តាមប្រភពពី Shanghaiist បានឱ្យដឹងថា បុរសម្នាក់ដែលផឹកស្រាស្រវឹងជោកជាំបានដើរលើខ្សែភ្លើងទាំងមិនដឹងខ្លួនថា កំពុងឆ្ពោះទៅផ្លូវមរណៈនោះ ។ រឿងហេតុនេះ បានកើតឡើងកាលពីថ្ងៃពុធសប្តាហ៍មុន ក្នុងទីក្រុង Fujian ខេត្ត Quanzhou។ គេបានឃើញគាត់ដើរលើខ្សែភ្លើងកម្ពស់ជាង១០ម៉ែត្រពីដី ដែលមានចរន្តអគ្គិសនីកម្រិតខ្ពស់ទៀតផង ។ គ្រាន់តែឃើញបែបនេះភ្លាម ក្រុមអ្នកពន្លត់អគ្គិភ័យនិងជួយសង្គ្រោះបានមកដល់ ដើម្បីដោះស្រាយ។
ឆ្លងកាត់តាមការនិយាយចរចាគ្នា បុរសម្នាក់នោះដែលមិនស្គាល់ឈ្មោះទេ នៅតែមិនព្រមចុះមកតាមសម្រួល ជាមួយនឹងក្រុមសង្គ្រោះ ។ ពួកគេបានទៅចាំបុរសនោះនៅចុងម្ខាងទៀត ដែលមានដើមឈើ។ ជាសំណាងល្អ បុរសស្រវឹងបានដើរទៅដល់ទៅនោះដោយសុវត្ថិភាព ។ គេបានយកគាត់ចុះមកក្រោម ចាប់ដាក់ចូលរថយន្ត ហើយបើកទៅឡើងប៉ុស្តិ៍។
ប៉ុស្តិ៍នេះមិនមែនជាប៉ុស្តិ៍ទូរទស្សន៍ ដើម្បីបង្ហាញភាពអស្ចារ្យអ្វីទេ។ វាគឺជាប៉ុស្តិ៍ប៉ូលីស។ គួរបញ្ជាក់ផងដែរថា នេះមិនមែនជាលើកទីមួយទេ ដែលមានមនុស្សស្រវឹងហើយឡើងដើរលើខ្សែភ្លើងបែបនេះ។ កាលពីខែតុលាឆ្នាំមុន មានបុរសម្នាក់នៅខេត្ត Hebei ធ្វើដូចនេះដែរ ហើយក៏មិនធ្លាក់ស្លាប់ដូចគ្នា ។
គួរបញ្ជាក់ផងដែរថា នេះមិនមែនជាលើកទីមួយទេ ដែលមានមនុស្សស្រវឹងហើយឡើងដើរលើខ្សែភ្លើងបែបនេះ។ កាលពីខែតុលាឆ្នាំមុន មានបុរសម្នាក់នៅខេត្ត Hebei ធ្វើដូចនេះដែរ ហើយក៏មិនធ្លាក់ស្លាប់ដូចគ្នា៕
ចែករំលែកព័តមាននេះ