ខេត្តសៀមរាប ៖ លោក ពៅ ពិសិដ្ឋ អភិបាលរងខេត្តថ្លែងក្នុងអង្គសិក្ខាសាលាស្តីពីការជំរុញទីក្រុងសៀមរាបជាទីក្រុងគ្មានផ្សែងបារី នាព្រឹកថ្ងៃទី២៧ ខែកុម្ភៈ ឆ្នាំ២០១៩ រយៈកាលកន្លងមករដ្ឋបាលក្រុងសៀមរាបបានបង្កើតគណៈកម្មការទីក្រុងគ្មានផ្សែងបារីហើយបានរៀបចំសិក្ខាសាលា…
ខេត្តសៀមរាប ៖ លោក ពៅ ពិសិដ្ឋ អភិបាលរងខេត្តថ្លែងក្នុងអង្គសិក្ខាសាលាស្តីពីការជំរុញទីក្រុងសៀមរាបជាទីក្រុងគ្មានផ្សែងបារី នាព្រឹកថ្ងៃទី២៧ ខែកុម្ភៈ ឆ្នាំ២០១៩ រយៈកាលកន្លងមករដ្ឋបាលក្រុងសៀមរាបបានបង្កើតគណៈកម្មការទីក្រុងគ្មានផ្សែងបារីហើយបានរៀបចំសិក្ខាសាលា និង វគ្គបណ្តុះបណ្តាលជាច្រើន ស្តីពីការអនុវត្តច្បាប់ស្តីពីការត្រួតពិនិត្យផលិតផលថ្នាំជក់ដល់ សង្កាត់ទាំង១២, មន្ទីរពាក់ព័ន្ធ, នគរបាល, រួមទាំងម្ចាស់ឬអ្នកគ្រប់គ្រងនៃកន្លែងធ្វើការ និងកន្លែងសាធារណៈ មានដូចជាសណ្ឋាគារ/ផ្ទះសំណាក់ ភោជនីយដ្ឋាន/អាហារដ្ឋាន វត្តអារាម សាលារៀន និងភាគីពាក់ព័ន្ធផ្សេងទៀត ។
សូមបញ្ជាក់ថា ជាក់ស្តែងសង្កាត់ទាំង១២របស់ក្រុងសៀមរាបភាគច្រើនបានដាក់បញ្ចូលគម្រោងទីក្រុងគ្មានផ្សែងបារីក្នុងផែនការសង្កាត់ឆ្នាំតាំងពីឆ្នាំ២០១៧ ។
លោកបានបង្ហាញថា សកម្មភាពអនុវត្តសំខាន់ៗស្តីពីការអនុវត្តច្បាប់ស្តីពីការត្រួតពិនិត្យផលិតផលថ្នាំជក់របស់សង្កាត់ទាំង១២រួមទាំងអាជ្ញាធរពាក់ព័ន្ធគឺបានចុះទៅអប់រំម្ចាស់មូលដ្ឋានអាជីវកម្មនៅក្នុងក្រុងសៀមរាបស្តីពីការហាមជក់បារីនៅកន្លែងធ្វើការ និងកន្លែងសាធារណៈ ការហាមផ្សាយពាណិជ្ជកម្មផលិតផលថ្នាំជក់គ្រប់ទម្រង់ជាដើម ។
ថ្មីៗនេះរដ្ឋបាលក្រុងសៀមរាបបានរៀបចំយុទ្ធនាការជិះកង់ដើម្បីក្រុងសៀមរាបគ្មានផ្សែងបារី និងដំឡើងស្លាកសញ្ញាទូទាំងក្រុងសៀមរាបស្តីអំពីសារព្រមានសុខភាពលើកញ្ចប់បារីការអនុវត្តបរិស្ថានគ្មានផ្សែងបារី ការហាមផ្សាយពាណិជ្ជកម្មផលិតផលថ្នាំជក់គ្រប់ទម្រង់ និងផលប៉ះពាល់នៃការជក់បារី និងការស្រូបផ្សែងបារីពីគេ ៕
ចែករំលែកព័តមាននេះ