ទីក្រុងហូជីមិញ ៖ប្រទេសវៀតណាមគឺជាទីផ្សារថ្មីដ៏មានប្រជាប្រិយភាពសម្រាប់អតិថិជនដែលចាប់អារម្មណ៍លើអចលនទ្រព្យថ្នាក់ខ្ពស់ ។ យោងតាមសារព័ត៌មាន Bloomberg បានឲ្យដឹងកាលពីថ្ងៃទី១៩ កុម្ភៈ កន្លងមកថា តាំងពីមានការបើកទទួលយកការវិនិយោគពីបរទេស និងកាត់បន្ថយការគ្រប់គ្រងលើក្រុមហ៊ុនឯកជន…
ទីក្រុងហូជីមិញ ៖ប្រទេសវៀតណាមគឺជាទីផ្សារថ្មីដ៏មានប្រជាប្រិយភាពសម្រាប់អតិថិជនដែលចាប់អារម្មណ៍លើអចលនទ្រព្យថ្នាក់ខ្ពស់ ។ យោងតាមសារព័ត៌មាន Bloomberg បានឲ្យដឹងកាលពីថ្ងៃទី១៩ កុម្ភៈ កន្លងមកថា តាំងពីមានការបើកទទួលយកការវិនិយោគពីបរទេស និងកាត់បន្ថយការគ្រប់គ្រងលើក្រុមហ៊ុនឯកជន ប្រទេសវៀតណាមបានស្ថិតក្នុងចំណោមប្រទេសដែលលូតលាស់លឿនជាងគេជុំវិញពិភពលោកដោយសេដ្ឋកិច្ចលូតលាស់បានជាមធ្យមច្រើនជាង៦%ទៅទៀតក្នុងមួយឆ្នាំក្នុងរយៈពេល២០ឆ្នាំកន្លងមកនេះ ។
ក្នុងពេលថ្មីៗនេះ រោងចក្រដែលប្តូរទីតាំងផលិតកម្មពីប្រទេសចិនទៅកាន់វៀតណាមក៏បានជួយឲ្យផលិតផលក្នុងស្រុកសរុប(GDP) របស់វៀតណាមលូតលាស់បាន៧%ផងដែរកាលពីឆ្នាំមុន ។ ស្ថានការណ៍នេះបានទាក់ទាញវិនិយោគិនបរទេសឲ្យងាកមកកាន់វិស័យអចលនទ្រព្យរបស់វៀតណាម ខណៈដែលមានប្រជាជនក្នុងស្រុកកាន់តែច្រើនចាប់ផ្តើមចូលក្នុងទីផ្សារនេះ ។
លោក Goodwin Gaw អគ្គនាយកក្រុមហ៊ុន Gaw Capital Partners បាននិយាយថា វៀតណាម ប្រៀបដូចជាប្រទេសចិនប៉ែកខាងត្បូងកាលពី១០ទៅ១៥ឆ្នាំមុន។ លោកបានបន្ថែមថា វាមិនទាន់ច្បាស់នៅឡើយទេ ព្រោះតម្លៃផ្ទះបន្តកើនឡើងជាបន្តបន្ទាប់ក្នុងរយៈពេល១៨ខែមកនេះ ប៉ុន្តែ « ក្នុងរយៈពេលវែង វានឹងល្អ »។
យោងតាមក្រុមហ៊ុន CBRE Group Inc. បានឲ្យដឹងថា តម្លៃខុនដូថ្នាក់ខ្ពស់ក្នុងទីក្រុងហូជីមិញបានកើនឡើង១៧%កាលពីឆ្នាំ២០១៨ មកស្មើជាមធ្យមប្រមាណ៥,៥១៨ដុល្លារក្នុងមួយម៉ែត្រការ៉េ និងបានព្យាករណ៍ទៀតថា តម្លៃអាចនឹងកើនឡើងជិត១០%នៅដើមឆ្នាំ២០២០ មកស្មើ ៦ពាន់ដុល្លារក្នុងមួយម៉ែត្រការ៉េ ។ បើទោះជាតម្រូវការវិនិយោគិនបរទេសនៅរឹងមាំពិតមែនក្តី អតិថិជនថ្មីៗក្នុងទីផ្សារនេះជាប្រជាជនវៀតណាមដែលមានទ្រព្យសម្បត្តិ ច្រើន។
យោងតាមរបាយការណ៍មួយរបស់ Knight Frank កាលពីឆ្នាំ២០១៧បានឲ្យដឹងថា ចំនួនប្រជាជនវៀតណាមដែលមានទ្រព្យសម្បត្តិស្មើនិងច្រើនជាង៣០លានដុល្លារបានកើនឡើងដល់ទៅ៣០២%ពីឆ្នាំ២០០៦ ដល់២០១៦៕
ចែករំលែកព័តមាននេះ