Tesla Model Y ដែលជារថយន្ត SUV ថ្មីរបស់ Tesla នឹងបង្ហាញមុខឆាប់ៗខាងមុខ
ក្រុមហ៊ុន Tesla នឹងបង្ហាញរថយន្តរបស់ខ្លួន Model Y ដែលជាប្រភេទ SUV ដ៏សំខាន់ប្រចាំត្រកូល នៅថ្ងៃទី១៤ ខែមីនា…
ក្រុមហ៊ុន Tesla នឹងបង្ហាញរថយន្តរបស់ខ្លួន Model Y ដែលជាប្រភេទ SUV ដ៏សំខាន់ប្រចាំត្រកូល នៅថ្ងៃទី១៤ ខែមីនា…
ក្រុមហ៊ុន Tesla នឹងបង្ហាញរថយន្តរបស់ខ្លួន Model Y ដែលជាប្រភេទ SUV ដ៏សំខាន់ប្រចាំត្រកូល នៅថ្ងៃទី១៤ ខែមីនា ខាងមុខនេះ ហើយក្រុមហ៊ុនសង្ឃឹមថាបទពិសោធន៍ដ៏ជូរចត់ក្នុងការផលិត Model 3 យ៉ាងយឺតយ៉ាវ អាចជាមេរៀនគួរឱ្យចៀសវាងក្នុងការផលិតលើកនេះ ។
រថយន្ត Tesla Model Y នឹងចេញលក់នៅចុងឆ្នាំ២០២០ ហើយការងាររចនាត្រូវបានបញ្ចប់ ខណៈពេលដែលក្រុមហ៊ុននេះទើបតែបញ្ចប់គម្រោងផលិតរថយន្តថ្មី។ ថៅកែក្រុមហ៊ុន លោក Elon Musk បានបញ្ជាក់ពីការចាប់ផ្តើមនៃការផលិតរថយន្តនេះ តាំងពីឆ្នាំមុនលើ Twitter នៅថ្ងៃទី១៥ ខែមីនា។ លោកបាននិយាយថា តម្លៃនិងលក្ខណៈពិសេសលម្អិតនឹងត្រូវបានបង្ហាញនៅព្រឹត្តិការណ៍នេះ រួមជាមួយការបង្ហាញសាកល្បងនៅក្នុងម៉ាស៊ីនគម្រូ។
តាមការប្រកាសបង្ហាញមុខរថយន្តកូនពៅរបស់ Tesla បានធ្វើឡើងភ្លាមៗក្រោយពីរថយន្ត Model 3 ដាក់លក់ក្នុងតម្លៃ ៣៥០០០ដុល្លារ (ក្រៅស្រុក)។ រថយន្តថ្មីនេះ នឹងអាចបើកបររាល់ការសាកថ្មពេញម្តងបាន ២២០ម៉ាយ ដែលវានៅតិចជាងរថយន្ត Model 3 សេរ៊ីខ្ពស់ Long Range (៣២៥ម៉ាយ)។
លោក Musk បាននិយាយថាដោយសារ Model Y មានទំហំ១០%ធំជាង Model 3 វានឹងមានតម្លៃថ្លៃជាង ១០%។ ប្រសិនបើតម្លៃដូចនេះមែន វានឹងអាចមានតម្លៃ ៣៨៥០០ដុល្លារអាមេរិក សម្រាប់សេរ៊ីស្តង់ដាធម្មតា (គ្មាន Option)។ លោកក៏បានបញ្ជាក់ផងដែរថា តម្រូវការសម្រាប់ Model Y នឹងមានភាពច្រើនជាង Model 3 ដល់ទៅពាក់កណ្តាល ហើយក៏អាចកើនឡើងដល់ទ្វេដងផងដែរ។
រថយន្ត Model 3 មិនដែលពិបាកក្នុងការលក់នោះទេ ដោយសារតែតម្រូវការគឺមិនចេះដាច់នោះឡើយ។ បញ្ហារបស់ Tesla គឺការផលិតមិនទាន់តម្រូវការ។ នៅពេលនេះ ក្រុមហ៊ុន Tesla អាចផលិតរថយន្ត Model 3 បានត្រឹមតែ១០០០គ្រឿងក្នុងមួយសប្តាហ៍ប៉ុណ្ណោះ។ គេសង្ឃឹមថា នឹងអាចបង្កើនឡើងដល់ ៧០០០គ្រឿងក្នុងមួយសប្តាហ៍ នៅពេលដាច់ឆ្នាំនេះ ៕
ចែករំលែកព័តមាននេះ