ខេត្តបាត់ដំបង ៖ សមត្ថកិច្ចបានឲ្យដឹងថា បុរសម្នាក់បានស្លាប់ ដោយសារជិះម៉ូតូជ្រុលទៅបុករថយន្តពេលធ្វើដំណើរក្នុងទិសដៅផ្ទុយគ្នា នៅវេលាម៉ោង១០និង១០នាទីយប់ថ្ងៃទី២៨ កុម្ភៈ ស្ថិតលើផ្លូវជាតិលេខ៥ ត្រង់ចំណុចភូមិជំនីក ឃំុអន្លង់វិល ស្រុកសង្កែ។
សមត្ថកិច្ចបានឲ្យដឹងទៀតថា ជនរងគ្រោះឈ្មោះហុង អង់ អាយុ២៨ឆ្នាំ រស់នៅភូមិផ្អៀង ឃុំកកោះ ស្រុកមោងប្ញស្សី ជិះម៉ូតូម៉ាកហុងដា ពាក់ស្លាកលេខបាត់ដំបង 1GX-7915។ ដោយឡែក រថយន្តម៉ាកកាមរី ពាក់ស្លាកលេខ កំពង់ស្ពឹ 2A-1033 តែអ្នកបើកបរបានរត់គេចខ្លួន ក្រោយកើតហេតុ ។
បើតាមរបាយការណ៍បឋមរបស់សមត្ថកិច្ចថា ករណីគ្រោះថ្នាក់នេះ បង្កឡើងដោយភាគីជិះម៉ូតូ ដែលធ្វើដំណើមិនប្រកាន់ស្តាំ ទើបត្រូវបុកជាមួយរថយន្តពេលធ្វើដំណើរបញ្ច្រាសទិសគ្នា បណ្ដាលឲ្យអ្នកជិះម៉ូតូស្លាប់ ។ រីឯអ្នកបើករថយន្តបានរត់គេចខ្លួនចោលរថយន្តបាត់ទាំងយប់។ ទោះយ៉ាងណាពេលនេះ មន្ត្រីចរាចរណ៍បានចុះវាស់វែងនិងបាននាំយករថយន្ត និងម៉ូតូមករក្សាទុកនៅការិយាល័យចរាចរណ៍ខេត្ត ដើម្បីដោះស្រាយតាមនីតិវិធី ។
ចែករំលែកព័តមាននេះ