ខេត្តកែប ៖ កសិកចិញ្ចឹមមាន់ស៊ីចំណីធម្មជាតិមានការគាំទ្រច្រីនជាងចិញ្ចឹមមាន់បីសាស្ត្រ ជាក់ស្តែងដូចបងស្រី កែសៀម អាយុ៣៩ឆ្នាំ នៅភូមិភ្នំលាវ ឃុំពងទឹក ស្រុកដំណាក់ចង្អើរបានប្រាប់អ្នកយកព័ត៌មាន កាលពីព្រឹកថ្ងៃទី២៩ ខែមករាថា គាត់បានចាប់មុខរបរចិញ្ចឹមមាន់ស្រែស៊ីចំណីធម្មជាតិនេះ នៅក្នុងឆ្នាំ២០១៨ ។
បងស្រី កែសៀម និយាយរៀបរាប់អោយដឹងថា មាន់តូចៗរាងធំខ្លះ មានចំនួន៧រយក្បាលដោយឡែកមាន់មេសម្រាប់រើសពងយកទៅភ្ញាស់យកកូនមានចំនួន១០០ក្បាល ។ បងស្រីកែសៀមនិយាយប្រាប់បន្តថា ការយកមាន់ស្រែចិញ្ចឹមជាលក្ខណៈគ្រួសារនេះ មានការគាំទ្រច្រើនជាងចិញ្ចឹមមានបីសាស្ត្រ ដែលមានពូជមាន់មកពីប្រទេសក្រៅ ។
បងស្រីកែ សៀម និយាយថា ការចិញ្ចឹមមាន់ស្រែ គឺពូជមាន់ក្នុងស្រុកអោយស៊ីចំណីធម្មជាតិមានពោត-ស្រូវ កន្ទុក ចុងអង្ករ ។ ដោយបងស្រីនិយាយថា បើមាន់ស្រែលក់ គឺអ្នកទិញមិនក្រវីក្បាលដូចមាន់បីសាស្ត្រទេ ហើយចូលឆ្នាំចិននេះមាន់មេ១គឺឡូ២ម៉ឺន២ពាន់រៀល និងមាន់ឈ្មោល១គឺឡូតែ២ម៉ឺនរៀលទេ ។
បងស្រីនិយាយប្រាប់ថា ការចិញ្ចឹមមាន់នេះខាងមន្ទីរកសិកម្មខេត្តកែបបានចុះមកពិនិត្យ និងណែនាំពីរបៀបចិញ្ចឹមដែរ ហើយអ្នកភូមិផ្សេងទៀតបានមើលឃើញថា ការចិញ្ចឹមមាន់របស់គាត់មានការរីកចម្រើនអ្នកខ្លះបានទិញកូនមាន់ពូជយកទៅចិញ្ចឹមដែរ ។
លោកស្រីចិន ស្រីនាត ប្រធានការិយាល័យផលិតកម្ម និងបសុព្យាបាលខេត្តកែបបានប្រាប់អោយដឹងថា ពលរដ្ឋចិញ្ចឹមមាន់ចាប់ពី១០០ក្បាលទៅ២០០ក្បាលមានចំនួន៣៥គ្រួសារចំណែកពលរដ្ឋចិញ្ចឹមមាន់១ពាន់ទៅ២ពាន់ក្បាល មានចំនួនតែ២គ្រួសាទេ ។ លោកស្រីចិន ស្រីនាត បញ្ជាក់ថា ខេត្តកែបមិនទាន់មានកសិដ្ឋានចិញ្ចឹមមាន់៣សាស្ត្រទេ៕
ចែករំលែកព័តមាននេះ