មានមនុស្សជិត៧លាននាក់ដែលប្រើប្រាស់ហ្វេសប៊ុកនៅក្នុងប្រទេសកម្ពុជា ។ យោងតាមទិន្ន័យស្តីពីប្រជាប្រិយភាពនៅលើហ្វេសប៊ុកនៅក្នុងប្រទេសកម្ពុជាបានបង្ហាញថា សម្តេចហ៊ុន សែនក្លាយជាជើងឯកដោយទំព័រហ្វេសប៊ុករបស់សម្តេចមានចំនួន Likes រហូតដល់ជាង១១លាន ។
វេបសាយ socialbakes.com ដែលនិយាយអំពីទិន្ន័យហ្វេសប៊ុកបានអោយដឹងថា អ្នកនយោបាយកម្ពុជាពីររូបមានប្រជាប្រិយភាពខ្លាំងជាងគេ នៅលើបណ្តាញហ្វេសប៊ុក គឺសម្តេចហ៊ុនសែន និងលោកសម រង្ស៊ី ។ ប៉ុន្តែហ្វេសប៊ុករបស់សម្តេចតេជោ ហ៊ុនសែន មានប្រជាប្រិយភាពខ្លាំងជាងហ្វេសប៊ុករបស់លោកសម រង្ស៊ី ដោយហ្វេសប៊ុកសម្តេចមានជាង១១លាន likes ខណៈសម រង្ស៊ី មានជាង៥លាន likes ។
ទំព័រហ្វេសប៊ុកដែលពេញនិយមជាងគេបំផុតនៅកម្ពុជាទាំងដប់ រួមមានហ្វេសប៊ុករបស់សម្តេចតេជោ ហ្វេសប៊ុកសម រង្ស៊ី ហ្វេសប៊ុកកោះសន្តិភាព ហ្វេសប៊ុកប្រលោមលោក Sabay ហ្វេសប៊ុកសុខសុភាព ហ្វេសប៊ុក Post Khmer ហ្វេសប៊ុកអាស៊ីសេរី ហ្វេសប៊ុកវីអូអេ ហ្វេសប៊ុក Khmerload និងហ្វេសប៊ុក អ៊ាង សុផល្លែត ៕
ចែករំលែកព័តមាននេះ