អារម្មណ៍ភ័យខ្លាចពេលសម្ភាសន៍ការងារអាចជាឧបសគ្គដ៏ធំមួយសម្រាប់អ្នកដែលកំពុងស្វែងរកការងារ ។ វាមិនមែនជារឿងងាយឡើយក្នុងការជួបជាមួយនឹងមនុស្សដែលអ្នកមិនស្គាល់ដែលមានតំណែង និងឋានៈខ្ពស់ជាងអ្នក ហើយពួកគេនឹងឲ្យពិន្ទុទៅលើរូបរាង ឥរិយាបទ និងសមត្ថភាពរបស់អ្នកក្នុងពេលសម្ភាសន៍នោះ ។ ប៉ុន្តែខាងក្រោមនេះគឺជាវិធីងាយៗដែលអាចជួយឲ្យអ្នកកាត់បន្ថយភាពភ័យខ្លាចក្នុងអំឡុងពេលសម្ភាសន៍ការងារ ៖…
អារម្មណ៍ភ័យខ្លាចពេលសម្ភាសន៍ការងារអាចជាឧបសគ្គដ៏ធំមួយសម្រាប់អ្នកដែលកំពុងស្វែងរកការងារ ។ វាមិនមែនជារឿងងាយឡើយក្នុងការជួបជាមួយនឹងមនុស្សដែលអ្នកមិនស្គាល់ដែលមានតំណែង និងឋានៈខ្ពស់ជាងអ្នក ហើយពួកគេនឹងឲ្យពិន្ទុទៅលើរូបរាង ឥរិយាបទ និងសមត្ថភាពរបស់អ្នកក្នុងពេលសម្ភាសន៍នោះ ។ ប៉ុន្តែខាងក្រោមនេះគឺជាវិធីងាយៗដែលអាចជួយឲ្យអ្នកកាត់បន្ថយភាពភ័យខ្លាចក្នុងអំឡុងពេលសម្ភាសន៍ការងារ ៖
១. មើលថែខ្លួនឲ្យបានល្អ ៖ ព្យាយាមជៀសវាងការទទួលទានភេសជ្ជៈដែលមានជាតិកាហ្វេអីុន ចូលដំណេកឲ្យបានគ្រប់គ្រាន់ និងហាត់ប្រាណជាប្រចាំ។ ការរក្សាសុខភាពគឺពិតជាសំខាន់ណាស់សម្រាប់ពេលដែលអ្នកធ្លាក់ក្នុងស្ថានការណ៍ស្ត្រេស ។
២. ព្យាយាមស្រមៃឃើញភាពជោគជ័យ ៖ រកកន្លែងដែលស្ងាត់រួចបិទភ្នែកនិងព្យាយាមស្រមៃមើលខ្លួនឯងឆ្លងកាត់ការសម្ភាសន៍ដោយជោគជ័យ។ ការធ្វើដូច្នេះអាចត្រៀមខួរក្បាលរបស់អ្នកដំណើរការបានល្អជាងមុន។ វិធីសាស្ត្រនេះក៏ត្រូវបានប្រើប្រាស់ដោយកីឡាករល្បីៗមុនពេលការប្រកួតផងដែរ ។
៣. កាត់បន្ថយកត្តាដែលបង្កឲ្យអ្នកស្ត្រេស ៖ កត្តាដែលអាចបង្កឲ្យអ្នកស្ត្រេសនៅថ្ងៃសម្ភាសន៍មានដូចជា សម្លៀកបំពាក់មិនស្រួលខ្លួន ការវង្វេងផ្លូវ ឬការទៅសម្ភាសន៍យឺតជាដើម ។ ដូច្នេះអ្នកគួរតែជ្រើសរើសសម្លៀកបំពាក់មុនដែលសមរម្យ និងព្យាយាមស្វែងរកកន្លែងសម្ភាសន៍រួចសាកល្បងធ្វើដំណើរទៅកន្លែងនោះមុនមួយថ្ងៃឬពីថ្ងៃដើម្បីជៀសវាងការវង្វេងផ្លូវ ឬការទៅយឺត ។
៤. ស្រាវជ្រាវ ៖ អ្នកអាចកាត់បន្ថយភាពភ័យខ្លាចបានដោយត្រៀមខ្លួនឲ្យបានល្អ។ សាកល្បងស្រាវជ្រាវពីក្រុមហ៊ុនដែលអ្នកកំពុងសម្ភាសន៍ជាមួយ ឬស្រាវជ្រាវពីសំណួរដែលតែងតែត្រូវបានសួរ ។
៥. កុំចុះចាញ់ក្រោមសម្ពាធ ៖ អ្នកអាចជួបជាមួយនឹងអ្នកសម្ភាសន៍ដែលព្យាយាមដាក់សម្ពាធលើអ្នកដើម្បីដឹងពីការឆ្លើយតបរបស់អ្នកក្នុងស្ថានការដូច្នេះ ។ ប្រសិនបើអ្នកជួបនឹងអ្នកសម្ភាសន៍ដូចនេះ ត្រូវយល់ដឹងពីគោលដៅរបស់អ្នកសម្ភាសន៍ ហើយកុំយកដាក់ក្នុងចិត្ត។ អ្នកត្រូវដឹងថាបេក្ខជនដទៃក៏ប្រហែលជាជួបនឹងស្ថានការណ៍ដូចគ្នាដែរ ហើយវាក៏មិនបង្ហាញពីសមត្ថភាពរបស់អ្នកទាំងស្រុងដែរ ។
៦. សម្ភាសន៍អ្នកសម្ភាសន៍វិញ ៖ ព្យាយាមគិតថាការសម្ភាសន៍នេះក៏ជាឱកាសមួយសម្រាប់ឲ្យអ្នកវាយតម្លៃក្រុមហ៊ុនរបស់អ្នកដែរ។ អ្នកក៏កំពុងតែសម្រេចចិត្តថាអ្នកចង់ធ្វើការឲ្យក្រុមហ៊ុននេះឬទេដែរ ដូច្នេះព្យាយាមអង្កេតមើល និងសួរសំណួរដើម្បីបង្ហាញថាអ្នកចង់ដឹងបន្ថែមថា តើក្រុមហ៊ុនឬអង្គការនេះនឹងស្របគ្នាជាមួយនឹងគោលដៅ និងមហិច្ចតារបស់អ្នកឬទេ ?
ចែករំលែកព័តមាននេះ