រាជធានីភ្នំពេញ ៖ សម្តេចតេជោ ហ៊ុន សែន នាយរដ្ឋមន្ត្រីបានបញ្ជាក់ថា គ្មានការចរចាផ្នែកនយោបាយណាមួយសម្រាប់អតីតមន្ត្រីគណបក្សប្រឆាំងដែលចង់ឲ្យបាននីតិសម្បទាផ្នែកនយោបាយឡើង ក្រៅពីការស្នើសុំដោយខ្លួនឯងនោះទេ សម្តេចតេជោបានថ្លែងក្នុងពិធីបើក ការដ្ឋានសាងសង់សំណង់ផ្សេងៗ ក្នុងគម្រោងការពារទឹកជំនន់ និងកែលម្អប្រព័ន្ធប្រឡាយ-លូ ក្នុងរាជធានីភ្នំពេញ ជំហានទី៤ នាព្រឹកថ្ងៃទី៤ ខែមីនា ឆ្នាំ២០១៩ បានបញ្ជាក់ថា គ្មានត្រូវចរាច រណ៍ផ្នែកនយោបាយសម្រាប់បើកផ្លូវឲ្យអតីតបក្សប្រឆាំងមានសិទ្ធិធ្វើនយោបាយនោះទេ គឺត្រូវទុកសិទ្ធិឲ្យតុលាការកាត់ក្តីសម្រាប់អ្នកដែលត្រូវបានចាប់ខ្លួន និងកំពុងដាក់ក្រោមការត្រួត ពិនិត្យរបស់តុលាការ នេះជាសារនយោបាយជាក់លាក់ តែហ៊ុន សែន មិនអាចធ្វើផ្ទុយពីនេះ ។
សម្តេចតេជោបានបញ្ជាក់ថា «ខ្ញុំសូមឲ្យសារទៅអ្នកទាំងឡាយដែលលើកមតិនេះ លើកមតិនោះ សុំអ្នកត្រូវចាំថា សិទ្ធិចុះហត្ថលេខានៅលើដៃ ហ៊ុន សែន បើអ្នកប្រហើន ហើយវាយតម្លៃខុស សូម្បីតែដាក់១៥នាក់ មកត្រូវដោយសរសេរលិខិតម្នាក់មួយៗតាមការណែនាំរបស់ក្រសួងមហាផ្ទៃ ។ ប៉ុន្តែក្នុងចំណោម១៥នាក់មានមនុស្ស២នាក់ជាមនុស្សក្បាលរឹង ហើយ ប្រឆាំងជាមួយសាលដីកាតុលាការ ខ្ញុំនឹងអាចទាត់ចោល២នាក់ចេញ» ។ សម្តេចក៏បានលើកឡើងថា នៅពេលដែលអតីតមន្ត្រីបក្សប្រឆាំងមិនទាន់ទទួលបាននីតិសម្បទានយោបាយ ហើយធ្វើនយោបាយនោះនឹងខុសច្បាប់ ។ នេះមិនមែនជាបង្ក្រាប់ខាងនយោបាយនោះទេ ប៉ុន្តែជាការពង្រីកលំហនយោបាយសម្រាប់ដំណើរប្រជាធិបតេយ្យ សេរីពហុបក្ស និងនីតិរដ្ឋ ។
សម្តេចលើកឡើងទៀតថា ក្នុងច្បាប់ស្តីពីពន្ធនាគារបានផ្តល់សិទ្ធិឲ្យនាយករដ្ឋមន្ត្រីលើកលែងទោសដល់ទណ្ឌិតពេលនាក៏បានដែរ ប៉ុន្តែក្នុងច្បាប់ស្តីពីគណបក្សនយោបាយមិនបានបើកច្រកណាមួយសម្រាប់នាយករដ្ឋមន្ត្រីស្នើទៅព្រះមក្សត្រ ដើម្បីផ្តល់នីតិសម្បទានយោបាយឡើងវិញបានទេ ។ ដូច្នេះហើយបានជារាជរដ្ឋាភិបាលធ្វើវិសោធនច្បាប់ស្តីពីគណបក្សនយោ បាយ បើច្រកសម្រាប់ធ្វើនីតិសម្បទាដែលត្រូវស្នើដោយរដ្ឋមន្ត្រីក្រសួងមហាផ្ទៃស្នើទៅនាយករដ្ឋមន្ត្រី ហើយនាយករដ្ឋមន្ត្រីស្នើថ្វាយព្រះមហាក្សត្រ ។ សម្តេចក៏លើកឡើងទៀតថា មានមនុស្សចំនួនបានដាក់លលក្ខខណ្ឌថា សុំឲ្យដោះលែងមេរបស់គេទើបគេសុំសិទ្ធិធ្វើនយោបាយ ។ សម្តេចបញ្ជាក់ថា«យើងបានធ្វើសម្រាប់មនុស្ស៣នាក់ ហើយឥឡូវនេះមានមនុស្សមួយចំនួនបានកំពុងរត់ការ ប៉ុន្តែគេបែរថា ចាំៗ ហើយក៏មានមនុស្សចំនួនឆ្លើយថា ឲ្យ ដោះមេគេមុនទៅគេនឹងធ្វើ » ៕
ចែករំលែកព័តមាននេះ