ខេត្តកណ្តាល ៖ ស្ត្រីម្នាក់ត្រូវបាននគរបាលស្រុកស្អាងធ្វើការឃាត់ខ្លួនបន្ទាប់ពីយកដំបងឬស្សីទៅវាយលើលោកតាចាស់ម្នាក់ បណ្តាលអោយរងរបួសធ្ងន់ ខណៈដែលលោកតាដើរកាត់មុខផ្ទះ ហើយឆ្កែរបស់ស្ត្រីជនសង្ស័យព្រូស រួចលោកតាបានយកឈើច្រត់វាយឆ្កែកុំអោយខាំធ្វើអោយស្ត្រីជាជនសង្ស័យកើតជាកំហឹងតែម្តង។ ហេតុការណ៍នេះបានកើតឡើងនៅថ្ងៃទី០៤ ខែមីនា ឆ្នាំ២០១៩…
ខេត្តកណ្តាល ៖ ស្ត្រីម្នាក់ត្រូវបាននគរបាលស្រុកស្អាងធ្វើការឃាត់ខ្លួនបន្ទាប់ពីយកដំបងឬស្សីទៅវាយលើលោកតាចាស់ម្នាក់ បណ្តាលអោយរងរបួសធ្ងន់ ខណៈដែលលោកតាដើរកាត់មុខផ្ទះ ហើយឆ្កែរបស់ស្ត្រីជនសង្ស័យព្រូស រួចលោកតាបានយកឈើច្រត់វាយឆ្កែកុំអោយខាំធ្វើអោយស្ត្រីជាជនសង្ស័យកើតជាកំហឹងតែម្តង។ ហេតុការណ៍នេះបានកើតឡើងនៅថ្ងៃទី០៤ ខែមីនា ឆ្នាំ២០១៩ វេលាម៉ោង១៦និង២០នាទី នៅចំណុចភូមិស្វាយតានី ឃុំព្រែកគយ ស្រុកស្អាង ខេត្តកណ្តាល ។
ជនរងគ្រោះឈ្មោះ លីវ ឈៀង ភេទប្រុស អាយុ៩៤ឆ្នាំ ជនជាតិខ្មែរ ចាស់ជរា មានទីលំនៅភូមិ-ឃុំកើតហេតុ (របួសក្បាល និងដៃឆ្វេង) ។ ជនសង្ស័យឈ្មោះ ម៉ូវ ង៉ិចហៀក ភេទស្រី អាយុ២៨ឆ្នាំ ជនជាតិខ្មែរ មុខរបរកម្មការិនី មានទីលំនៅភូមិ-ឃុំកើតហេតុ ។
លោកវរសេនីយ សេង សុជាតិ អធិការនគរបាលស្រុកស្អាងបានអោយដឹងថា នៅថ្ងៃទី០៤ ខែមីនា ឆ្នាំ២០១៩ វេលាម៉ោង១៦និង២០នាទី ជនរងគ្រោះឈ្មោះលីវ ឈៀង បានដើរកាន់ឈើច្រត់តាមផ្លូវលំ កាត់មុខផ្ទះរបស់ឈ្មោះម៉ូវ ង៉ិចហៀក ។ ពេលនោះឆ្កែរបស់ឈ្មោះ ម៉ូវ ង៉ិចហៀក ចំនួន២ក្បាលបានព្រុសខ្លាំងៗចេញពីក្នុងផ្ទះមកដេញខាំជនរងគ្រោះ ។ ភ្លាមនោះជនរងគ្រោះបានយកឈើច្រត់របស់ខ្លួនយកវាយឆ្កែ ដើម្បីកុំឲ្យឆ្កែខាំក៏ត្រូវឈ្មោះម៉ូវ ង៉ិចហៀក ថាគេវ៉ៃឆ្កែរបស់ខ្លួនក៏យកដំបងឬស្សីមកវាយជនរងគ្រោះ បណ្តាលឲ្យបែកចំពីលើក្បាល និងមានស្នាមមុតដៃចេញឈាមទៀតផង ។
បច្ចុប្បន្នជនរងគ្រោះកំពុងសម្រាកព្យាបាលរបួសនៅមន្ទីរពេទ្យឯកជនមួយនៅស្វាយតានី ។ ចំណែកជនសង្ស័យបានឃាត់ខ្លួននៅអធិការដ្ឋាននគរបាលស្រុកស្អាង ដើម្បីបន្តចាត់ការតាមនីតិវិធី ៕
ចែករំលែកព័តមាននេះ