ADផ្ទាំងផ្សព្វផ្សាយពាណិជ្ជកម្ម

រន្ធត់ណាស់! បុករះស្លា.ប់៣នាក់នៅចំណុចមុខវាំង

5 ឆ្នាំ មុន

ភ្នំពេញ
០៣ ខែ មីនា ឆ្នាំ ២០១៩ ម៉ោង ១៥:២៩

រាជធានីភ្នំពេញ ៖ យ៉ាងហោចណាស់បុរសជាភ្ញៀវទេសចរណ៍ជនជាតិហូឡង់ចំនួន២នាក់បានស្លាប់បាត់បង់ជីវិតយ៉ាងអាណោចអាធ័មភ្លាមៗនៅនឹងកន្លែង ចំណែកឯបុរសជាអ្នកបើកម៉ូតូរ៉ឺម៉កកង់បីម្នាក់ទៀតបានស្លាប់ពេលដែលបញ្ជូនទៅកាន់មន្ទីរពេទ្យកាល់ម៉ែត ក្នុងគ្រោះថ្នាក់ចរាចរណ៍រវាងរថយន្តស៊េរីទំនើបមួយគ្រឿងម៉ាកឡិចស៊ីស RX330 ដែលបើកបរដោយបុរសម្នាក់ក្នុងសភាពស្រវឹងជោគបើកបោះពួយក្នុងល្បឿនយ៉ាងលឿនក្នុងទិសដៅបញ្ច្រាសគ្នាទៅបុករ៉ឺម៉កម៉ូតូកង់បីមួយគ្រឿង និងម៉ួតូមួយគ្រឿងម៉ាកគុបទៀតនោះ។ ករណីគ្រោះថ្នាក់ចរាចរណ៍ខាងលើនេះដែរបានបង្កការភ្ញាក់ផ្អើលកាលពីវេលាម៉ោង២និង៣០នាទីយប់រំលងអធ្រាត្រឈានចូលថ្ងៃទី២ ខែមីនា…

ករណីគ្រោះថ្នាក់ចរាចរណ៍ខាងលើនេះដែរបានបង្កការភ្ញាក់ផ្អើលកាលពីវេលាម៉ោង២និង៣០នាទីយប់រំលងអធ្រាត្រឈានចូលថ្ងៃទី២ ខែមីនា ឆ្នាំ២០១៩ នៅផ្លូវព្រះស៊ីសុវត្ថិ កែងផ្លូវលេខ១៨៤ មុខព្រះបរមរាជវាំង ក្នុងសង្កាត់ជ័យជំនះ ខណ្ឌដូនពេញ។

ប្រភពព័ត៌មានពីនគរបាលបានប្រាប់ឱ្យដឹងថា រថយន្តស៊េរីទំនើបមួយគ្រឿងខាងលើម៉ាកឡិចស៊ីស RX330 ពណ៌ខ្មៅ ពាក់ស្លាកភ្នំពេញ ២AX-៥៨៥៣ បើកបរដោយឈ្មោះ ហ៊ែល វណ្ណៈ ភេទប្រុស អាយុ៣០ឆ្នាំ មុខរបរជាអាជីវករ មានទៅលំនៅភូមិមានលាភ សង្កាត់សុខដុម ស្រុកសែនមនោរម្យ ខេត្តមណ្ឌលគីរី ត្រូវសមត្ថកិច្ចចាប់ឃាត់ខ្លួន។

ចំណែកជនរងគ្រោះទាំង៣នាក់ដែលស្លាប់រួមមាន ១-ឈ្មោះ ARTTU JOHANNES HIETA ភេទប្រុស អាយ៣៣ឆ្នាំ ២-ឈ្នោះLASSE MIKAEL APAJASALMI ភេទប្រុស អាយុ៣៣ឆ្នាំ (ជនរងគ្រោះទាំងពីរនាក់ជាអ្នកទេសចរណ៍ និងជាជនជាតិហូឡង់ដូចគ្នា) និង ៣-ឈ្មោះ យឹម ស៊ីផុន ភេទប្រុស អាយុ៣១ឆ្នាំ ជនជាតិខ្មែរ មុខរបរត់មូតួរ៉ឺម៉កកង់បី រស់នៅភូមិអូរបាក់ត្រា ឃុំត្រងិល ស្រុកភ្នំក្រវាញ ខេត្តពោធិសាត់។

ប្រភពព័ត៌មានដដែលបានឱ្យដឹងថា មុនពេលកើតហេតុ គេបានឃើញរថយន្តស៊េរីទំនើបម៉ាក Lexus RX330 បើកបរដោយបុរសម្នាក់ក្នុងល្បឿនលឿនតាមបណ្ដោយផ្លូវព្រះស៊ីសុវត្ថិ ក្នុងទិសដៅពីត្បូងទៅជើង លុះមកដល់ចំណុចកើតហេតុខាងលើស្រាប់តែរថយន្តស៊េរីទំនើបម៉ាកLexus RX330 មួយគ្រឿងនោះរេចង្កូតមកខាងឆ្វេងដៃជ្រុលទៅបុកម៉ូតូរ៉ឺម៉កកង់បីមួយគ្រឿងដែលបុរសជនជាតិខ្មែរម្នាក់កំពុងតែបើកបរមានដឹកបុរសជាជនបរទេស២នាក់ជាភ្ញៀវទេសចរណ៍ដើរលេងពេលយប់ ដែលធ្វើដំណើរបញ្ច្រាសទិសគ្នាចំពីមុខពេញទំហឹង និងបន្តទៅបុកម៉ូតូម៉ាកមួយគ្រឿងទៀតគុបជ្រុង ពណ៌ទឹកប៊ិច ពាក់ស្លាកលេខ ប ៣៩៧៥ ដែលម្ចាស់ចតទុកចោលអូសជាច្រើនម៉ែត្រផងដែរ។

តាមប្រភពដដែលបានប្រាប់បន្តទៀតថា ក្នុងហេតុការណ៍នោះបណ្តាលឱ្យបុរសជាភ្ញៀវទេសចរណ៍ជនជាតិហូឡង់ទាំង២នាក់បានស្លាប់បាត់បង់ជីវិតយ៉ាងអាណោចអាធ័មភ្លាមៗ នៅនឹងកន្លែងកើតហេតុ ចំណែកឯបុរសជាអ្នកបើកម៉ូតួរ៉ឺម៉កកង់បីបានរងរបួសយ៉ាងធ្ងន់ធ្ងរ និងបានស្លាប់ពេលបញ្ជូនយកទៅសង្គ្រោះនៅមន្ទីរពេទ្យកាល់ម៉ែត ។

ក្រោយពេលកើតហេតុ បុរសជាអ្នកបើកបររថយន្តម៉ាកឡិចស៊ីស RX300 ត្រូវបានបញ្ជូនទៅកាន់ការិយាល័យនគរបាលចរាចរណ៍រាជធានីភ្នំពេញ ដើម្បីចាត់ការតាមផ្លួវច្បាប់ជាបន្តទៅទៀត ចំណែកសពជនរងគ្រោះជាជនបរទេស និងជនជាតិខ្មែរទាំង៣នាក់ ក៏ត្រូវបានដឹកយកទៅតម្កល់នៅវត្តស្ទឹងមានជ័យ ដើម្បីប្រគល់អោយក្រុមគ្រួសារមកទទួលយកទៅបុណ្យទៅតាមប្រពៃណីវិញផងដែរ ៕