ខេត្តឧត្តរមានជ័យ ៖ កាលពីថ្ងៃទី៣ ខែមីនា ឆ្នាំ២០១៩ លោកជំទាវហ៊ុន ម៉ាណា បានដឹកនាំគណៈប្រតិភូជាច្រើនរូបបានអញ្ជើញចុះសាកសួរសុខទុក្ខលោកយាយរស់នៅឯកោគ្មានទីពឹង និងបានជួយឧបត្ថម្ភផ្ទះទេវតាមួយខ្នងដែលមានទំហំ៥ម៉ែត្រគុណនឹង៧ម៉ែត្រសាងសង់អំពីថ្មជញ្ជាំងថ្ម ក្រាលឥដ្ឋការ៉ូ…
ខេត្តឧត្តរមានជ័យ ៖ កាលពីថ្ងៃទី៣ ខែមីនា ឆ្នាំ២០១៩ លោកជំទាវហ៊ុន ម៉ាណា បានដឹកនាំគណៈប្រតិភូជាច្រើនរូបបានអញ្ជើញចុះសាកសួរសុខទុក្ខលោកយាយរស់នៅឯកោគ្មានទីពឹង និងបានជួយឧបត្ថម្ភផ្ទះទេវតាមួយខ្នងដែលមានទំហំ៥ម៉ែត្រគុណនឹង៧ម៉ែត្រសាងសង់អំពីថ្មជញ្ជាំងថ្ម ក្រាលឥដ្ឋការ៉ូ ដំបូលប្រក់ស័ង្កសី ស្ថិតនៅក្នុងភូមិស៊ីលៀម ឃុំគោកមន ស្រុកបន្ទាយអំពិល ខេត្តឧត្តរមានជ័យ។
នៅក្នុងពិធីនេះផងដែរ លោកជំទាវហ៊ុន ម៉ាណា បានអញ្ជើញចុះសាកសួសុខទុក្ខលោកយាយគ្មានទីពឹងឈ្មោះសាយ សុខុម អាយុ៧២ឆ្នាំ រស់នៅក្នុងភូមិឃុំខាងលើ គេសង្កេតឃើញវត្តមានអមដំណើរដោយលោកប៉ែន កុសល្យ អភិបាលខេត្ត មន្ត្រីរាជការជុំវិញខេត្តឧត្តរមានជ័យ កងកំលាំងប្រដាប់អាវុធទាំង៣ភេទ មានការចូលរួមពីលោកតាជី យាយជី និងសិស្សានុសិស្សសរុបមានចំនួន៦៩នាក់។
នាឱកាសនោះលោកជំទាវហ៊ុន ម៉ាណា បានធ្វើការសំណេះសំណាលសាកសួរសុខទុក្ខលោកយាយ ព្រមទាំងប្រជាពលរដ្ឋរួចមក លោកជំទាវបានរៀបចំប្រគល់ផ្ទះទេវតាមួយខ្នង រួមទាំងសំភារៈប្រើប្រាស់ គ្រឿងបរិភោគ ឧបភោគជូនលោកយាយ ដូចជាអង្ករ១០០គីឡូក្រាម មី៣កេស ត្រីខ១កេស ទឹកត្រី៣យួរ ពួក១ ភួយ២ ខ្នើយ២ មុង២ និងថវិកា៩០០.០០០រៀល ។
ដោយឡែកតាជី យាយជីចំនួន៣២នាក់ ក្នុងម្នាក់ៗទទួលបានខោអាវ១កំប្លេ ទឹកដោះគោ១កំប៉ុង ថ្នាំលាប២ប្រអប់ សិស្សានុសិស្សចំនួន៣៧នាក់ ក្នុងម្នាក់ៗទទួលបានកាបូបដាក់សៀវភៅ១ផងដែរ៕
ចែករំលែកព័តមាននេះ