ខេត្តឧត្តរមានជ័យ ៖ ក្រោយពីបានបញ្ចប់នៅសង្គ្រាមស៊ីវិលនៅក្នុងប្រទេសនៅក្នុងឆ្នាំ១៩៩៨នៅតាមបណ្តោយបន្ទាត់ជាយដែនកម្ពុជា- ថៃ មានក្រុមហេឡូត្រាសបោសសំអាតគ្រាប់មីនយ៉ាងណាក្តីគេបានសង្កេតឃើញប្រជាពលរដ្ឋប្រុសស្រីចាស់ក្មេងបានទទួលរងគ្រោះស្លាប់ និងរងរបួសជាញឹកញាប់ផងដែរកន្លងទៅ ។ ជាក់ស្តែងប្រជាពលរដ្ឋបានប្រទះឃើញគ្រាប់មិនទាន់ផ្ទុះ២លើក លើកទី១ ប្រជាពលរដ្ឋឈ្មោះសោ…
ខេត្តឧត្តរមានជ័យ ៖ ក្រោយពីបានបញ្ចប់នៅសង្គ្រាមស៊ីវិលនៅក្នុងប្រទេសនៅក្នុងឆ្នាំ១៩៩៨នៅតាមបណ្តោយបន្ទាត់ជាយដែនកម្ពុជា- ថៃ មានក្រុមហេឡូត្រាសបោសសំអាតគ្រាប់មីនយ៉ាងណាក្តីគេបានសង្កេតឃើញប្រជាពលរដ្ឋប្រុសស្រីចាស់ក្មេងបានទទួលរងគ្រោះស្លាប់ និងរងរបួសជាញឹកញាប់ផងដែរកន្លងទៅ ។
ជាក់ស្តែងប្រជាពលរដ្ឋបានប្រទះឃើញគ្រាប់មិនទាន់ផ្ទុះ២លើក លើកទី១ ប្រជាពលរដ្ឋឈ្មោះសោ ផល ភេទប្រុស អាយុ៥១ឆ្នាំ រស់នៅភូមិបន្ទាយជ័រ ឃុំពង្រ ស្រុកចុងកាល់ ខេត្តឧត្តរមានជ័យ បានប្រទះឃើញគ្រាប់បេ៤០១គ្រាប់ និងគ្រាប់៨០មីលីម៉ែត្រ១គ្រាប់ កាលពីព្រឹកថ្ងៃទី០៤ មីនា ២០១៩ ។ លើកទី២- ប្រជាពលរដ្ឋដែលរស់នៅក្នុងភូមិតាសំ ឃុំអូរស្វាយ ស្រុកត្រពាំងប្រសាទសុំមិនបញ្ចេញឈ្មោះក៏បានប្រទះឃើញគ្រាប់ប្រភេទអឹម៦០មីលីម៉ែត្រ ២១គ្រាប់ផងដែរ ដែលបានសេសសល់ កាលពីសម័យសង្គ្រាមស៊ីវិល ។
ប៉ូលិសបានឱ្យដឹងថា នៅខេត្តឧត្តរមានជ័យខេត្តនេះជាខេត្តសមរភូមិក្តៅជាងគេបង្អោះគេប្រយុទ្ធគ្នារវាងកងទ័ពប៉ារ៉ារវាងកងទ័ពខ្មែរក្រហមនឹងកងទ័ពរដ្ឋកម្ពុជាដ៏រាំរ៉ៃបំផុត ក្រោយមកដំណាក់កាលចុងក្រោយនៅក្នុងឆ្នាំ១៩៩៨ សម្តេចហ៊ុន សែន បានធ្វើគោលនយោបាយឈ្នះឈ្នះ ដើម្បីបញ្ចប់នៅសង្គ្រាមស៊ីវិលដ៏រាំរ៉ៃនេះ ដោយគ្មានអ្នកឈ្នះនឹងគ្មានអ្នកចាញ់ ។
ប៉ូលិសដដែលបានបន្តថា គ្រាប់មិនទាន់ផ្ទុះដូចជា គ្រាប់កាំភ្លើងគ្រប់ធុននឹងគ្រាប់មីនគ្រប់ប្រភេទបាននៅសេសសល់ កាលពីសម័យសង្គ្រាមនៅក្នុងខេត្តឧត្តរមានជ័យបានឆាបឆក់យកជីវិតពលរដ្ឋប្រុសស្រីក្មេងចាស់អស់មួយចំនួនផងដែរកន្លងទៅនេះ ជាក់ស្តែងនៅក្នុងស្រុកចុងកាល់ប្រជាពលរដ្ឋបានប្រទះឃើញគ្រាប់មិនទាន់ផ្ទុះចំនួន២គ្រាប់ និងនៅស្រុកត្រពាំងប្រាសាទប្រជាពល រដ្ឋបានប្រទះឃើញចំនួន២១គ្រាប់ ខណៈនោះសមត្ថកិច្ចប៉ូលិសបានរាយការណ៍ទៅក្រុមហេឡូត្រាសចុះបោសសំអាត និងកម្ទេចចោល ៕
ចែករំលែកព័តមាននេះ