ក្រុមហ៊ុនអាល្លឺម៉ង់ចង់ឱ្យរថយន្តអេឡិចត្រូនិករបស់ខ្លួនមានភាពស្អាតនិងបៃតងគ្រប់យ៉ាង តាំងពីការផលិតរហូតដល់ការបើកបរលើផ្លូវ ។ ពោលគឺគេចង់ឱ្យវាមិនមានការបញ្ចេញឧស្ម័នកាបូនឌីអុកស៊ីតសោះតែម្តង ។ ក្រុមហ៊ុន Volkswagen កំពុងស្វែងរកការផលិតរថយន្ត ដោយគ្មានការបញ្ចេញឧស្ម័នកាបូនឌីអុកស៊ីត សម្រាប់អនាគតរបស់ខ្លួន…
ក្រុមហ៊ុនអាល្លឺម៉ង់ចង់ឱ្យរថយន្តអេឡិចត្រូនិករបស់ខ្លួនមានភាពស្អាតនិងបៃតងគ្រប់យ៉ាង តាំងពីការផលិតរហូតដល់ការបើកបរលើផ្លូវ ។ ពោលគឺគេចង់ឱ្យវាមិនមានការបញ្ចេញឧស្ម័នកាបូនឌីអុកស៊ីតសោះតែម្តង ។
ក្រុមហ៊ុន Volkswagen កំពុងស្វែងរកការផលិតរថយន្ត ដោយគ្មានការបញ្ចេញឧស្ម័នកាបូនឌីអុកស៊ីត សម្រាប់អនាគតរបស់ខ្លួន ទៅលើម៉ូដែល ID Neo hatchback។ គេគ្រោងនឹងជួយមិនបំភាយ CO2 ទៅបរិយាកាស១លានតោនក្នុងមួយឆ្នាំៗ។
ថាមពលកកើតឡើងវិញនឹងត្រូវប្រើប្រាស់ ដើម្បីផលិតរោងចក្រ Volkswagen នៅ Zwickau ប្រទេសអាល្លឺម៉ង់ ។ វាក៏ជាប្រភពនៃការផលិតអាគុយនៅក្នុងវិធីដែលមានសុវត្ថិភាពសម្រាប់បរិស្ថានបំផុត ។ ខាងក្រុមហ៊ុនក៏បានទទួលស្គាល់ដែរថា វាគេចមិនផុតទេចំពោះការបំភាយ CO2 នៅពេលផលិតរថយន្ត តែគេនឹងខំបន្ថយវាឱ្យតិចតាមតែអាចធ្វើទៅបាន។
លោក Thomas Ulbrich សមាជិកក្រុមប្រឹក្សាភិបាលទទួលខុសត្រូវលើរថយន្តអគ្គិសនីរបស់ក្រុមហ៊ុន Volkswagen បានលើកឡើងថា៖ «ការប្រែប្រួលអាកាសធាតុគឺជាបញ្ហាប្រឈមដ៏ធំបំផុតនៅសម័យកាលរបស់យើង ។
ដើម្បីធានាថាវានៅតែមិនបញ្ចេញឧស្ម័ននៅក្នុងវដ្តជីវិតរបស់យើង យើងកំពុងធ្វើការលើមធ្យោបាយផ្សេងគ្នាជាច្រើន ដើម្បីប្រើប្រាស់ថាមពលបៃតង។ ការច្នៃប្រឌិតប្រកបដោយចីរភាពពិតប្រាកដ អាចធ្វើទៅបាន ប្រសិនបើយើងទាំងអស់គ្នាចង់បាន ហើយយើងទាំងអស់គ្នាធ្វើការលើវា» ។
ការសាកថ្មរបស់រថយន្ត Volkswagen ផ្នែកខាងមុខ គឺជាការសាកថ្មមួយយ៉ាងលឿន ហើយមានបណ្តាញនៅគ្រប់កន្លែងក្នុងអឺរ៉ុប ដែលប្រើប្រាស់ថាមពលអាចកើតឡើងវិញ នៅពេលណាដែលអាចធ្វើបាន ៕
ប្រភព ៖ Caradvice
ចែករំលែកព័តមាននេះ