ខេត្តសៀមរាប ៖ សេចក្តីរាយការណ៍បានឲ្យដឹងនៅថ្ងៃទី២៧ ខែកុម្ភៈ នេះថា មានក្រុមឈ្មួញកាយយកអាចម៍ដីលក់ស្ទើរដល់ក្បាលប្រេតនៅសង្កាត់ស្រង៉ែ ហើយអាជ្ញាធរពាក់ព័ន្ធហាក់គ្មានវិធានវិការទប់ស្កាត់សោះឡើយ គេសង្ស័យថា ករណីនេះអាចមានការឃុបឃិតគ្នាជាប្រព័ន្ធ ។…
ខេត្តសៀមរាប ៖ សេចក្តីរាយការណ៍បានឲ្យដឹងនៅថ្ងៃទី២៧ ខែកុម្ភៈ នេះថា មានក្រុមឈ្មួញកាយយកអាចម៍ដីលក់ស្ទើរដល់ក្បាលប្រេតនៅសង្កាត់ស្រង៉ែ ហើយអាជ្ញាធរពាក់ព័ន្ធហាក់គ្មានវិធានវិការទប់ស្កាត់សោះឡើយ គេសង្ស័យថា ករណីនេះអាចមានការឃុបឃិតគ្នាជាប្រព័ន្ធ ។
សេចក្តីរាយការណ៍បន្តថា ក្រុមឈ្មួញហ៊ានធ្វើទាំងបំពានបែបនេះទំនងមានមន្ត្រីជំនាញមួយចំនួននៅក្នុងខេត្តសៀមរាបជាអ្នកនៅក្រោយខ្នងដើម្បីផលប្រយោជន៍ជាថ្នូរទៅនឹងការបើកដៃឲ្យឈ្មួញកាយដី ដោយមិនខ្វល់ទៅនឹងការរិះគន់អ្វីទាំងអស់ដែលមានទីតាំងស្ថិតនៅសង្កាត់ស្រង៉ែ ក្រុងសៀមរាប ខាងលិចវត្តចេតីយ៍ ។
ប្រភពព័ត៌មានបានឲ្យដឹងថា ថៅកែរណ្ដៅដីដែលមានអំណាចយ៉ាងធំធេងក្នុងការកាយយកអាចម៍ដីដែលមានជម្រៅរាប់សិបម៉ែត្រនោះគេមិនទាន់ដឹងថា មានឈ្មោះអ្វីពិតប្រាកដនៅឡើយទេ ។
ប៉ុន្តែប្រភពបានទម្លាយថា គឺជាអ្នករកស៊ីផ្នែកកាយយក អាចម៍ដី លក់ នេះជាយូរណាស់មកហើយ ថែមទាំងមានឥទ្ធិពលយ៉ាងខ្លាំង នៅក្នុងអាណាចក្រខេត្តសៀមរាប។មន្ត្រីមួយចំនួននៅខេត្តសៀមរាប ក៏អាចកោតខ្លាចញញើតមិនហ៊ានធ្វើការប៉ះពាល់ទៅនឹងថៅកែរណ្ដៅដីនោះដែរ ។ ព័ត៌មានពិស្តារមានផ្សាយនៅលើកាសែត កោះសន្តិភាព ៕
ចែករំលែកព័តមាននេះ