វីរបុរសនៅបិសាចក្រហមថា Mbappe នឹងស៊ីដាច់ Messi និង Ronaldo
តាមប្រភពព័ត៌មាន Soccer Laduma បានឱ្យដឹងថា អតីតជើងខ្លាំងប្រចាំក្លិប Manchester United លោក Rio Ferdinand…
តាមប្រភពព័ត៌មាន Soccer Laduma បានឱ្យដឹងថា អតីតជើងខ្លាំងប្រចាំក្លិប Manchester United លោក Rio Ferdinand…
តាមប្រភពព័ត៌មាន Soccer Laduma បានឱ្យដឹងថា អតីតជើងខ្លាំងប្រចាំក្លិប Manchester United លោក Rio Ferdinand ដែលធ្លាប់លេងជាមួយនឹង Ronaldo ក្នុងក្រុមតែមួយ បានប្រាប់ពីការគិតរបស់ខ្លួនថា កីឡាករវ័យក្មេងរបស់បារាំង Kylian Mbappe នឹងឡើងស្នងតំណែងរបស់ ជើងខ្លាំង Lionel Messi និង Cristiano Ronaldo នៅពេលកីឡាករទាំងពីរចូលនិវត្តន៍ ។
ម្ចាស់ពាន Premier League ចំនួន៦ដង Rio Ferdinand បានប្រាប់សារព័ត៌មាន Irish Independent ថា៖ «ពួកយើងសំណាងណាស់ដែលបានឃើញការលេងយ៉ាងល្អរបស់ Messi និង Ronaldo នៅពេលប៉ុន្មានឆ្នាំខាងមុខនេះ។ តែអាជីពរបស់ពួកគេនឹងចូលមកដល់ទីបញ្ចប់ក្នុងពេលឆាប់ៗនេះ ហើយ Mbappe គឺជាម្នាក់ដែលអាចនឹងឡើងជំនួស» ។
គេបានបន្តថា ៖«គេអាចមើលទៅថា Neymar ជាម្នាក់ដែលស្នងតំណែងនោះ តែសម្រាប់ខ្ញុំ គឺ Mbappe លេងបានល្អជាង Neymar។ គេនៅក្នុងកម្រិតមួយដែលនឹងឡើងខ្ពស់ត្រដែតពេលឱកាសមកដល់។ អ្នកអាចឃើញស្រាប់ថាក្រុមខ្សែការពាររបស់ Man Utd ភ័យខ្លាំងពេលបាល់បានធ្លាក់មកលើជើងរបស់ Mbappe ក្នុងការប្រកួតប៉ុន្មានសប្តាហ៍មុន»។
ជាចុងក្រោយ អតីតកីឡាកររូបនេះបានបន្ថែមថា ៖«ប្រសិនបើគេនៅតែបន្តអភិវឌ្ឍខ្លួនបែបនេះទៀត គេនឹងឈ្នះពានជាបន្តបន្ទាប់នៅរដូវកាលខាងមុខៗ ហើយអាចនឹងស៊ីដាច់ Messi និង Ronaldo»។
គួរបញ្ជាក់ផងដែរថា Mbappe ក្នុងរដូវកាលនេះរកគ្រាប់បាល់បាន២៤គ្រាប់ ដែលធ្វើឱ្យរូបគេស្ថិតនៅលំដាប់ទីពីរក្នុងលីគអឺរ៉ុបកប់ៗទាំង៥ បន្ទាប់ពីជើងខ្លាំង Messi ដែលរកបាន២៥គ្រាប់ ៕
ចែករំលែកព័តមាននេះ