រាជធានីភ្នំពេញ ៖ ទោះបីជាមិនបានបញ្ជាក់ចំនួនប៉ុន្មានរូបយ៉ាងណាក្តី អ្នកនាំពាក្យគណបក្សប្រជាជនកម្ពុជាលោកសុខ ឥសានអះអាងថា អតីតក្រុមប្រឆាំងខ្លះកំពុងតែរៀបចំត្រៀមខ្លួនដាក់ពាក្យសុំទទួលនីតិសម្បទាធ្វើនយោបាយឡើងវិញ ។ ការត្រៀមខ្លួននេះត្រូវអ្នកនាំពាក្យគណបក្សប្រជាជនកម្ពុជា(CPP)បានអះអាងថាក្រុមប្រឆាំងកំពុងតែជ្រួលច្របល់ដោយសារតែមេបក្សខ្លួនបានប្រកាសមិនចូលស្រុកតាមសន្យា និងការភ្នាល់នោះទេ ។…
រាជធានីភ្នំពេញ ៖ ទោះបីជាមិនបានបញ្ជាក់ចំនួនប៉ុន្មានរូបយ៉ាងណាក្តី អ្នកនាំពាក្យគណបក្សប្រជាជនកម្ពុជាលោកសុខ ឥសានអះអាងថា អតីតក្រុមប្រឆាំងខ្លះកំពុងតែរៀបចំត្រៀមខ្លួនដាក់ពាក្យសុំទទួលនីតិសម្បទាធ្វើនយោបាយឡើងវិញ ។ ការត្រៀមខ្លួននេះត្រូវអ្នកនាំពាក្យគណបក្សប្រជាជនកម្ពុជា(CPP)បានអះអាងថាក្រុមប្រឆាំងកំពុងតែជ្រួលច្របល់ដោយសារតែមេបក្សខ្លួនបានប្រកាសមិនចូលស្រុកតាមសន្យា និងការភ្នាល់នោះទេ ។
លោកសុខ ឥសាន បានឲ្យដឹងតាមប្រព័ន្ធតេឡេក្រាមថា«ពួកឧទ្ទាមក្រៅច្បាប់ដែលកំពុងភៀសខ្លួននៅឯនាយសមុទ្រ បាននិងកំពុងបែកបាក់គ្នាយ៉ាងស្រួចស្រាល់ និងកំពុងជ្រួលច្របល់យ៉ាងខ្លាំងដោយសារអ្នកខ្លះចង់ទៅទទួលលោកប្រធានកំសាក តែទណ្ឌិតប្រធានមិនហ៊ានចូលស្រុក ។ អ្នកខ្លះកំពុងត្រៀម ខ្លួនដាក់ពាក្យសុំទទួលបាននីតិសម្បទាធ្វើនយោបាយឡើងវិញ អ្នកខ្លះកំពុងអត់លុយហូបបាយនៅបរទេសចង់វិលចូលស្រុកវិញ តែនៅអល់អែកក្នុងចិត្ត អ្នកខ្លះនៅដើររៃអង្គាសលុយកាក់ឲ្យ បានគ្រប់៣០ម៉ឺនដុល្លារតាមផែនការ ខ្លះទៅដើរញុះញង់ប្រជន និងកងទ័ពឲ្យបះបោរប្រឆាំងនឹងរាជរដ្ឋាភិបាលកម្ពុជា តែរង់ចាំមិនឃើញអ្នកណាងើបឡើងសោះ ។
លោកប្រធាន(សម រង្ស៊ី)នៅតែស្រែកថាខ្លាំងៗ ! ខ្លាំងរហូតដល់ដល់បែកបាក់គ្នា ខ្ទេចខ្ទីអស់គ្មានសល់ទាំងនៅក្នុងប្រទេស និងនៅក្រៅប្រទេស រហូតមកដល់ធ្វើជាគ្រូទាយប្រឌិតរឿងចង់ឲ្យដៃគូប្រកួតស្លាប់ ។
តែគួរឲ្យចង់ឲ្យអស់សំណើចណាស់ ពួកឧទ្ទាមក្រៅច្បាប់កំពុងត្រដរខ្យល់ឈានទៅងាប់តៃហោងនាេពល ឆាប់ៗខាងមុខនេះហើយ នៅតែក្រអឺតក្រទមទៀត ដើម្បីបិទបាំងការបរាជ័យរបស់ខ្លួន »។
លោកសុខ ឥសាន ក៏បានចំអកទៅកាន់លោកសម រង្ស៊ី ដែលមិនហ៊ានចូលស្រុកផងដែរ ។ លោកថាក្រោយពេលដែលឮសម្តេចតេជោហ៊ុន សែន ចាត់វិធានការម៉ុងម៉ាត់ចំពោះទណ្ឌិតរត់ចោលស្រុករូបនេះ(សម រង្ស៊ី)បានផ្លាស់ប្តូរចិត្ត ភ្លាមៗមិនហ៊ានចូលក្នុងប្រទេសកម្ពុជាវិញទេ ។ ការផ្លាស់ប្តូរចិត្តរបស់ទណ្ឌិតដែលលែងហ៊ានចូលក្នុងប្រទេសនោះ បានធ្វើឲ្យសហការីជិតស្និទ្ធរបស់ទណ្ឌិតបានធូរស្រាលក្នុងចិត្តដែរ ដោយសារពួកទាំងនេះមិនចង់ចូលក្នុងស្រុកតាមទណ្ឌិតរត់ចោលស្រុកនោះទ តែធ្វើម៉េចបើបានជាដើរតាមលោកប្រធានតាំងពីដើមមកហើយ ។ ដូច្នេះការប្តូរចិត្តរបស់ទណ្ឌិតរត់ចោលស្រុក បានធ្វើឲ្យក្រុមឧទ្ទាមក្រៅច្បាប់បានធូរស្បើយក្នុងអារម្មណ៍ដែលព្រួយបារម្ភពីអនាគតរបស់ខ្លួននៅពេលចូលស្រុកកាមលោកប្រធានរបស់ខ្លួន ។
ចំណែកអ្នកនៅក្នុងប្រទេសកើតការក្តៅ ក្រហាយយ៉ាងខ្លាំង ដែលទណ្ឌិតរត់ចោលស្រុកភូតកុហកចើនពេកទៅហើយ នាំឲ្យអស់សង្ឃឹមលែងខ្វល់អីទៀតហើយ ។ កាលពីថ្ងៃទី២ ខែមីនា ព្រះមហាក្សត្រព្រះករុណាសម្តេចព្រះបរមនាថនរោត្តម សីហមុនី បានផ្តល់នីតិសម្បទានយោបាយឲ្យលោកស៊ីម សុវណ្ណនី ហៅស៊ីម វ៉ាន់នី អតីតមន្ត្រីគណបក្សសង្គ្រោះជាតិ ត្រូវបានហាមឃាត់មិនឲ្យធ្វើសកម្មភាពនយោបាយសម្រាប់រយៈពេល៥ឆ្នាំតាមអំណាចសាលដីការរបស់តុលាការកំពូលចុះថ្ងៃទី១៦ ខែវិច្ឆិកា ឆ្នាំ២០១៧ ៕
ចែករំលែកព័តមាននេះ