ខេត្តបាត់ដំបង ៖ អនុព័ន្ធយោធាបណ្តាប្រទេសប្រចាំព្រះរាជាណាចក្រកម្ពុជាបានចុះទស្សនៈកិច្ចនៅក្នុងតំបន់យោធភូមិភាគទី៥ កាលពីវេលារសៀលថ្ងៃទី២៥ ខែកុម្ភៈ ឆ្នាំ២០១៩ នៅទីបញ្ជាការយោធភូមិភាគទី៥ ដែលមានការទទួលស្វាគមន៍ពីលោកឧត្តមសេនីយ៍ឯក ប៊ុន សេង…
ខេត្តបាត់ដំបង ៖ អនុព័ន្ធយោធាបណ្តាប្រទេសប្រចាំព្រះរាជាណាចក្រកម្ពុជាបានចុះទស្សនៈកិច្ចនៅក្នុងតំបន់យោធភូមិភាគទី៥ កាលពីវេលារសៀលថ្ងៃទី២៥ ខែកុម្ភៈ ឆ្នាំ២០១៩ នៅទីបញ្ជាការយោធភូមិភាគទី៥ ដែលមានការទទួលស្វាគមន៍ពីលោកឧត្តមសេនីយ៍ឯក ប៊ុន សេង មេបញ្ជាការរងកងទ័ពជើងគោក មេបញ្ជាការយោធភូមិភាគទី៥ លោកឧត្តមសេនីយ៍ទោ ឯក សំអូន មេបញ្ជាការរង នាយសេនាធិការយោធភូមិភាគទី៥ ព្រមទាំងមេបញ្ជាការតំបន់ប្រតិបត្តិការសឹករងទាំង៤ខេត្តរួមមាន ខេត្តបាត់ដំបង ខេត្តពោធិសាត់ ខេត្តបន្ទាយមានជ័យ និងខេត្តប៉ៃលិន ព្រមទាំងមេបញ្ជាការកងពលទាំងអស់ចំណុះយោធភូមិភាគទី៥បានចូលរួម ។
ចំណែកអនុព័ន្ធយោធាប្រចាំកម្ពុជាមាន លោកវរៈសេនីយ៍ឯក សារ៉ាយុទ្ធ ប៊ុនជឺ (សារ៉ាយុត ប៊ុនជឺ) តំណាងប្រទេសថៃបានដឹកនាំមានប្រទេសមកចូលរួមគឺ ប្រទេសបង់ក្លាដែស ប្រទេសមីយ៉ាន់ម៉ា ប្រទេសញូវសេឡែន ប្រទេសឥណ្ឌូនេស៊ី ប្រទេសអូស្ត្រាលី ប្រទេសហ្វីលីពីន ប្រទេសរុស្សី និងប្រទេសអាមេរិក ព្រមទាំងមន្ត្រីតំណាងប្រទេសកម្ពុជា ដើម្បីស្វែងយល់អំពីសភាពការណ៍រួមក្នុងទិសយោធភូមិភាគទី៥នេះ ។
លោកឧត្តមសេនីយ៍ឯកប៊ុន សេង បានមានមតិស្វាគមន៍ និងបង្ហាញអំពីសភាពការណ៍ទូទៅ និងលក្ខណៈភូមិសាស្ត្រដែលមានខ្សែបន្ទាត់ព្រំដែនជាមួយប្រទេសថៃ ហើយបានរួមគ្នាធ្វើកិច្ចសហប្រតិបត្តការរួមគ្នា សំខាន់ផ្តោតលើរក្សាសន្តិសុខជូនប្រជាពលរដ្ឋទាំងសងសខាងកំពុងរកស៊ី រស់នៅជាមួយគ្នាឲ្យមានក្តីសុខកន្លងមក ហើយកំពុងជំរុញវិស័យសេដ្ឋកិច្ចឲ្យមានការអភិវឌ្ឍបន្ថែមទៀតតាមការរីកចំរើននៅតាមខ្សែបន្ទាត់ព្រំដែនសន្តិភាពដែលមានជាយូរមកហើយនេះ ។
លោកឧត្តមសេនីយ៍ឯកបានបន្តទៀតថា អនុព័ន្ធយោធាប្រចាំកម្ពុជា បានមកស្វែងយល់ពេលនេះ គឺចំពេលនៃការកែទំរង់ក្នុងជួរកងទ័ពក្នុងអណត្តទី៦ ដើមឆ្នាំ២០១៩នេះ ដោយបានកំពុងអនុវត្តន៍តាមគោលនយោ
បាយរបស់ក្រសួងការពារជាតិ បានជំរុញលើកស្ទួយគុណភាពកងទ័ពឲ្យកាន់តែមានភាពល្អប្រសើឡើងបន្ថែមទៀត សំខាន់ផ្លាស់ប្តូរមេដឹកនាំក្នុងយោធភូមិភាគទី៥ ក្នុងតំបន់ប្រតិបត្តិការសឹករងបន្ទាយមានជ័យ ក្នុងកងពលលេខ៥១ ឲ្យកាន់តែមានប្រសិទ្ធភាព និងគុណភាពបន្ថែមទៀតក្នុងកាតព្វកិច្ចការពារ កសាងអភិវឌ្ឍជាតិជាបន្តទៅទៀត ។
ចែករំលែកព័តមាននេះ