ខេត្តឧត្តរមានជ័យ ៖ បើតាមសេចក្តីរាយការណ៍បឋមបានឲ្យដឹងថា កិច្ចប្រតិបត្តិការដ៏ក្តៅគគុកមួយ ខណៈកម្លាំងសមត្ថកិច្ចចុះបង្ក្រាបក្រុមចោរលួចរថយន្ត កាលពីរសៀលថ្ងៃទី២៣ ខែកុម្ភៈ ឆ្នាំ២០១៩ នៅចំណុចផ្ទះជួលមួយកន្លែង ព្រំប្រទល់កម្ពុជា-ថៃ…
ខេត្តឧត្តរមានជ័យ ៖ បើតាមសេចក្តីរាយការណ៍បឋមបានឲ្យដឹងថា កិច្ចប្រតិបត្តិការដ៏ក្តៅគគុកមួយ ខណៈកម្លាំងសមត្ថកិច្ចចុះបង្ក្រាបក្រុមចោរលួចរថយន្ត កាលពីរសៀលថ្ងៃទី២៣ ខែកុម្ភៈ ឆ្នាំ២០១៩ នៅចំណុចផ្ទះជួលមួយកន្លែង ព្រំប្រទល់កម្ពុជា-ថៃ ក្នុងទឹកដីអូរស្មាច់ ក្រុងសំរោង ខេត្តឧត្តរមានជ័យ រហូតឈានដល់ការឃាត់ខ្លួនជនសង្ស័យ៣នាក់ ។
ជនសង្ស័យជាក្រុមចោរលួចរថយន្តទាំង៣នាក់នេះ ១-ឈ្មោះ នួន យាន ភេទប្រុស អាយុ៣៦ឆ្នាំ ២-ឈ្មោះ ស៊ុម ហយ ហៅពេជ្រ ភេទប្រុស អាយុ២១ឆ្នាំ និង៣-ឈ្មោះ ស៊ុម ង៉ុយ ភេទប្រុស អាយុ៤២ឆ្នាំ ។
សេចក្តីរាយការណ៍ឲ្យដឹងទៀតថា ប្រតិបត្តិការនោះដោយមានការបញ្ជាផ្ទាល់ពីលោកឧត្តមសេនីយ៍ទោ ម៉ែន លី ស្នងការនគរបាលខេត្ត និងលោកឧត្តមសេនីយ៍ត្រី ឡឹក សុខា ស្នងការរង ដឹកនាំកម្លាំងការិយា ល័យព្រហ្មទណ្ឌកំរិតធ្ងន់ខេត្តឧត្តរមានជ័យ រួមជាមួយកម្លាំងនគរបាលប៉ុស្តិ៍នរដ្ឋបាលអូរស្មាច់ ក្រោមការសហការជាមួយការិយាល័យអនុវត្តដីកានៃនាយកដ្ឋាននគរបាលព្រហ្មទណ្ឌក្រសួងមហាផ្ទៃ អនុវត្តតាមដីកាចាប់ខ្លួន និងបញ្ជាឲ្យចូលខ្លួនរបស់សាលាដំបូងខេត្តកំពត ។
ជនសង្ស័យទាំង៣នាក់ក្នុងចំណោមបក្សពួក៤នាក់ ត្រូវបានចោទប្រកាន់ពីបទលួចមានស្ថានទម្ងន់ (ស្មើ នឹងប្លន់) ក្រោយឃាត់ខ្លួនកម្លាំងសមត្ថកិច្ចបានប្រគល់ឲ្យទៅនគរបាលជំនាញនៃនាយកដ្ឋានព្រហ្ម ដើម្បីចាត់ការតាមនីតិវិធីបន្ត ។
ចែករំលែកព័តមាននេះ