វ័ណ្ដ.កអ្នកណាពេលនេះ? លោក ត្រាំ ឱ្យចិនលុបបំបាត់ពន្ធលើកសិផលអាមេរិកភ្លាម
រដ្ឋធានីវ៉ាស៊ីនតោន ៖ ភ្នាក់ងារសារព័ត៌មាន Rueters បានឲ្យដឹងកាលពីថ្ងៃទី២ មីនា កន្លងមកថា លោកប្រធានាធិបតី ដូណាល់ ត្រាំ…
រដ្ឋធានីវ៉ាស៊ីនតោន ៖ ភ្នាក់ងារសារព័ត៌មាន Rueters បានឲ្យដឹងកាលពីថ្ងៃទី២ មីនា កន្លងមកថា លោកប្រធានាធិបតី ដូណាល់ ត្រាំ បាននិយាយថា លោកបានស្នើដល់ប្រទេសចិនឲ្យលុបបំបាត់ពន្ធលើកសិផលអាមេរិកភ្លាមព្រោះកិច្ចចរចាពាណិជ្ជកម្មកំពុងតែដំណើរការទៅមុខយ៉ាងរលូន ។ លោកក៏បានពន្យាពេលបង្កើនពន្ធលើផលិតផលចិនមកស្មើ២៥%ផងដែរ ។
លោក ត្រាំ បាននិយាយលើ Twitter របស់លោកថា «ខ្ញុំបានស្នើដល់ប្រទេសចិនឲ្យដកពន្ធទាំងអស់លើកសិផលរបស់ពួកយើង(ដែលរួមមានសាច់គោ ជ្រូក ។ល។) ព្រោះពួកយើងកំពុងតែដើរទៅមុខយ៉ាងរលូនជាមួយនឹងកិច្ចចរចាពាណិជ្ជកម្ម» ។
រដ្ឋមន្ត្រីកសិកម្មអាមេរិកគឺលោក Sonny Perdue បាននិយាយកាលពីសប្តាហ៍មុនថា អ្នកចរចាពាណិជ្ជកម្មអាមេរិកបានស្នើដល់ប្រទេសចិនឲ្យកាត់បន្ថយពន្ធលើអេតាណុលអាមេរិកទៀតផង ប៉ុន្តែវាមិនទាន់ច្បាស់នៅឡើយទេថាប្រទេសចិននឹងសម្របតាម ។
លោក Guo Weimin ដែលជាអ្នកនាំពាក្យរបស់ក្រុមប្រឹក្សាសភាចិនបាននិយាយថា «ការដែលប្រទេសចិន និងសហរដ្ឋអាមេរិកសម្រេចកិច្ចព្រមព្រៀងដែលផ្តល់អត្ថប្រយោជន៍ដល់ភាគីទាំងសងខាង ឬកិច្ចព្រមព្រៀងឈ្នះឈ្នះក្នុងពេលឆាប់ៗនេះមិនល្អសម្រាប់ប្រទេសទាំងពីរទេ ប៉ុន្តែវាគឺជាព័ត៌មានល្អសម្រាប់សេដ្ឋកិច្ចពិភពលោក»។
គួរបញ្ជាក់ផងដែរថា កសិករគឺជាអ្នកគាំទ្រដ៏សំខាន់របស់គណបក្សសាធារណរដ្ឋរបស់លោកប្រធានាធិបតី ត្រាំ ហើយសង្គ្រាមពាណិជ្ជកម្មរវាងអាមេរិក និងប្រទេសចិនបានបង្កផលប៉ះពាល់យ៉ាងខ្លាំងលើកសិករទាំងនេះ ។ ប្រទេសចិនបានដាក់ពន្ធលើសណ្តែកសៀង គ្រាប់ធញ្ញជាតិ ផ្លែស្តៅ សាច់ជ្រូក និងកសិផលផ្សេងៗទៀតកាលពីឆ្នាំមុន ធ្វើឲ្យការនាំចេញកសិផលអាមេរិកទៅកាន់ប្រទេសចិនធ្លាក់ចុះយ៉ាងខ្លាំង ។
សហរដ្ឋអាមេរិកមានគម្រោងបង្កើនពន្ធពី១០%មកស្មើ២៥%លើផលិតផលនាំចូលពីប្រទេសចិន ប៉ុន្តែបន្ទាប់ពីកិច្ចចរចាជាមួយនឹងប្រធានាធិបតី ស៊ី ជីនពីង (Xi Jinping) រដ្ឋាភិបាលលោកប្រធានាធិបតី ត្រាំ ក៏បានអនុញ្ញាតឲ្យមានការពន្យាពេលនៃការបង្កើនពន្ធទាំងនោះ ៕
ប្រភព ៖ Rueters
ចែករំលែកព័តមាននេះ