អ្នកប្រើប្រាស់ស្មាតហ្វូនចៀសមិនផុតពីការធ្វើឲ្យទូរស័ព្ទរបស់ពួកគេធ្លាក់ពីដៃឡើយដូច្នេះវាពិតជាសំខាន់ណាស់ក្នុងការទប់ស្កាត់ស្មាតហ្វូនរបស់អ្នកមិនឲ្យបែកខ្ចាយមួយរំពេញដែលវាធ្លាក់ដល់ឥដ្ឋ ឬដីដោយប្រើស្រោមទូរស័ព្ទដែលអាចការពារទូរស័ព្ទបានល្អនិងមានប្រសិទ្ធិភាព ។
បញ្ហាដដែលៗដែលអ្នកជួសជុលទូរស័ព្ទភាគច្រើនជួបប្រទះពេលដែលអតិថិជនរបស់ពួកគេយកទូរស័ព្ទទៅជួសជុលគឺការបែកញ្ចក់ស្គ្រីនទូរស័ព្ទព្រោះវាងាយនឹងបែកប្រេះស្រាំជាងគេពេលដែលធ្លាក់ប៉ះនឹងជ្រុងទូរស័ព្ទ ។
ដូច្នេះអ្នកគួរតែជ្រើសយកស្រោមទូរស័ព្ទដែលធ្វើឡើងពីស៊ីលីកូន ឬជ័រ ដែលគ្របដណ្តប់ជ្រុងទូរស័ព្ទរបស់អ្នក ។ សម្រាប់កម្រាស់របស់ស្រោមទូរស័ព្ទរបស់អ្នកគឺសម្របតាមការសម្រេចចិត្តរបស់អ្នកទេ ។ ប្រសិនបើអ្នកជឿជាក់លើខ្លួនឯង នោះស្រោមស្តើងក៏អាចការពារទូរស័ព្ទអ្នកបានដែរ ។
ប៉ុន្តែស្រោមទូរស័ព្ទដែលមានកម្រាស់ក្រាស និងធ្ងន់មានប្រសិទ្ធិភាពជាងស្រោមស្តើងដែលល្អសម្រាប់យុវវ័យដែលមានការធ្វេសប្រហែសច្រើន ។
បញ្ហាមួយទៀតសម្រាប់អ្នកប្រើប្រាស់ស្មាតហ្វូនគឺការធ្វើឲ្យទូរស័ព្ទចូលទឹកជាដើមដែលតែងតែកើតឡើងបន្ទាប់ពីវិស្សមកាល ឬការសម្រាកចុងសប្តាហ៍តាមមាត់សមុទ្រ ឬអាងហែលទឹកជាដើម ។ ប្រសិនបើអ្នកចូលចិត្តការហែលទឹក និងមានការភ្លេចភ្លាំងច្រើននោះអ្នកគួរជ្រើសយកស្រោមទូរស័ព្ទដែលមិនងាយជ្រាបទឹក ឬអាចការពារទូរស័ព្ទពីការចូលទឹកបាន ។
អ្នកចែកចាយទូរស័ព្ទបន្តតែងតែផ្តល់យោបល់ឲ្យអ្នកប្រើស្គ្រីនការពារទូរស័ព្ទ ហើយអ្នកជំនាញផ្តល់យោបល់ឲ្យជ្រើសយកស្គ្រីនបិទដែលធ្វើពីកញ្ចក់ព្រោះវាអាចការពារការកូតល្អជាងស្គ្រីនដែលធ្វើពីប្លាស្ទិច ។
អ្នកគួរជ្រើសស្គ្រីនដែលមានកម្រាស់ 9H ព្រោះវាមានកម្រាស់ល្អជាងគេសម្រាប់ការពារ និងនៅអាចឆ្លុះបញ្ចាំងស្គ្រីនទូរស័ព្ទរបស់អ្នកបានល្អដដែល ប៉ុន្តែវាក៏មិនអាចការពារស្គ្រីនរបស់ទូរស័ព្ទអ្នកទាំងស្រុងដែរប្រសិនបើមានការទង្គិចនៅជ្រុងទូរស័ព្ទជាដើម ដូច្នេះអ្នកគួរប្រើវាជាមួយនឹងស្រោមដែលការពារជ្រុងបានល្អ ៕
ប្រភព ៖ Wired
ចែករំលែកព័តមាននេះ