រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជាលោកសុខ ឥសាន បានអះអាងវប្បធម៌ញុះញង់ចាក់រុក និងដុតកំហឹងរបស់អតីតមេបក្សប្រឆាំងសម រង្ស៊ី នៅក្រៅប្រទេសត្រូវ បានបរាជ័យ ។…
រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជាលោកសុខ ឥសាន បានអះអាងវប្បធម៌ញុះញង់ចាក់រុក និងដុតកំហឹងរបស់អតីតមេបក្សប្រឆាំងសម រង្ស៊ី នៅក្រៅប្រទេសត្រូវ បានបរាជ័យ ។ លោកសុខ ឥសាន បានឲ្យដឹងនៅថ្ងៃទី២៧ ខែកុម្ភៈ យ៉ាងដូច្នេះដោយអស់ផ្លូវ ដើរ និងទទួលបរាជ័យផ្ទួនៗក្នុងឧបាយកលពិសពុលរបស់ខ្លួនទណ្ឌិត សម រង្ស៊ី ដែលរត់ចោលស្រុកនៅព្យាយាមប្រើវិធីញុះញង់ និងដុតកំហឹងមហាជនប្រជាជន និងកងកម្លាំងប្រដាប់អាវុធឲ្យងើបឡើងប្រឆាំង និងរាជរដ្ឋាភិបាលកម្ពុជាប្រឆាំងនឹងវិនិយោគិនបរទេសបំភិតបំភ័យវិនិយោគបរទេសឲ្យរត់ចេញទៅប្រទេសដើមវិញប៉ុនប៉ងធ្វើឲ្យសេដ្ឋកិច្ចជាតិត្រូវរំលំរលាយ។
លោកបន្តថា ទង្វើ និងសកម្មភាពរបស់មេឧទ្ទាមក្រៅច្បាប់ដែលកំពុងរត់ចោលស្រុកបានយកវប្បធម៌ឈ្នានីស និងរើសអើងជាតិសាសន៍មកអនុវត្ត ដើម្បីបំផ្លិចបំផ្លាញប្រទេសជាតិ និងផលប្រយោជន៍ប្រជាជនយ៉ាងជាក់ស្តែងដែលជាចរិតក្បត់ជាតិ ក្បត់ប្រជាជនមិនអាចប្រកែកបាន ឡើយ ។ លោកបញ្ជាក់ថា ទោះបីទណ្ឌិតនេះប្រើឧបាយកលពិសពុលយ៉ាងណាក៏មិនទទួល បានផលឡើយមិនអាចធ្វើឲ្យប្រជាជន និងកងទ័ពលុះតាមជាដាច់ខាតផ្ទុយទៅវិញវាកាន់តែ ធ្វើឲ្យប្រជាជន និងកងទ័ពរួបរួមសាមគ្គីគ្នាជាធ្លុងមួយ ក្រោមការដឹកនាំរបស់គណបក្សប្រជាជនកម្ពុជា និងរាជរដ្ឋាភិបាលកម្ពុជាពុះពារគ្រប់ឧបសគ្គ ដើម្បីសម្រេចគោលដៅនៃការកសាង និងអភិវឌ្ឈន៍ប្រទេសរីកម្រើនលើកកម្ពស់ជីវភាពរស់នៅរបស់ប្រជាជនស្របតាមសំណូមពរ។
ជាមួយគ្នានោះដែរអ្នកនាំពាក្យបក្សកាន់អំណាចក៏បានលើកឡើងថា ដើម្បីគាបសង្កត់ឲ្យរាជរដ្ឋាភិបាលកម្ពុជាធ្វើតាមខ្លួន មជ្ឃដ្ឋានប្រឆាំងបរទេសបានយកបញ្ហាសិទ្ធិមនុស្ស និងប្រជាធិបតេយ្យមកធ្វើជាលក្ខណ្ឌ ។ ប៉ុន្តែតាមការពិតជាក់ស្តែងនៅកម្ពុជាគ្មានការរំលោភសិទ្ធិមនុស្សធ្ងន់ធ្ងរ និងលទ្ធិប្រជាធិបតេយ្យដើរថយក្រោយដូចការចោទប្រកាន់ឡើយ។ លោកបញ្ជាក់ថា«យើងគិតមើលបើមានបញ្ហាដូចការចោទមែននោះ នោះប្រទេសកម្ពុជាមិនអាចធានារក្សាសន្តិភាពស្ថិរភាពនយោបាយ និងសុខសុវត្ថិភាពបានល្អដូចសព្វថ្ងៃនេះទេប្រាកដជាមានការរំជើបរំជួលចលាចលក្នុងសង្គមជាមិនខាន ។
ដូច្នេះការលើកយកបញ្ហាសិទ្ធិមនុស្ស និងប្រជាធិបតេយ្យមកចោទ គឺគ្រាន់តែជាឡេះ ដើម្បីកៀបសង្កត់មកលើកម្ពុជាឲ្យបោះបង់ចោលឯករាជ្យ និងអធិបតេយ្យភាពជាតិរបស់ខ្លួនតែប៉ុណ្ណោះ» ៕
ចែករំលែកព័តមាននេះ