ខេត្តកំពង់ស្ពឺ ៖ បុរសម្នាក់បានស្លាប់មួយរំពេច បន្ទាប់ពីជិះម៉ូតូទៅបុករថយន្តដឹកអំពៅដែលឈប់នៅតាមផ្លូវ ដោយមិនបានដាក់ចំណាំងផ្លាតត្រឹមត្រូវ ។ ក្រោយកើតហេតុតៃកុងរថយន្តបានរត់គេចខ្លួនបាត់ បន្សល់តែវត្ថុតាងនៅកន្កែងកើតហេតុ ចំណែកសពត្រូវសមត្ថកិច្ចប្រគល់ជូនក្រុមគ្រួសារយកទៅធ្វើបុណ្យតាមប្រពៃណី ។…
ខេត្តកំពង់ស្ពឺ ៖ បុរសម្នាក់បានស្លាប់មួយរំពេច បន្ទាប់ពីជិះម៉ូតូទៅបុករថយន្តដឹកអំពៅដែលឈប់នៅតាមផ្លូវ ដោយមិនបានដាក់ចំណាំងផ្លាតត្រឹមត្រូវ ។ ក្រោយកើតហេតុតៃកុងរថយន្តបានរត់គេចខ្លួនបាត់ បន្សល់តែវត្ថុតាងនៅកន្កែងកើតហេតុ ចំណែកសពត្រូវសមត្ថកិច្ចប្រគល់ជូនក្រុមគ្រួសារយកទៅធ្វើបុណ្យតាមប្រពៃណី ។
ករណីគ្រោះថ្នាក់ចរាចរណ៍នេះកើតហេតុ កាលពីវេលាម៉ោង១៨និង៥៩នាទី ថ្ងៃទី០២ ខែមីនា ឆ្នាំ២០១៩ នៅលើផ្លូវលេខ៤៤ ចន្លោះគីឡូម៉ែតលេខ៧៧-៧៨ ស្ថិតនៅភូមិផ្លោច ឃុំត្រពាំជោ ស្រុកឱរ៉ាល់ ខេត្តកំពង់ស្ពឺ ។
ប្រភពពីសមត្ថកិចបានអោយដឹងថា មានករណីគ្រោះថ្នាក់ចរាចរណ៍មួយបានកើតឡើងបង្កដោយរថយន្ដដឹកអំពៅកាត់មួយគ្រឿងម៉ាក HyunDRI ពណ៌ស ទ្រុងលឿង គ្មានស្លាកលេខបានឈប់នៅចំណុចកើតហេតុខាងលើ ដោយពុំបានដាក់ស្លាកសញ្ញា បង្កអោយម៉ូតូមួយគ្រឿងម៉ាកឌ្រីម១២៥ ពណ៌ខ្មៅ ពាក់ស្លាកលេខកំពង់ស្ពឺ 1H-4581បើកបរដោយជនរងគ្រោះឈ្មោះ យ៉េត យ៉ុន ភេទប្រុស អាយុ២៤ឆ្នាំ រស់នៅភូមិថ្នល់បំបែក ឃុំអមលាំង ស្រុកថ្ពង ខេត្តកំពង់ស្ពឺ ក្នុងទិសដៅពីលិចទៅកើតដល់ចំណុចខាងលើបានបុកចំពីក្រោយរថយន្ដ បណ្ដាលអោយជនរងគ្រោះស្លាប់នៅនឹងកន្លែងកើតហេតុ ។ ចំណែកអ្នកបើកបររថយន្ដបង្កបានរត់គេចខ្លួនបន្សល់បាត់ទុកនៅវត្ថុតាងនៅចំណុចខាងលើ ។
ប្រភពបន្តថា ក្រោយបំពេញកំណត់ហេតុវត្ថុតាងត្រូវបានសមត្ថកិច្ចជំនាញយកមករក្សាទុកនៅអធិការដ្ឋាននគរបាលស្រុកឱរ៉ាល់ ដើម្បីចាត់ការទៅតាមនីតិវិធី ដោយឡែកសពជនរងគ្រោះ
ត្រូវបានជំនាញប្រគល់ជូនសាច់ញាតិធ្វើបុណ្យតាមប្រពៃណី ៕
ចែករំលែកព័តមាននេះ