ខេត្តមណ្ឌលគិរី ៖ រថយន្តបីគ្រឿងត្រូវបានសមត្ថកិច្ចចាប់បង្ក្រាប ខណៈកំពុងចូលទៅដឹកឈើ ក្នុងតំបន់ដែនជម្រកសត្វព្រៃកែវសីមា កាលពីរសៀលថ្ងៃទី០៧ ខែមីនា ឆ្នាំ២០១៩ ។ នគរបាលស្រុកកែវសីមាដឹកនាំដោយលោកវរសេនីយទោ…
ខេត្តមណ្ឌលគិរី ៖ រថយន្តបីគ្រឿងត្រូវបានសមត្ថកិច្ចចាប់បង្ក្រាប ខណៈកំពុងចូលទៅដឹកឈើ ក្នុងតំបន់ដែនជម្រកសត្វព្រៃកែវសីមា កាលពីរសៀលថ្ងៃទី០៧ ខែមីនា ឆ្នាំ២០១៩ ។
នគរបាលស្រុកកែវសីមាដឹកនាំដោយលោកវរសេនីយទោ អ៊ន សារ៉ា ជាអធិការរងបានសហការណ៍ ជាមួយកម្លាំងការិយាល័យបរិស្ថានដែនជម្រកសត្វព្រៃកម្លាំងប៉េអឹមផ្ទៃប្រទេស និងកម្លាំងនគរបាល ការពារព្រំដែន៦២១បានចុះទៅចំណុចគីឡូម៉ែត្រ១៥៩ ស្ថិតក្នុងភូមិអូរណា ឃុំស្រែខ្ទុម ស្រុកកែវសីមា ខេត្តមណ្ឌលគិរី ដើម្បីធ្វើការបង្ក្រាបទប់ស្កាត់បទល្មើសព្រៃឈើ និងរឹបអូសបាន រថយន្តចំនួន០៣គ្រឿង ដែលក្នុងព្រៃចម្ងាយពីផ្លូវជាតិ៧៦ប្រហែល៦០០ម៉ែត្រត្រៀមដឹកឈើចេញ ។
រថយន្តទាំងបីគ្រឿងនោះប្រភេទតូរីស ចំនួន០២គ្រឿង គ្មានស្លាកលេខ និង០១គ្រឿងទៀតម៉ាកកាម៉ារីហើម ពណ៌សម្បកឪឡឹក គ្មានស្លាកលេខ និងរណាយន្តចំនួន០៣គ្រឿង ។ បច្ចុប្បន្នវត្ថុតាងបានយកមករក្សារទុកនៅស្នាក់ការដែនជំរកសត្វព្រៃកែវសីមា ដោយឡែកជនសង្ស័យបានរត់បាត់ ៕
ចែករំលែកព័តមាននេះ