ជាមួយគ្នានេះទៀត រដ្ឋាភិបាលមានគម្រោងប្រើ១,០០០ហិចតានៃទឹកសមុទ្រ និងសាងសង់កោះសុប្បនិមិត្តថែមទៀត ។ ប្រសិនបើអាចធ្វើបាន តម្លៃផ្ទះហុងកុងអាចនឹងមិនអាចកើនឡើងបានច្រើនទេ ។
យ៉ាងណាក្តី មានមុខសញ្ញាបង្ហាញមកថាតម្លៃផ្ទះអាចនឹងកើនឡើងមកវិញយ៉ាងខ្លាំងប្រសិនបើមានកំណើនតម្រូវការ ។ ហុងកុងបានអនុវត្តវិធានការយកពន្ធ៣០%លើរាល់ការទិញអចលនទ្រព្យដោយជនបរទេសកាលពីឆ្នាំ ២០១២ ដែលជិតនឹងអនុម័តបាន៧ឆ្នាំមកហើយដែលអនុញ្ញាតឲ្យជនបរទេសមួយចំនួនទទួលបានសិទ្ធិស្នាក់នៅអចិន្ត្រៃយ៍ក្នុងហុងកុង ។
ដូច្នេះអ្នកធ្វើការជនជាតិបរទេសដែលបានមកនៅទីក្រុងនេះកាលពីឆ្នាំ ២០១២ អាចជៀសវាងអត្រាពន្ធនេះបាន ដែលអាចទាក់ទាញបុគ្គលិកដែលត្រូវបានហាមឃាត់មិនឲ្យទិញអចលនទ្រព្យក្នុងទីក្រុងធំៗដូចជាបេកាំងព្រោះពួកគេមិនមានសិទ្ធិស្នាក់នៅ ៕
ចែករំលែកព័តមាននេះ