រាជធានីភ្នំពេញ ៖ តារាសម្តែង និងជាពិធីករមុខខ្មែរសមតួសម្តែងបែបបុរាណលោក ញ៉ែម សុគន្ឋ ក្រោយពេលរៀបការបានប៉ុន្មានខែមក ស្រាប់តែលេចឮថាមានកូនព្រោះភរិយាចុះខ្សោយវិលមុខ។ ប៉ុន្តែធាតុពិតនោះ ជាការអស់កម្លាំងជាមួយការងារនឿយហត់ធម្មតា ហើយពេលនេះប្តីប្រពន្ឋ១គូនេះ កំពុងប្រឹក្សាគ្នាយកកូនឲ្យបានក្នុងឆ្នាំនេះ ។
មើលទៅលោក ញ៉ែម សុគន្ឋ វិញ ឲ្យតែពេលនិយាយគិតដល់រឿងយកកូន គឺកាន់តែអន្ទះសាតែម្តងដោយសារលោកចូលវ័យច្រើនក្បែរ៤០ឆ្នាំទៅហើយ មិនទាន់រកបានដំណក់ឈាមបន្តវង្សត្រកូល ។ បើទោះជាលោកមមាញឹកសិល្បៈការងារបែបណា លោករមែងរៀបចំរក្សាសុខភាពណែនាំភរិយាបរិភោគអ្វីដែលមានប្រយោជន៍ជីវជាតិអាចមានកូនបានលឿន ក្នុងពេលដែលលោកចង់បានឆាប់ៗ ។
លោក សុគន្ឋ និយាយថា លោកចាប់ផ្តើមគិតពីរឿងយកបុត្របណ្តើរៗដោយខំមើលថែរសុខភាពប្រពន្ឋលោកដោយត្រូវជ្រើសរើសអាហារ និងទឹកដោះគោណាជួយទ្រទ្រង់សុខភាពម្តាយ និងកូន។ វ័យកាលរបស់ខ្លួនក៏ច្រើនហើយលោកក៏សប្បាយចិត្តបានភរិយា គាត់ក៏ចង់បានដែរនោះទើបចូលរួមកម្មវិធីស្តាប់អ្នកឯកទេសរឿងធ្វើបែបណារក្សាគត៌ ឲ្យល្អហើយសម្រាប់អ្នកត្រៀមយកបុត្រក៏អាចស្តាប់ការណែនាំបាន។
លោកអះអាងថា ការពន្លឿនរឿងបានកូននេះព្រោះយល់ថាជាឆ្នាំហុងស៊ុយទើបស្រវាឲ្យហើយប្រសិនបើបានមួយជាសមាជិកហោចណាស់ក៏៣ទៅ៤ឆ្នាំទៀតទើបយកកូនបន្ទាប់ ៕
ចែករំលែកព័តមាននេះ