ខេត្តកណ្តាល៖ សេចក្តីរាយការណ៍ឱ្យដឹងថា ករណីហិង្សាមួយកើតឡើង ដោយខ្វះការពិចារណា ធ្វើឱ្យកងរាជអាវុធហត្ថលើផ្ទៃប្រទេសមានឋានន្តរសក្តិវរៈសេនីយ៍ត្រីបានផ្ទុះអាវុធមួយគ្រាប់ ក៏បណ្តាលឱ្យរងរបួសខ្លួនឯងទៅវិញ ដោយសារខឹងប្រពន្ធមិននៅផ្ទះ ខណៈគាត់ត្រឡប់ពីធ្វើការវិញ ។ ហេតុការណ៍បានកើតឡើង…
ខេត្តកណ្តាល៖ សេចក្តីរាយការណ៍ឱ្យដឹងថា ករណីហិង្សាមួយកើតឡើង ដោយខ្វះការពិចារណា ធ្វើឱ្យកងរាជអាវុធហត្ថលើផ្ទៃប្រទេសមានឋានន្តរសក្តិវរៈសេនីយ៍ត្រីបានផ្ទុះអាវុធមួយគ្រាប់ ក៏បណ្តាលឱ្យរង
របួសខ្លួនឯងទៅវិញ ដោយសារខឹងប្រពន្ធមិននៅផ្ទះ ខណៈគាត់ត្រឡប់ពីធ្វើការវិញ ។ ហេតុការណ៍បានកើតឡើង កាលពីវេលាម៉ោង១១ និង៤០នាទីថ្ងៃទី៤ មីនា ស្ថិតនៅចំណុចភូមិសំរោងក្អែរ៣ ឃុំសំរោងធំ ស្រុក កៀនស្វាយ ខេត្ត កណ្តាល ។
សេចក្តីរាយការណ៍បន្តថា ជនសង្ស័យខាងលើ ឈ្មោះគង់ ចាន់ថន ភេទប្រុស អាយុ៣៨ឆ្នាំ ជាកងរាជអាវុធហត្តលើផ្ទៃប្រទេស ឋានន្តរសក្តិវរៈសេនីយ៍ត្រី មានទីលំនៅភូមិលេខ៨ សង្កាត់កំពង់លាវ ក្រុងព្រៃវែង ខេត្ត ព្រៃវែង «រងរបួសសម្រាកនៅមន្ទីរពេទ្យព្រះកេតុមាលា » ។ ដោយឡែគ ជនរងគ្រោះ២នាក់ទៀត ១-ឈ្មោះឈួន ជេស ភេទប្រុស អាយុ៥៣ឆ្នាំ ជាកសិករ មានទីលំនៅភូមិ សំរោងក្អែរ៣ ឃុំសំរោងធំ ស្រុក កៀនស្វាយ ខេត្តកណ្តាល (ត្រូវជាឪពុកក្មេក) និង២-ឈ្មោះឈួន រ៉ានី ភេទស្រី អាយុ២៥ឆ្នាំ ស្នាក់នៅសង្កាត់ផ្សារដើមថ្កូវ ខណ្ឌមានជ័យ រាជធានីភ្នំពេញ (ប្រពន្ធជនសង្ស័យ ) ។
បើតាមនគរបាលស្រុកកៀនស្វាយឱ្យដឹងទៀតថា ជនសង្ស័យនិងប្រពន្ធបច្ចុប្បន្នស្នាក់នៅសង្កាត់ផ្សារដើមថ្កូវ ខណ្ឌមានជ័យ រាជធានីភ្នំពេញ ។ កាលពីថ្ងៃទី០៤ មីនា វេលាម៉ោង១១និងង៣០នាទីព្រឹក ប្រពន្ធជនសង្ស័យបានជិះរថយន្តឈ្នួលពីភ្នំពេញ មកផ្ទះឪពុកស្ថិតក្នុងភូមិ សំរោងក្អែរ៣ ឃុំសំរោងធំ ស្រុក កៀនស្វាយ ខេត្តកណ្តាល ហើយក៏ឱ្យបងស្រីឈ្មោះ ឈួន រ៉ាឌី ជូនទៅរកគ្រូទស្សន៍ទាយ ។ ប្រភពបន្តថា ពេលនោះ ជនសង្ស័យបានជិះម៉ូតូ១គ្រឿងម៉ាកC125 ពណ៌ខ្មៅ មកដល់ផ្ទះឪពុកដែរ រួចបានសួរឪពុកក្មេកថា «ប៉ាមានឃើញប្រពន្ធខ្ញុំទេ» ពេលនោះ ឪពុកក្មេកឆ្លើយប្រាប់ថា «អត់ឃើញទេ» ។
ស្របពេលជាមួយគ្នានោះ ឈ្មោះឈួន រ៉ាឌី បានឌុបប្រពន្ធមកដល់ផ្ទះ ស្រាប់តែជនសង្ស័យបានជេរប្រពន្ធថា «មីចោរសំផឹងទើបមកពីឱ្យប្រុស»។ ជេររួច ជនសង្ស័យក៏ដកកាំងភ្លើងបាញ់ប្រពន្ធ តែត្រូវឪពុកក្មេកស្ទុះទៅចាប់ដៃឡើងទៅលើ និងបានប្រវាយយប្រតប់ជាមួយឪពុកក្មេកទៀត ។ ពេលនោះស្នូរគ្រាប់កាំភ្លើងបានផ្ទុះ១គ្រាប់ ត្រូវចំក្រោមដោះខាងស្តាំជនសង្ស័យខ្លួនឯងតែម្តង ។
បន្ទាប់មក ឪពុកក្មេកជនសង្ស័យក៏បានទូរស័ព្ទមកប្តឹងកម្លាំងប៉ុស្តិ៍រដ្ឋបាលសំរោងធំ ចុះជួយអន្តរាគមន៍ភ្លាមៗ ៊។ ពេលទទួលបាន មានកម្លាំងប៉ុស្តិ៍បានចុះទៅដល់កន្លែងកើតហេតុ ហើយឱ្យប្រពន្ធជនសង្ស័យបញ្ជូនទៅសង្គ្រោះមន្ទីរពេទ្យព្រះកេតុមាលា ជាមួយកំលាំងប៉ុស្តិ៍២នាក់ដែរ ។ ចំពោះករណីនេះ កំលាំងជំនាញ សហការជាមួយកំលាំនគរបាលបាលប៉ុស្តិ៍ ចុះទៅដល់កន្លែងកើតហេតុ និងមន្ទីពេទ្យព្រះករតុមាលា ហើយបន្តរចាត់ការតាមនីតិវិធីបន្ត ។
ចែករំលែកព័តមាននេះ