ខេត្តបាត់ដំបង ៖ ខ្យល់កន្ក្រាក់បានវាយប្រហារមួយប្រាវទៅលើឃុំចំនួន៥ ក្នុងស្រុកបាណន់ កាលពីម៉ោង
៥ល្ងាចថ្ងៃទី០៣ មីនា បានធ្វើឱ្យលំនៅឋានពលរដ្ឋប្រមាណជិត២០ខ្នង ត្រូវរងការខូចខាត ក្នុងនោះមានចំនូន៤ខ្នង ដួលរាបដល់ដី ថែមទាំងខូចខាតម៉ូតូ និងរបួសមនុស្សម្នាក់ផងដែរ ។ នេះបើតាមសេចក្ដីរាយ
ការណ៍របស់សមត្ថកិច្ច ។
បើតាមសេចក្ដីរាយការណ៍បឋមបានឱ្យដឹងថា ខ្យល់កន្ត្រាក់ដែលមានលាយឡំនឹងភ្លៀងធ្លាក់មួយប្រាវផងបានប៉ះទង្គិចទៅលើឃុំចំនួន៥ នៅក្នុងស្រុកបាណន់ ។ ឃុំទាំង៥នោះ មាន១-ឃុំកន្ទឺ១ រលំផ្ទះ១ខ្នងទាំងស្រុងនៅភូមិស្វាយបីដើម ខូចខាតម៉ូតូ៣គ្រឿង និងរបួសមនុស្សម្នាក់ស្រាល ។ ២-ឃុំឈើទាល រលំផ្ទះ៣ខ្នង ខូចខាតទាំង ៣-ឃុំបាយដំរាំរបើកដំបូលស័ង្កសីអស់ចំនួន៤ខ្នង ។ ៤-ឃុំភ្នំសំពៅ របើកដំបូលស័ង្កសីអស់ចំនួន៥ខ្នង និង៥-ឃុំកន្ទឺ២ របើកដំបូលស័ង្កសីអស់ចំនួន៤ខ្នង ។
បើតាមប្រភពពីអាជ្ញារបានឲ្យដឹងដែរថា ក្រៅពីវាយប្រហារទៅលើលំនៅឋានប្រជាពលរដ្ឋ ខ្យល់ព្យុះរដូវប្រាំងនេះ ក៏បានវាយប៉ើងតូបលក់ដូរអស់ជាច្រើនកន្លែង នៅតំបន់ទេសរណ៍ប្រាសាទបាណន់ផងដែរ ។
សូមបញ្ជាក់ដែរថា នេះមិនមែនជាលើកទី១ទេ ដែលខ្យល់ព្យុះរដូវប្រាំង បានវាយប្រហារមកលើខេត្តបាត់ដំបង។ កាលពីសប្ដាហ៍មុនខ្យល់កន្ត្រាក់នេះបានវាយប្រហារជាបន្តបន្ទាប់ទៅលើស្រុកមួយចំនួននៅក្នុងខេត្តបាត់ដំបង ដែលធ្វើឲ្យលំនៅឋានរបស់ប្រជាពលរដ្ឋយ៉ាងតិចជិត២០០ខ្នងបានរងការខូចខាតរួមទាំងសម្ភារះជាច្រើនទៀត។ នេះបើយោងតាមរបាយការណ៏របស់អាជ្ញាធរកន្លងមក៕ ទោះយ៉ាងណាពេលនេះអាជ្ញាធរនិងមន្ត្រីជំនាញកំពុងចុះពិនិត្យ ដើម្បីដោះស្រាយបឋមហើយ៕
ចែករំលែកព័តមាននេះ