សហរដ្ឋអាមេរិក-កូរ៉េខាងជើង ៖ លោកដូណាល់ត្រាំនិងលោកគីមជុងអ៊ុនចាប់ផ្ដើមការជួបគ្នាកំពូលលើកទី២ តាមរយៈការចាប់ដៃគ្នា យ៉ាងជិតស្និទ្ធរាក់ទាក់កាលពីយប់ថ្ងៃទី២៧កុម្ភៈនៅក្រុងហាណូយ ហើយមេដឹកនាំទាំង២សម្ដែងសុទិដ្ឋិនិយម លើលទ្ធភាពសម្រេចបានលទ្ធផលល្អប្រសើរថែមទៀត ជាងការជួបគ្នានៅសិង្ហបុរី។ ក្រោយការជួបគ្នានាថ្ងៃទីមួយនោះ សេតវិមានរាយការណ៍ថា…
សហរដ្ឋអាមេរិក-កូរ៉េខាងជើង ៖ លោកដូណាល់ត្រាំនិងលោកគីមជុងអ៊ុនចាប់ផ្ដើមការជួបគ្នាកំពូលលើកទី២ តាមរយៈការចាប់ដៃគ្នា យ៉ាងជិតស្និទ្ធរាក់ទាក់កាលពីយប់ថ្ងៃទី២៧កុម្ភៈនៅក្រុងហាណូយ ហើយមេដឹកនាំទាំង២សម្ដែងសុទិដ្ឋិនិយម លើលទ្ធភាពសម្រេចបានលទ្ធផលល្អប្រសើរថែមទៀត ជាងការជួបគ្នានៅសិង្ហបុរី។
ក្រោយការជួបគ្នានាថ្ងៃទីមួយនោះ សេតវិមានរាយការណ៍ថា លោកត្រាំលើកពីការចរចាដ៏ល្អបំផុត ជាមួយជនលេខមួយកូរ៉េខាងជើងលោកគីមជុងអ៊ុន។ សេតវិមានបញ្ជាក់ថា មេដឹកនាំទាំង២នឹងចូលរួម ក្នុងពិធីចុះហត្ថលេខាលើកិច្ចព្រមព្រៀងរួមមួយនាថ្ងៃទី២៨កុម្ភៈ បន្ទាប់ពីការជួបគ្នាកំពូលរបស់ពួកគេនៅរដ្ឋធានីវៀតណាម។
តាមTWITTERលោកត្រាំបានសរសេរ ក្រោយបញ្ចប់ការជួបគ្នាថ្ងៃទីមួយថា នោះជាការជួបគ្នានិងការរួមតុអាហារពេលល្ងាចជាមួយគ្នា ដ៏ល្អប្រសើរបំផុតជាមួយលោកគីមនៅក្រុងហាណូយ។ យោងតាមសេតវិមានថា លោកត្រាំនិងលោកគីមនាថ្ងៃទី២៨កុម្ភៈត្រូវជួបទល់មុខគ្នារយៈពេល៤៥នាទី បន្ទាប់មកមានកិច្ចប្រជុំបើកទូលាយរបស់បណ្ដាទីប្រឹក្សារបស់មេដឹកនាំទាំង២។
លោកត្រាំញញឹមពព្រាយពេលចាប់ដៃជាមួយលោកគីម នៅសណ្ឋាគារMETROPOLE ក្រុងហាណួយ ដោយនិយាយថាលោកពេញចិត្ត ចំពោះការវិវត្តន៍នៃសភាពការណ៍ ចាប់តាំងពីការជួបគ្នាលើកមុនមក។ ចំណែកលោកគីមវិញបានសន្យាធ្វើ្វអ្វីគ្រប់យ៉ាងតាមដែលលោកអាចធ្វើទៅបាន ដើម្បីឲ្យការចរចាគ្នាសម្រេចបានជោគជ័យតែលោកមិនបញ្ជាក់ពីទិសដៅច្បាស់លាស់មួយឡើយ៕
ចែករំលែកព័តមាននេះ