រាជធានីភ្នំពេញ ៖ លោកង្វៀន ភូត្រុង (NGUYEN PHU TRONG) អគ្គលេខាធិការនៃគណៈកម្មាធិការមជ្ឈិមបក្សកុម្មុយនីស្ត និងជាប្រធានរដ្ឋនៃសាធារណរដ្ឋសង្គមនិយមវៀតណាមបានចូលជួបសវនាការជាមួយប្រធានរដ្ឋសភា និងព្រឹទ្ធសភាកម្ពុជា ។
លោកង្វៀនភូត្រុង នៅព្រឹកថ្ងៃទី២៦ កុម្ភៈនេះបានចូលជួបសវនាការជាមួយសម្តេចវិបុលសេនាភក្តីសាយ ឈុំ ប្រធានព្រឹទ្ធសភានៅវិមានព្រឹទ្ធសភា ។ ក្រោយពីជួបសម្តេចប្រធានព្រឹទ្ធសភាលោកប្រធានរដ្ឋសភាវៀតណាមបានចូលជួបសម្តេចពញ្ញាចក្រី ហេង សំរិន ប្រធានរដ្ឋសភានៅវិមានរដ្ឋសភា ។
សូមជម្រាបថា លោក ង្វៀន ហ្វ៊ូជុង (Nguyen Phu Trong) អគ្គលេខាធិការនៃគណៈកម្មាធិការ មជ្ឈឹមបក្សកុម្មុយនីស្ត និងជាប្រធានរដ្ឋនៃសាធារណរដ្ឋសង្គមនិយមវៀតណាមបានធ្វើដំណើរមកដល់កម្ពុជានៅរសៀលថ្ងៃទី២៥ ខែកុម្ភៈ ឆ្នាំ២១៩ ដើម្បីបំពេញទស្សនកិច្ចផ្លូវរដ្ឋរយៈពេល២ថ្ងៃចាប់ពីថ្ងៃទី២៥-២៦ កុម្ភៈនេះ ។
បើតាមសេចក្ដីប្រកាសព័ត៌មានរបស់ក្រសួងការបរទេសខ្មែរនៅថ្ងៃទី២០ កុម្ភៈ បានឲ្យដឹងថា ការអញ្ជើញមកបំពេញទស្សនកិច្ចរបស់ប្រធានរដ្ឋវៀតណាមនេះតបតាមការអញ្ជើញរបស់ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រកម្ពុជា ។ ក្នុងអំឡុងពេលទស្សនកិច្ចនេះលោក ង្វៀន ហ្វ៊ូជុង នឹងចូលគាល់ព្រះមហាក្សត្រ និងសម្តេចព្រះមហាក្សត្រីនរោត្តមមុនីនាថសីហនុព្រះវររាជមាតាជាតិខ្មែរក្នុងព្រះបរមរាជវាំង ។
លោក ង្វៀន ហ្វ៊ូជុង ក៏នឹងចូលថ្វាយបង្គំសម្តេចអគ្គមហាសង្ឃរាជាធិបតី ទេព វង្ស សម្តេចព្រះមហាសង្ឃរាជនៃគណៈមហានិកាយ និងសម្តេចព្រះអភិសិរីសុគន្ធាមហាសង្ឃរាជាធិបតី បួរ គ្រី សម្តេចព្រះមហាសង្ឃរាជនៃគណៈធម្មយុត្តិនិកាយនៃកម្ពុជាផងដែរ ។ ប្រធានរដ្ឋវៀតណាមក៏នឹងមានជំនួបដោយឡែកពីគ្នាជាមួយសម្តេច សាយ ឈុំ ប្រធានព្រឹទ្ធសភាសម្តេច ហេង សំរិន ប្រធានរដ្ឋសភា និងសម្តេចតេជោ ហ៊ុន សែន នាយករដ្ឋមន្ត្រីកម្ពុជា ។ លោក ង្វៀន ហ្វ៊ូជុង និងសម្តេចតេជោនឹងអញ្ជើញជាជាអធិបតីភាពក្នុងពិធីចុះហត្ថលេខាលើ ឯកសារមួយចំនួនផងដែរ ៕
ចែករំលែកព័តមាននេះ