ទីក្រុងប៉ារីស៖ យោងតាមភ្នាក់ងារសារព័ត៌មាន Channel News Asia បានឲ្យដឹងកាលពីថ្ងៃអាទិត្យ កន្លងមកថា កិច្ចព្រមព្រៀងពាណិជ្ជកម្មជាមួយនឹងប្រទេសចិននឹងរួមមានវិធានទប់ស្កាត់ការទម្លាក់អត្រាប្តូរប្រាក់ដើម្បីជួយដល់ក្រុមហ៊ុននាំចេញ ។ លោកប្រធានាធិបតី…
ទីក្រុងប៉ារីស៖ យោងតាមភ្នាក់ងារសារព័ត៌មាន Channel News Asia បានឲ្យដឹងកាលពីថ្ងៃអាទិត្យ កន្លងមកថា កិច្ចព្រមព្រៀងពាណិជ្ជកម្មជាមួយនឹងប្រទេសចិននឹងរួមមានវិធានទប់ស្កាត់ការទម្លាក់អត្រាប្តូរប្រាក់ដើម្បីជួយដល់ក្រុមហ៊ុននាំចេញ ។
លោកប្រធានាធិបតី ដូណាល់ ត្រាំ (Donald Trump) ធ្លាប់បានចោទប្រកាន់ប្រទេសចិនថាមានចេតនាបន្ទាបតម្លៃរូបិយវត្ថុរបស់ខ្លួនដើម្បីបង្កើនការប្រកួតប្រជែង ហើយលោកបាននិយាយកាលពីសប្តាហ៍មុនផងដែរថា «ពួកយើងសម្រេចបានកិច្ចព្រមព្រៀងមួយ”ជាមួយនឹងប្រទេសចិនផងដែរទាក់ទិននឹងបញ្ហារូបិយវត្ថុនេះ» ។
លោក Larry Kudlow ដែលជាទីប្រឹក្សាសេដ្ឋកិច្ចប្រចាំនៅ White House បានឲ្យដឹងកាលពីថ្ងៃព្រហស្បត្តិ៍ កន្លងមកដែរថា ឯកសារព្រៀងនឹងហាមឃាត់មិនឲ្យមានការបន្ទាបតម្លៃរូបិយវត្ថុ និងផ្តល់កាតព្វកិច្ចដល់មន្ត្រីជាប់ពាក់ព័ន្ធក្នុងប្រទេសចិនឲ្យរាយការណ៍ពីរាល់ការលូកដៃចូលក្នុងទីផ្សារផងដែរ ។
ប៉ុន្តែបញ្ហាដែលសំខាន់គឺប្រទេសចិនមិនចង់បន្ទាបតម្លៃរូបិយវត្ថុខ្លួនទេ ហើយការធ្លាក់ចុះនៃតម្លៃយាន់កើតមានឡើងភាគច្រើនមកពីស្ថានការសេដ្ឋកិច្ចអាមេរិកដូចជាកំណើនអត្រាការប្រាក់ជាដើម ។
តម្លៃប្រាក់យាន់មិនមានការឡើងចុះខ្លាំងទេក្នុងរយៈពេល៥ឆ្នាំមកនេះដែលស្មើរវាងពី ៦.២ ទៅ ៦.៨យាន់ក្នុងមួយដុល្លារ។ តម្លៃប្រាក់យាន់បានកើនឡើង ៦.៣%កាលពីឆ្នាំ ២០១៧ តែបានធ្លាក់ចុះវិញ ៥.៧%ផងដែរកាលពីឆ្នាំមុនមកស្មើកម្រិតទាបជាងគេក្នុងរយៈពេល១០ឆ្នាំមកនេះ ។ ប៉ុន្តែមូលនិធិរូបិយវត្ថុអន្តរជាតិបាននិយាយថាតម្លៃប្រាក់យាន់មិនបានធ្លាក់ចុះទាបពេកទេ ។
អ្នកវិភាគបាននិយាយថា ការធ្លាក់ចុះនៃតម្លៃប្រាក់យាន់ក្នុងពេលថ្មីៗនេះមិនមែនមកពីរដ្ឋាភិបាលចិនមានចេតនាបន្ទាបតម្លៃទេ តែវាបង្កឡើងព្រោះតែការអន់ថយនៃសេដ្ឋកិច្ចចិន សង្គ្រាមពាណិជ្ជកម្ម និងកំណើនអត្រាការប្រាក់ក្នុងសហរដ្ឋអាមេរិកដែលបង្កើនតម្លៃប្រាក់ដុល្លារជាដើម ៕
ចែករំលែកព័តមាននេះ