រាជធានីភ្នំពេញ ៖ គណៈកម្មាធិការអចិន្ត្រៃយ៍រដ្ឋសភាបានបើកកិច្ចប្រជុំ ដើម្បីពិនិត្យការស្នើសុំផ្លាស់ប្តូរសមាសភាពក្រុមប្រឹក្សាធម្មនុញ្ញសម្រាប់អាណត្តិថ្មីជំនួនលោក មឹន ស៊ាន ដែលត្រូវចប់អាណត្តិ ។ កិច្ចប្រជុំក្រោមការដឹកនាំដោយសម្តេចហេង សំរិន…
រាជធានីភ្នំពេញ ៖ គណៈកម្មាធិការអចិន្ត្រៃយ៍រដ្ឋសភាបានបើកកិច្ចប្រជុំ ដើម្បីពិនិត្យការស្នើសុំផ្លាស់ប្តូរសមាសភាពក្រុមប្រឹក្សាធម្មនុញ្ញសម្រាប់អាណត្តិថ្មីជំនួនលោក មឹន ស៊ាន ដែលត្រូវចប់អាណត្តិ ។ កិច្ចប្រជុំក្រោមការដឹកនាំដោយសម្តេចហេង សំរិន ប្រធានរដ្ឋសភា និងជាប្រធានគណៈកម្មាធិការអចិន្ត្រៃយ៍ដោយមានការចូលរួមពីសមាជិកអចិន្ត្រៃយ៍ទាំងអស់ ។
សមាសភាពក្រុមប្រឹក្សាធម្មនុញ្ញលើកទី៧ រយៈពេល៣ឆ្នាំត្រូវផុតកំណត់នៅឆ្នាំ២០១៩នេះ ។ ក្នុងកិច្ចប្រជុំគណៈកម្មាធិការអចិន្ត្រៃយ៍រដ្ឋសភានាព្រឹកថ្ងៃទី០៥ ខែមីនា ឆ្នាំ២០១៩ អង្គប្រជុំ បានធ្វើការពិភាក្សា និងអនុម័តតាមរបៀបវារៈដោយបានអនុម័តលើសំណើសុំជ្រើសតាំងសមាជិកក្រុមប្រឹក្សាធម្មនុញ្ញថ្មី០១រូប សម្រាប់ជំនួសលោក មឹន ស៊ាន សមាជិកក្រុមប្រឹក្សាធ ម្មនុញ្ញដែលត្រូវបញ្ចប់អាណត្តិ ។ គណៈកម្មាធិការអចិន្ត្រៃយ៍រដ្ឋសភាបានសម្រេចប្រគល់ភារកិច្ចជូនអគ្គលេខាធិការដ្ឋានរដ្ឋសភាធ្វើសេចក្តីជូនដំណឹងផ្សព្វផ្សាយជ្រើសរើសឥស្សរជនមានលក្ខណៈសម្បត្តិសមស្រប ហើយធ្វើរបាយការណ៍ជូនគណៈកម្មាធិការអចិន្ត្រៃយ៍រដ្ឋសភាវិញ ។
សូមជម្រាបថា លោក មឹន ស៊ាន បានកាន់តំណែងជាសមាជិកក្រុមប្រឹក្សាធម្មនុញ្ញ ចាប់តាំងពីឆ្នាំ២០១០មកម្លេះ ។ សមាសភាពក្រុមប្រឹក្សាធម្មនុញ្ញទាំង៩រូប នៅអាណត្តិទី៧ ចាប់ពីឆ្នាំ២០១៦ ដល់ឆ្នាំ២០១៩ រួមមាន១-លោក អ៊ឹម ឈុនលឹម ប្រធាន ២-សម្តេចនរោត្តម សិរីវុឌ្ឍ សមាជិក ៣-លោកមឹន ស៊ាន សមាជិក ៤-សម្តេចព្រះមហិស្សរា នរោត្តមចក្រពង្ស សមាជិក ៥-សម្តេចរាជបុត្រីព្រះរៀម នរោត្តមបុប្ផាទេវី សមាជិក ៦- លោក អ៊ុត ឈន សមាជិក ៧-លោក សំ ព្រហ្មនា សមាជិក ៨-លោក អ៊ឹម សួស្តី សមាជិក ៩-លោក ហ៊ី សោភា សមាជិក សូមរម្លឹកថា សមាសភាពក្រុមប្រឹក្សាធម្មនុញ្ញទាំង៩រូប គឺមាន៣រូប ជ្រើសតាំងដោយរដ្ឋសភា ៣រូបជ្រើសតាំងដោយឧត្តមក្រុមប្រឹក្សាអង្គចៅក្រោម និង៣រូបតែងតាំងដោយព្រះមហាក្សត្រ ៕
ចែករំលែកព័តមាននេះ