ខេត្តកណ្តាល ៖ ហេតុការណ៍មួយបង្កភ្ញាក់ផ្អើលផងនិងអាណិតសង្វេគផង ស្ថិតនៅក្នុងបរិវេណវត្តព្រែកហូរ ក្រោយប្រទះសពបុរសចំណាស់ម្នាក់អង្គុយៗខ្យល់គរស្លាប់ ហើយសាច់ញាតិអះអាងថា បានបាត់ដំណឹងគាត់ពីផ្ទះ៤ថ្ងៃមកហើយ ខណៈនាំគ្នាដើរតាមរកគ្រប់ទីកន្លែង ក៏រកមិនឃើញនោះ ការភ្ញាក់ផ្អើលកើតឡើងនៅថ្ងៃទី៤…
ខេត្តកណ្តាល ៖ ហេតុការណ៍មួយបង្កភ្ញាក់ផ្អើលផងនិងអាណិតសង្វេគផង ស្ថិតនៅក្នុងបរិវេណវត្តព្រែកហូរ ក្រោយប្រទះសពបុរសចំណាស់ម្នាក់អង្គុយៗខ្យល់គរស្លាប់ ហើយសាច់ញាតិអះអាងថា បានបាត់ដំណឹងគាត់ពីផ្ទះ៤ថ្ងៃមកហើយ ខណៈនាំគ្នាដើរតាមរកគ្រប់ទីកន្លែង ក៏រកមិនឃើញនោះ ការភ្ញាក់ផ្អើលកើតឡើងនៅថ្ងៃទី៤ មីនា វេលាម៉ោង១១និង០៥នាទី ចំណុចក្នុងវត្តព្រះពុទ្ធអណ្តែក ហៅវត្តព្រែកហូរ ភូមិបត្តាជី១ សង្កាត់ព្រែកហូរ ក្រុងតាខ្មៅ ខេត្តកណ្តាល។
សេចក្តីរាយការណ៍ឱ្យដឹងថា ជនរងគ្រោះមានឈ្មោះ កប ម៉ុស អាយុ៦១ឆ្នាំ ជាមន្ត្រីចូលនិវត្តន៍ អាសយដ្ឋានភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ (ជនរងគ្រោះមានជំងឺវង្វេងទឹកនោមផ្អែម និងរោគថ្លើម) ។
តាមការឱ្យពីអាចារ្យវត្តព្រែកហូរថា មុនពេលកើតហេតុ ឃើញជនរងគ្រោះមិនដឹងដើរមកពីណានោះទេ ដោយមកអង្គុយនៅក្រោមដើមឈើក្នុងបរិវេណវត្តនេះ ហាក់ដូចជាជនអានាថា តែក៏មិនចាប់អារម្មណ៍អ្វីដែរ ។ លុះម៉ោងប្រហែល១១ ខណៈមានសិស្សចេញពីសាលា ស្រាប់តែសិស្សម្នាក់មកប្រាប់គាត់ថា «មានតាម្នាក់អង្គុយក្រោមដើមឈើស្លាប់បាត់ទៅហើយ» ។
ប្រភពបន្តថា គាត់ក៏ដើរទៅមើលឃើញគាត់ស្លាប់មែន បានយកក្រណាត់.សមកគ្រប ហើយក៏មករាយ ការណ៍ទៅសមត្ថកិច្ចចុះធើ្វការពិនិត្យតែម្តង ។ ពេលសមត្ថកិច្ចចុះទៅដល់ បានឆែកឃើញអត្តសញ្ញាណប័ណ្ណជនរងគ្រោះ ក៏ទាក់ទងរកសាច់ញាតិបាន នៅវេលាម៉ោង០១រសៀលថ្ងៃដដែល ។
ចែករំលែកព័តមាននេះ