រឿង សោភ័ណ្ឌ ត្រូវបំពេញលក្ខខណ្ឌចំនួន2សិន បើចង់ទៅប្រកួត
- ភ្នំពេញ
រាជធានីភ្នំពេញ ៖ លោកគ្រូ ហ៊ុន ចាន់រាជ ម្ចាស់ក្លិបប្រដាល់ Cambodia Top Team មានបំណងចង់យកអ្នកប្រដាល់គុនខ្មែរ…
រាជធានីភ្នំពេញ ៖ លោកគ្រូ ហ៊ុន ចាន់រាជ ម្ចាស់ក្លិបប្រដាល់ Cambodia Top Team មានបំណងចង់យកអ្នកប្រដាល់គុនខ្មែរ…
រាជធានីភ្នំពេញ ៖ លោកគ្រូ ហ៊ុន ចាន់រាជ ម្ចាស់ក្លិបប្រដាល់ Cambodia Top Team មានបំណងចង់យកអ្នកប្រដាល់គុនខ្មែរ រឿង សោភ័ណ្ឌ ទៅប្រកួតនៅលើសង្វៀន ONE នេះបើយោងតាមការនិយាយផ្ទាល់នៅលើ Page ផ្លូវការរបស់លោក ។ ជាមួយគ្នានោះលោកក៏បានដាក់លក្ខខណ្ឌចំនួន២ឱ្យរឿង សោភ័ណ្ឌ យល់ព្រមផងដែរមុនទៅប្រកួតក្នុងកម្មវិធីប្រដាល់ដ៏ល្បីលំដាប់ពិភពលោកមួយនេះ ។
លក្ខខណ្ឌទាំង២ដែលលោកគ្រូ ហ៊ុន ចាន់រាជ ដាក់ឱ្យរឿង សោភ័ណ្ឌ ត្រូវតែយល់ព្រមធ្វើ តាមជាមុននោះគឺ៖
១-រឿង សោភ័ណ្ឌ ត្រូវមកហ្វឹកហាត់កន្លែងលោកចំនួន១ខែពេញមិនឱ្យចេញទៅ ណានោះទេដើម្បីបង្កើនសន្ទុះក៏ដូចជាស្គាល់លក្ខខណ្ឌមួយចំនួនរបស់កម្មវិធី ។ ឯការស្នាក់ នៅនិងការហូបចុកលោកគ្រូហ៊ុន ចាន់រាជ ជា អ្នករ៉ាប់រងទាំងអស់។
២-រឿង សោភ័ណ្ឌ ត្រូវសម្រកទម្ងន់ឲ្យមកសល់ត្រឹម៦៥គីឡូ ព្រោះលោក ហ៊ុន ចាន់រាជ យល់ឃើញថា ប្រសិនបើអ្នកប្រដាល់គុនខ្មែររូបនេះពិតជាអាចសម្រកទម្ងន់បានមែននោះនឹងគ្មានអ្នកណាអាចយកឈ្នះបានឡើយ បើយោងទៅលើរបៀបប្រកួតរបស់រឿង សោភ័ណ្ឌ ហើយក្បាច់វ៉ៃរបស់កីឡាកររូបនេះទៀតសោតក៏ត្រូវនឹងទម្រង់ដែលស្ថាប័នប្រដាល់ ONE ចង់បានផងដែរ។
ពាក់ព័ន្ធនឹងការលើកឡើងរបស់លោកគ្រូ ហ៊ុន ចាន់រាជ នេះគេមិនទាន់ឃើញការ ឆ្លើយតបបែបណាពីសំណាក់កីឡាករ រឿង សោភ័ណ្ឌ ជើងខ្លាំងប្រចាំក្លិបមកុដរាជសីហ៍នៅឡើយទេ ។ មានហ្វេនមួយចំនួនយល់ឃើញថា ការទៅប្រកួតនៅ ONE រឿង សោភ័ណ្ឌ ច្បាស់ជាយល់ព្រម តែរឿងសម្រកទម្ងន់មក
នៅត្រឹម៦៥គីឡូនោះប្រហែលជាពិបាកបន្តិច ដោយសារពេលនេះកីឡាកររូបនេះមានទម្ងន់ រហូតដល់ទៅ៦៩គីឡូឯណោះ ។ ជាក់ស្ដែង នៅពេលអ្នកប្រដាល់គុនខ្មែររូបនេះទៅប្រកួតនៅភូមា ក៏ជួបនឹងបញ្ហាសម្រកទម្ងន់នេះដែរ៕
ចែករំលែកព័តមាននេះ