ខេត្តកណ្តាល ៖ បន្ទាប់ពីមានការរិះគន់ពីសំណាក់ប្រជាពលរដ្ឋ និងមានការព្រមានពីសំណាក់លោកឧត្តមសេនីយទោ អ៊ាវ ចំរើន ស្នងការនគរបាលខេត្តកណ្តាលរួចមកនៅថ្ងៃទី២៦ ខែកុម្ភៈ ឆ្នាំ២០១៩ វេលាម៉ោង០៩និង០០នាទី…
ខេត្តកណ្តាល ៖ បន្ទាប់ពីមានការរិះគន់ពីសំណាក់ប្រជាពលរដ្ឋ និងមានការព្រមានពីសំណាក់លោកឧត្តមសេនីយទោ អ៊ាវ ចំរើន ស្នងការនគរបាលខេត្តកណ្តាលរួចមកនៅថ្ងៃទី២៦ ខែកុម្ភៈ ឆ្នាំ២០១៩ វេលាម៉ោង០៩និង០០នាទី នៅអធិការដ្ឋាននគរបាលក្រុងតាខ្មៅ ក្រោមវត្តមានលោកវរសេនីយស កែវពិសិដ្ឋ អធិការនគរបាលក្រុងតាខ្មៅ បានបើកកិច្ចប្រជុំវិសាមញ្ញស្ដីពិការចុះបង្ក្រាបល្បែងស៊ីសងគ្រប់ប្រភេទក្នុងក្រុងតាខ្មៅ និងមានការចូលរួមពីលោកអធិការរងទទួលការងារយុត្តិធម៌ លោកអធិការរងទទួលការងារសេនាធិការ លោកនាយផ្នែកជំនាញព្រហ្មទណ្ឌលោកនាយប៉ុស្ដិ៍រដ្ឋបាលទាំង៦ ។
ក្នុងកិច្ចប្រជុំនេះលោកវរសេនីយ ស កែវពិសិដ្ឋ អធិការនគរបាលក្រុងតាខ្មៅបានមានប្រសាសន៍ថា ក្នុងផ្នែកជំនាញយុត្តិធម៌ និងកម្លាំងប៉ុស្ដិ៍រដ្ឋបាលទាំង៦សហការគ្នាចុះស្រាវជ្រាវ បង្ក្រាបល្បែងស៊ីសងគ្រប់ប្រភេទតាមដានចាំចាប់ក្រុមជនស៊ីវិលចុះធ្វើសកម្មភាពអោយអ្នកកត់ឆ្នោតកត់អោយក្រុមខ្លួន និងប្រគល់ភារកិច្ចបង្កើតក្រុមការងារបង្ការបង្ក្រាបល្បែងស៊ីសងគ្រប់ប្រភេទដែលមានលោកវរសេនីយត្រី ចំរើន បញ្ញា អធិការរងក្រុងតាខ្មៅជាប្រធាន ។
សូមរំលឹកថា ល្បែងកន្ទុយលេខនៅក្នុងក្រុងតាខ្មៅមួយរយៈនេះ គេសង្កេតឃើញថា មាននគរបាលបង្ក្រាបច្រើនតែការបង្ក្រាបនេះដូចជា បង្ក្រាបតែទីតាំងកត់តូចតាច ហើយកន្លែងផ្សេងទៀតដូចជា មិនញញើតសមត្ថកិច្ចសោះ ហើយថែមទាំងនិយាយថា មិនខ្លាចទេបានចាត់ចែងរួចអស់ហើយ ៕
ចែករំលែកព័តមាននេះ