ខេត្តតាកែវ ៖ បើតាមចំលើយសារភាពរបស់ជនដៃដល់ជាឃាតករក្រោយចាប់ខ្លួនបាននិយាយថា «នៅពេលរូបគេនាំនារីរងគ្រោះចូលទៅដេកក្នុងផ្ទះសំណាក់ «ប៉ាអុីម៉ាក់អ៊ុី» នោះ ក៏កើតការក្តៅក្រហាយដុតកម្លោចដល់បេះដូងរបស់គេ ខណៈដែលកំពុងរួមមេត្រីនោះ ក៏មានបុរសម្នាក់បានខលមករកនាង ហើយនាងក៏បានអោយខ្លួនបញ្ឈប់មួយភ្លេតសិន…
ខេត្តតាកែវ ៖ បើតាមចំលើយសារភាពរបស់ជនដៃដល់ជាឃាតករក្រោយចាប់ខ្លួនបាននិយាយថា «នៅពេលរូបគេនាំនារីរងគ្រោះចូលទៅដេកក្នុងផ្ទះសំណាក់ «ប៉ាអុីម៉ាក់អ៊ុី» នោះ ក៏កើតការក្តៅក្រហាយដុតកម្លោចដល់បេះដូងរបស់គេ ខណៈដែលកំពុងរួមមេត្រីនោះ ក៏មានបុរសម្នាក់បានខលមករកនាង ហើយនាងក៏បានអោយខ្លួនបញ្ឈប់មួយភ្លេតសិន ធ្វើឱ្យរូបគេបានខឹងយ៉ាងខ្លាំង ក៏ចាប់មួល.កសម្លាប់តែម្តងទៅ ។ ក្រោយពេលសម្លាប់នាងរួចហើយ ខ្លួនក៏បានចុះមកក្រោម ដោយប្រាប់សន្តិសុខថា ទៅទិញបបរមកញាំ តែរូបគេ ក៏បានជិះម៉ូតូមកផ្ទះបងប្អូនទាំងយប់ រួចប៉ូលិសក៏ស្រាវជ្រាវឃាត់ខ្លួនបាន» ។ ប៉ូលិសព្រហ្មទណ្ឌកំរិតធ្ងន់ខេត្ត កំពុងតែសួរចម្លើយបន្ថែម ដើម្បីកសាងសំណុំរឿងបញ្ជូនទៅសាលាដំបូងខេត្ត ចាត់់ការតាមផ្លូវច្បាប់ ។
គួររំលឹកថា ជនសង្ស័យឈ្មោះ សុខ ចន្ទលីដា ភេទប្រុស អាយុ៣១ឆ្នាំ រស់នៅភូមិត្រពាំងអង្គ សង្កាត់រកាក្រៅ ក្រុងដូនកែវ ខេត្តតាកែវ មានមុខរបរភ្នាក់ងារ ខាងឥណទានមួយកន្លែងក្នុងខេត្ត ។ រីឯនារីរងគ្រោះដែលត្រូវជននេះសម្លាប់ឈ្មោះ ឃិន ចិន្តា អាយុ២១ឆ្នាំ មានស្រុកកំណើតនៅភូមិកន្ទួត ឃុំស្រង៉ែ ស្រុកទ្រាំង ខេត្តតាកែវ មានមុខរបរនារីបម្រើខារ៉ាអូខេជុំមិត្ត ។ នាងដេកស្លាប់ទាំងអាក្រាតកាយនៅក្នុងបន្ទប់ផ្ទះសំណាក់ «ប៉ាអីុម៉ាក់អីុ» ហើយត្រូវប្រទះសព នៅវេលាម៉ោង១២ថ្ងៃត្រង់ ថ្ងៃទី៤ ខែមីនា ឆ្នាំ២០១៩ ស្ថិតនៅភូមិស្នោរ សង្កាត់រកាក្នុង ក្រុងដូនកែវ ខេត្តតាកែវ ។
សូមបញ្ជាក់ទៀតថា ការវែកមុខរកឃាតករនេះបាន គឺមកពីការឆែកមើលកាមេរ៉ាសុវត្ថិភាពទើបស្គាល់អត្តសញ្ញាណជននេះ ហើយតាមការស្រាវជ្រាវពីសំណាក់សមត្ថកិច្ច ដែលបានធ្វើការងារនេះ យ៉ាងដុតដៃដុតជើងក៏បានដឹងពីកន្លែងដែលជននេះលាក់ខ្លួននៅក្រុងច្បារមន ខេត្តកំពង់ស្ពឺ ។
អ្នកច្បាប់មួយរូបឱ្យដឹងថា ចំពោះឃាតករនេះ អាចប្រឈមនឹងការជាប់ពន្ធនាគារពី១៥ ទៅ៣០ឆ្នាំ ព្រោះថា ការសម្លាប់ដោយកំហឹងមួយឆាវ ។ ប៉ុន្តែបើមានគម្រោងគិតទុកជាមុនវិញ ជននេះ អាចប្រឈមនឹងការជាប់គុកមួយជីវិត ។
ចែករំលែកព័តមាននេះ