ការបញ្ចូលថ្មដោយមិនប្រើខ្សែ ឬបែប Wireless កើតមានឡើងជាយូរមកហើយ ប៉ុន្តែវាមិនទាន់មានប្រជាប្រិយភាពខ្លាំងនៅឡើយទេ ព្រោះតែមានចំណុចខ្វះខាតជាច្រើនដូចជាល្បឿននៃការបញ្ចូលថ្មជាដើម។
ការមិនចាំបាច់ស្វែងរកខ្សែដើម្បីដោតចូលទូរស័ព្ទរបស់អ្នកគឺជាចំណុចល្អមួយជាពិសេសពេលដែលវាងងឹតហើយអ្នកមិនចង់ដាស់រំខានអ្នកនៅជុំវិញខ្លួន។ ប៉ុន្តែជាមួយគ្នានេះផងដែរ មានមនុស្សកាន់តែច្រើនបានសួរមកថាតើការបញ្ចូលថ្មដោយបែបនេះអាចប៉ះពាល់ដល់ថ្មទូរស័ព្ទឬទេ?
លោក Daniel Abraham ដែលជាអ្នកវិទ្យាសាស្ត្រម្នាក់នៅ Argonne Laboratory បានប្រាប់ទៅគេហទំព័រ Digital Trends ថា ប្រសិនបើអ្នកមិនចង់កាត់បន្ថយអាយុកាលថ្ម និងអាចប្រើទូរស័ព្ទបានយូរជាងមុនដោយមិនចាំបាច់បញ្ចូលថ្មច្រើនដង អ្នកគួរតែកាត់បន្ថយកម្លាំងទាញរបស់ម៉ាស៊ីន។
កម្មវិធីដែលតែងតែបញ្ជូនទិន្នន័យទាំងដែលអ្នកមិនបើកដំណើរការវា ឬការដែលនៅតំបន់ដែលមិនមានសេវាទូរស័ព្ទខ្លាងអាចប៉ះពាល់ដល់អាយុកាលថ្មទូរស័ព្ទរបស់អ្នកបាន។
បើទោះជាមិនទាន់មានភ័ស្តុតាងគ្រប់គ្រាន់បង្ហាញថា ការបញ្ចូលថ្មបែប Wireless អាចកាត់បន្ថយអាយុកាលថ្មទូរស័ព្ទលឿនជាងការបញ្ចូលថ្មដោយប្រើខ្សែក៏ពិតមែន យើងក៏ត្រូវតែទទួលស្គាល់ចំណុចល្អៗដែលផ្តល់ជូនដោយការបញ្ចូលថ្មបែប Wireless ដែរ ។
ឧទាហរណ៍ដូចជាអ្នកមិនចាំបាច់ព្រួយបារម្ភពីការដាច់ខ្សែជាដើម ហើយអ្នកអាចប្រើវាបានយ៉ាងងាយតាមសណ្ឋាគារ លើយានយន្ត និងក្នុងភោជនីយដ្ឋានជាដើម ។ ប៉ុន្តែបើអ្នកបញ្ចូលថ្មដោយវិធីនេះអ្នកគួរតែយល់ដឹងពីសីតុណ្ហភាពទូរស័ព្ទផងដែរ ។ ទូរស័ព្ទភាគច្រើនឡើងកម្តៅពេលដែលអ្នកបញ្ចូលថ្មបែប Wireless និងជាពិសេសពេលដែលអ្នកបញ្ចូលថ្មដោយមាន Case ។
ថ្មទូរស័ព្ទភាគច្រើនត្រូវបានប៉ះពាល់ពីសីតុណ្ហភាពដូច្នេះអ្នកគួរតែពិនិត្យមើលថាឆ្នាំងបញ្ចូលថ្មរបស់អ្នកមានការទទួលស្គាល់ច្បាស់លាស់ឬទេ ៕
ប្រភព ៖ digitaltrends
ចែករំលែកព័តមាននេះ