យប់មិញ…មង្គលតារាទាំង២ដួងសប្បាយអស់ទាស់
- ភ្នំពេញ
រាជធានីភ្នំពេញ ៖ កាលពីរាត្រីថ្ងៃទី០៨ មីនា ក្នុងពិធីជប់លៀងអាពាហ៍ពិពាហ៍របស់លោកសុខ រក្សា និងអ្នកនាង កុល ដាវី …
រាជធានីភ្នំពេញ ៖ កាលពីរាត្រីថ្ងៃទី០៨ មីនា ក្នុងពិធីជប់លៀងអាពាហ៍ពិពាហ៍របស់លោកសុខ រក្សា និង
អ្នកនាង កុល ដាវី នៅអគារកោះពេជ្រ គឺបានប្រជុំដោយតារាជាច្រើនដួង មានវត្តមានភ្ញៀវ និងមិត្តជាសិល្បករជាច្រើន ចូលរួមជាយ៉ាងសប្បាយរីករាយ និងម្នាក់ៗពិតជាសម្រស់ស្រស់ស្អាត និងសង្ហារគ្រប់ៗគ្នា ។
គួររំលឹកថា ចំណងស្នេហ៍ដ៏ផ្អែមល្ហែមរបស់តារាចម្រៀង សុខ រក្សា និង តារាសម្ដែងស្រីសុិចសុីដ៏ស្រស់ស្អាតនោះ កុល ដាវី បានតស៊ូមករហូតដល់ថ្ងៃចូលរោងជ័យនេះ ពិតជាធ្វើឱ្យមហាជនមានការកោតសរសើរលើពួកគេ និងក៏មានការជូនពរផងដែរ ។
ក្នុងនោះ យោងតាមគណនី អ្នកនាង កុល ដាវី ក៏បានបង្ហោះសារដោយមានខ្លឹមសារថា «យើងខ្ញុំទាំងពីរនាក់ ពិតជារំភើបចិត្តខ្លាំងណាស់ រកអ្វីនិយាយប្រៀបពុំបានឡើយ លើកទី2ហើយ ដែលសម្តេចមីងលោកបានសួរនាំពីថ្ងៃរៀបមង្គលការរបស់ពួកខ្ញុំ ពិតជាមហាកិត្តិយស ដ៏ធំធេងណាស់ ដែលសម្តេចមីង និងសម្តេចពូ លោកទាំងពីរបានចងដៃ យើងខ្ញុំទាំងពីរក្នុងថ្ងៃ អាពាហ៍ពិពាហ៍ចំនួន៥000ដុល្លារ នៅថ្ងៃ១៤កុម្ភៈ ចំថ្ងៃបុណ្យទិវានៃក្តីស្រលាញ់ យើងខ្ញុំទាំងពីរនាក់ សូមថ្លែងអំណរ អរគុណយ៉ាងជ្រាលជ្រៅបំផុត និងសូមគោរពជូនពរសម្តេចទាំងពីរមានសុខភាពល្អ មាំមួន និងមានសុភមង្គលក្នុងក្រុមគ្រួសារ ជាម្លប់ដល់ កូន កូនចៅ ជាពិសេស ដើម្បីដឹកនាំនាវាកម្ពុជាឈាន ទៅរកភាពរីកចំរើន និង សុខសន្តិភាព ដោយក្តីគោរព ដ៏ខ្ពង់ខ្ពស់ពីយើងខ្ញុំទាំងពីរ» ។
បើតាមការឱ្យដឹង អ្នកទាំង២ក្រោយពីរៀបការនឹងមានផែនការគិតគូរយកកូនឱ្យហើយ ព្រោះម្នាក់ៗច្រើនដែរហើយ ។ ណាមួយ ខាងចាស់ទុំទាំងសងខាង ក៏ចង់បានចៅផងដែរ ។
ចែករំលែកព័តមាននេះ